Arès

Dins la mitologia grèga, Arès (en grèc ancian: Αρης) es un dels enfants de Zèus e d'Èra e lo dieu de la guèrra,. Los romans l'identifican coma Mart.

Son origina es pas ellèna, mas ven de la region salvatja de Tràcia. Los grècs avián ja d'autres dieus guerrièrs, coma Atena, mas Arès es diferent: es capriciós, brutal e sanguinari. Atal pels grècs, que veneravan l'equilibri e l'intelligéncia li donèron pas gaire d'importància. Dins totes los combats que fa amb Atena, o quitament amb los mortals com Eracles o Diomèdes, es totjorn en fracàs. Aquò mòstra cossí los grècs preferissián una combinason de fòrça e d'intelligéncia fàcia a la fòrça bruta d'Arès.

Dins sos amors, al contrari, aguèt un grand succès. S'aparièt amb de divessas (coma Afrodita), de ninfas (Armonia) e de mortalas (coma Aglaura) e aguèt fòrça enfants. Los mai celèbres son Èros, Deimos, Antèros e las Amazonas.

Es abitualament representat montat sus un carri de guèrra. Pòrta l'Èlme d'aur, l'escut, es cobèrt d'una armadura de bronze e son braç es poderós e intrencable. D'abituda es acompanhat de Deimos (La terror), Fòbos (la panica) e Erida (la discòrdia).

Wikimedia Commons prepausa de documents multimèdia liures sus Arès.

v · m Divinitats olimpianas
Canon olimpian	Afrodita – Apollon – Arès – Artèmis – Atena – Demetèr – Dionís Ades – Efèst – Èra – Ermès – Estia – Poseidon – Zèus
Autres Olimpians	Astrèa – Carites – Eròs e Anteros – Ganimèdes – Èbe – Imèn Ilitia – Iris – Lèto – Mnemosina – Mèras – Musas – Tèmis