Ali (Cantal)

Vilatge d'Occitània

Ali (Cantal)
Ally

Chastèl de la Vinha.

Geografia fisica

Coordenadas

45° 10′ 30″ N, 2° 18′ 57″ E

Superfícia

23,11 km²

Altituds
· Maximala
· Mejana
· Minimala

810 m
710 m
471 m

Geografia politica

País

Auvèrnhe

Estat

França

Region
84

Auvèrnhe-Ròse-Aups, ancianament d'Auvèrnhe

Departament
15

Cantal

Arrondiment
152

Arrondiment de Mauriac

Canton
1514

de Mauriac, ancianament de Canton de Pleus

Intercom
241501139

Comunautat de comunas del País de Salèrn

Cònsol

Pascal Terrail
(julhet 2017-2020)

Geografia umana

Populacion
Populacion totala
(2018)

599 ab.

Evolucion de la populacion

611 ab.

Densitat

27,48 ab./km²

Autras informacions

(en francés)

15700

Ali (Ally en francés) z-es 'na comuna auvernhata, situada dins lo departament del Cantal e la region d'Auvèrnhe-Ròse-Aups, ancianament d'Auvèrnhe.

Geografia

Comunas vesinas

Ali

Ascoralha (1,3km)

Chaucinac (2,8km)

Brajac (3,9km)

Mauriac (5,2km)

Barriac (5,5km)

Drujac (5,7km)

Perimètre del territòri

Comunas confrontantas de **Ali**
Brajac	Mauriac	Lo Vijan Ascoralha
Chaucinac		Drujac
Barriac	Pleus	Santa Alària

Toponimia

Las fòrmas ancianas son, per luòc:

Ali - Alys en 1653; Aly en 1659; Ali en 1671; Haly en 1674; Aliy en 1675, Alix en 1698, Ally en 1763^[1]. L'autre Ali es citat en 1307, Aly, en 1352, Ali e al sègle XVI, Alis.

Per Dauzat, Ali seriá un ancian *Allia, la villa d'un certan Allius, nom d'òme latin ^[2]; mas Delamarre cita tanben un nom gallic (gal, gallés) Allios ^[3], sense se referir a Ali. Sembla pasmens improbable qu'un ancian Alha (evolucion normala de l'etime *Allia) puèscha donar Ali al sègle XVII e encara mens al sègle XIV (per L'Ali de Naut Léger). Una derivacion gallesa en -ion donariá *Alh e pas Ali : *Allion > *Alio >*Alho >*Alh. La solucion de Negre, un nom germanic d'òme Allinus ^[4], supausa un reculament de l'accent tonic : *Ali(n) > Ali.

La prononciacion modèrna es ['ali] (informator de Barriac, nascut en Corresa, a 20 km), ['aʎe] (Chaucinac), entre ['aʎe] e ['aʎi] (a Ascoralha) ^[5]. L'auvernhàs naut refusa normalament una finala en -i posttonic (e tanben una -l- intervocalica, qu'altèra en -g- o en -r-, mas aicí sèm a son orada meridionala, près de l'orlhagués). Aquò's tanben a notar que los parlars qu'accèptan una -lh- molhada per Ali la iodizan pels mots ordinaris (la chamjan en -i- consonantic). Per comparason, la prononciacion de Sench Ipòlit a Apchon es [sentʃ i'pɔgə] : l'ancian canton de Pleus fai transicion entre l'auvernhàs e lo lengadocian del costat del prumèir.

Istòria

En 1972, Ali fusionèt amb Brajac e Drinhac que venguèron de comunas associadas, mas en 1985, Brajac tornèt préner l'independéncia comunala ^[6]

Administracion

Lista dels cònsols successius
Periòde		Identitat	Etiqueta	Qualitat
julhet 2017	2020	Pascal Terrail
2001	julhet 2017	Jean-Yves Bony	RPR, pueis UMP, LR	conselhèir general (2001-2015) pueis departamental (2015-), deputat (junh 2017-)
març de 2001	2001
Totas las donadas non son pas encara conegudas.