Saint Louis

St. Louis
by
Land	USA
Stat	Missouri
Areal	171,3 km²
Folketal	318 069  (2011)
Tidssone	-6
Saint Louis 38.626388888889°N 90.199444444444°W / 38.626388888889; -90.199444444444
Wikimedia Commons: St. Louis, Missouri

Saint Louis er ein by i delstaten Missouri i det sentrale USA. Bykommunen Saint Louis omfattar eit landareal på 160,4 km², med i kring 319 000 ibuarar (2010).

Byen Saint Louis ligg lengst aust i delstaten ved Mississippielva, like sør for åmotet mellom sideelva Missouri og hovudelva. Elva Mississippi er også grenseelv mot delstaten Illinois, og området på begge sider av elva dannar metropolen Greater Saint Louis, det 19. største byområdet i USA med eit folketal på om lag 2,9 millionar.

Saint Louis vart grunnlagt i 1764 av franske pelshandlarar. Byen voks mykje på 1800-talet, og var seint i 1800-åra den fjerde største byen i USA. I 1904 vart både ei såkalla verdsutstilling avvikla i byen og dei tredje olympiske sommarleikane. Folketalet voks til 1950, sidan har byen vore i ein langvarig, svak nedgang. Økonomien er basert på tenesteytande næringar, handel, godstransport, industri og turisme.

Musikaren Chuck Berry var frå Saint Louis.

Kjelder

• Denne artikkelen bygger på «St. Louis» frå Wikipedia på engelsk, den 17. februar 2014.