Alice Weidel
 Naskad: 6 de februare, 1979 Loke de nasko: Gütersloh, Germania Nationalitate: Germani Fake de fame: Politike |
Alice Elisabeth Weidel, naskad ye 6 de februare 1979 in Gütersloh, es germani politikista kela es depos li 18 de june 2022 presidente del dextri partise Alternative por Germania komunim kun Tino Chrupalla.
Alice Weidel did studia ekonomia in Bayreuth. La laborad por diferanti international kompanies e bankes qualim Goldman Sachs e li Banke de China.
In li yare 2013 Alice Weidel membreskad in li dextri partise Alternative por Germania e depos li yare 2015 la es membre del presidentaro del partise.
In li yare 2017 Alice Weidel esed elekted in li parlamente de Germania por li dextri partise Alternative por Germania. Depos li yare 2017 la es li chef del parlamentari klube del Alternative por Germania in li parlament de Germania.
Inter 2020 e 2022 Alice Weidel esed li presidente del organisatione del Alternative por Germania in li federali lande Badenia-Wurtemberg.
Alice Weidel es in personal lesbiani relatione kun Sarah Bossard. Li du femas have du infantes e habita in Biel (Suisia).