Tarsyi

Ch't' articl'ye fut c'menchie en Jèrriais

Tarsius syrichta des Ph'lippinnes

Un tarsyi est un annima tchi d'meuthe en Âsie, pustôt ès Ph'lippinnes, en Bornéo, en Sumâtra et en Sulaouési. Nou sait par l'èrcord des fossiles qu'les tarsièrs soulaient d'meuther l'travèrs d'l'Âsie, d'l'Ûrope et d'l'Améthique du Nord, mais achteu i' sont pustôt dangélés.

Lé tarsyi est un prînma mais ch'n'est pon un marmoûset - ch'est iun des mié-sînmiens tchi sont des prînmaux prînmitifs. Lé nom du tarsyi veint d'ses longs pids atout tchi qu'i' grînmpe dans les bouais - ses ortés ont des longs os tarsiens.

Lé tarsyi s'rêvil'ye la niet et a d'grands ièrs pouor pouver vaie dans la nièrcheu et s'lanchi sus l's însectes tch'i' mange. Ouaithe qu'lé tarsyi sait d'couôteunme mangeux d'însectes, y'en a des tarsièrs tchi gaff'thaient bein ofûche eune tchilieuvre ou un ouaîsé.

• Fanmil'ye Tarsiidae
  • Genre Tarsius
    • dgaîngue T. syrichta
      • Tarsius syrichta
      • Tarsius bancanus
    • dgaîngue T. tarsier
      • Tarsius tarsier
      • Tarsius dentatus
      • Tarsius pelengensis
      • Tarsius sangirensis
      • Tarsius pumilus