Poprad

For elva med same namn, sjå Popradelva

Poprad
Byvåpenet til Poprad
Plassering
Styresmakter
Land	Slovakia
Kraj	Prešov kraj
Først nemnd i	1250
Borgarmeister	Anton Danko
Geografi
Flatevidd  - By	62,997 km²
Innbyggjarar  - Totalt (2007)    - folketettleik	55 042   873,7 /km²
Koordinatar	49°03′34″N 20°17′51″E
Høgd over havet	672 moh
Tidssone - Ved sommartid	CET (UTC+1) CEST (UTC+2)
Diverse annan informasjon
Postnummer	058 01
Retningsnummer (tlf)	421-52
Bilnummer	PP
Nettstad: www.poprad.sk

Poprad (tysk Deutschendorf) er ein by nord i Slovakia ved foten av Høge Tatrafjella. Han er den største byen i regionen Spiš og den tiande største i heile Slovakia. Han har om lag 55 000 innbyggjarar.

Byen har eit historisk sentrum og ved byen ligg den internasjonale Poprad-Tatry lufthamn. Byen er òg første stasjon på Tatranská elektrická železnica-jernbanen.

Historie

Historisk var området opphavleg busett av slavarar, men tyskarar koloniserte området på 1200-talet, og Poprad vart i hovudsak ein tysk by. Frå 1412 til 1770 vart byen og Szepes fylke pantelånt til Polen, og Polen var delvis ansvarleg for utviklinga der.

Poprad vart første gong nemnd i skriftlege kjelder frå 1256, og i 690 år, fram til 1946 var han berre ein av fleire nabobyar som i dag utgjer den moderne byen. Dei andre delane av byen er Matejovce, Spišská Sobota, Veľká og Stráže pod Tatrami.

I 1999 søkte Poprad om å vere vertskap til Vinter-OL 2006, men tapte for Torino i Italia.

Bakgrunnsstoff

• Bilete av Poprad Arkivert 2005-02-05 ved Wayback Machine.
• 360º QTVR-panorama av Poprad

Kjelder

• Denne artikkelen bygger på «Poprad» frå Wikipedia på engelsk, den 14. april 2009.