Klingon
Lo klingon es une lenga construcha.
.jpg)
Dins aquesta lenga, lo mot « Bonjorn » existís pas. Lo Klingon compta un trentenat de locutors sus tèrra e un centenat de personas lo sabon escriure. Los klingons son d'aliens que demòran sus la planèta Kronos. Aquesta lenga foguèt creada pel lingüist Marc Okrand en 1984 pel film Star Treck III [1]. Existisson d'autras lengas imaginàrias coma lo Sildave (Tintin) o lo Nav'i (Avatar). Tolkien, l'autor del « Sènher del anèls » n'inventèt un dezenat. Los klingons son de guerrièrs, adonc lo vocabulari bellicós es ric, i a pas cap de formula de cortesiá e Okrand causiguèt de sons guturals e talhats, que cal prononciar amb fòrça. .
Lo Klingon se pòt escriure de doas menas, en caractèrs « pIqaD » coma sus la fotografia o en caractèrs latins. Utilizan las letras majusculas per representar los sons que se pronóncian pas coma en anglés (per exemple, H coma Bach en alemand) e lo signe ' es la representacion d'un son glotal. Coma en Turc, la magèr part dels mots contenon de prefixes e de sufixes aponduts a la raissa.. Existisson 29 prefixes e 36 sufixes per los verbs. Per dire « Avètz pas tròp talent ? » escrivon « bIghungqu'be''a' », -be representa la negacion e -a l'interrogacion. Dins la frasa, se trapa d'en primièr lo complement d'objècte, puèi lo verb e enfin lo subjècte. Nombrosas aisinas son a disposicion per estudiar la lenga : un diccionari vendut a 250 000 exemplars, de corses en linha, una guida de conversacion descargable sus i-phone. Lo Klingon Language Institute [2] balha tanben quatre nivèls de certificacion (KLCP).
Lo Klingon es tanben un subjècte de tèsa, e un psicolingüista coma l'especialista Lawrence M. Schoen balha mai d'unas conferéncias[3]. Armond Speers parlèt a son filh solament en Klingon las tres primièras annadas de sa vida per estudiar lo procediment d'aquesiment d'una lenga en co dels mainatges[4]. Hamlet, l'epopèia de Gilgamesh foguèron revirats e publicats , lo teatre Zeebelt joguèt en 2010 l'opéra « u' » escrit en Klingon, podètz tanben visitar las caunas de Jenolan ,en Austràlia, amb una audioguida dins aquesta lenga[5] o encara crompar un clavièr d'ordenador amb de tòcas representant las lètras de l'alfabet Klingon. Existís tanben un traductor en linha[6].
- ↑ http://www.omniglot.com/conscripts/klingon.htm
- ↑ http://www.kli.org
- ↑ http://www.sfwa.org/2011/04/guest-post-klingons-invade-worldcon/
- ↑ http://www.washingtoncitypaper.com/articles/10873/klingon-as-a-second-language
- ↑ http://edition.cnn.com/2010/SHOWBIZ/celebrity.news.gossip/07/29/australia.klingon.tours/
- ↑ http://www.mrklingon.org