Jagdpanzer V
Lo Jagdpanzer V ò Jagdpanther es un caçaire de carris pesuc alemand de la Segonda Guèrra Mondiala.
Desvolopat a partir dau quadre dau Panther, èra destinat ai batalhons de carris pesucs dau frònt de l'Èst. Equipat dau poderós canon de 88 mm alemand, aviá un blindatge frontau espés e clinat capable d'arrestar la màger part deis obús tirats per lei carris aliats e sovietics ai distàncias normalas de combat. De mai, la velocitat que li donava lo motor dau Panther renforçava sa proteccion còntra lei tirs enemics. En revènge, aviá una talha tròp auta e èra vulnerable ai tirs còntra son blindatge laterau.
392 unitats foguèron produchas entre genier de 1944 e mai de 1945. En fòra d'operacions en Normandia e dins leis Ardenas, foguèron sustot utilizats còntra l'armada sovietica. Gràcias a sa mobilitat, sa proteccion e sa poissança de fuòc, foguèt considerat un dei melhors caçaires de carris de la guèrra. Après 1945, d'exemplaris subrevivents foguèron brèvament utilizats per d'armadas europèas avans d'èsser retirats dau servici avans la fin deis ans 1940.