Skopusfjellet

	Skopusfjellet
	הַר הַצּוֹפִים Har HaTsofim, جبل المشارف Ǧabal al-Mašārif
	fjell
	Hebraisk universitet og tårnet på Skopusfjellet frå sør
Land	Israel
Distrikt	Jerusalem distrikt
Fjellkjede	Judeafjella
By	Jerusalem
Høgd	826 moh.
Koordinatar	31°47′33″N 35°14′39″E / 31.79250°N 35.24417°E
	; Skopusfjellet; 31°47′33″N 35°14′39″E / 31.7925°N 35.244166666667°E
	Kart som viser Skopusfjellet. Kart som viser Skopusfjellet.
	Wikimedia Commons: Mount Scopus

Skopusfjellet (hebraisk הַר הַצּוֹפִים Har HaTsofim; arabisk جبل المشارف Ǧabal al-Mašārif, جبل المشهد Ǧabal al-Mašhad eller جبل الصوانة Ǧabal al-Swana) er eit fjell (826 meter over havet) nordaust i Jerusalem. Etter den arabisk-israelske krigen i 1948 vart Skopusfjellet ein SN-verna israelsk eksklave i det Jordan-styrte territoriet, fram til seksdagarskrigen i 1967. I dag ligg Skopusfjellet innafor kommunegrensene til byen Jerusalem.

Namn

Åsryggen aust for både den gamle og moderne Jerusalem gjev flott utsyn over byen. Sidan hovuddelen av ryggen heiter Oljeberget, vart namnet «utkikk» nytta om ein topp nordaust for gamlebyen. Dette har ført til dei forskjellige namna på hebraisk arabisk, gresk og latinsk, som alle tyder «utkikk».

Historie

Antikken

Med utsyn over Jerusalem var Skopusfjellet ein strategisk viktig stad som base, der ein kunne angripe byen frå. Den 12. romerske legionen hadde leir her i år 66 evt.^[1] I år 70, då krigen var over og øydelegginga av Det jødiske tempelet vart Skopusfjellet nytta som ein base for den endelege kringsetjing av byen av den same 12. legionen, i tillegg til andre legionar.^[2]

Moderne tid

Den nøyaktige plasseringa av Skopusfjellet er ikkje kjend. Han er i antikke kjelder skildra å vere i nordaust på ryggen som omfattar Oljeberget, og som ruvar over Jerusalem i aust. Då sionistorganisasjonen valde å bygge eit nytt jødisk institutt for høgare utdanning, som etter kvart vart Det hebraiske universitetet, meinte dei det var uklokt å prøve å få midlar til å legge dette til Oljeberget, som er viktig for kristendomen. Dei valde i staden ei høgd i nærleiken, som dei valde å kalle Skopusfjellet. Namnet vart etter kvart daglegdags.