Nafta (industria petroliera)
Lo nafta es un liquide transparent qu'es compausat de la mesclaa de plusors idrocarburs eissits de la destillacion dau petròli. Es una copa leugiera eissia de las vapors condensaas dau petròli brut chaufat dins una torre de destillacion. Tres tipes de naftas son destriats :
- lo nafta leugier, que son ponch de bolhiment finau es de 80 °C o de 100 °C, es un element de basa de la fabricacion de las esséncias. Fòrça leugier, pòt s'evaporar rapidament en plen aire.
- lo nafta pesuc, que son ponch de bolhiment iniciau es de 80 a 100 °C e son ponch finau de 150 a 220 °C, es lo materiau de charja dau reformatge catalitic. Aqueu procediment permet d'o valorizar en esséncia.
- lo nafta totau es l'addicion dau nafta leugier e dau nafta pesuc. Es generalament utilizat coma charja per lo vapocracatge