Antidepresivo
| Supkategoria di | medication, psychotropic drug, psycholeptic  |
|---|---|
| Name | thymoleptic |
| Name in kana | こううつやく |
| Ta kousa | SSRI discontinuation syndrome |
| Medical condition treated | Depresion (clinico), generalized anxiety disorder, mental depression |
| WordLift URL | http://data.medicalrecords.com/medicalrecords/healthwise/antidepressants |
| NCI Thesaurus ID | C265 |
Antidepresivo ta medicina cu ta destina specificamente pa mehora estado di animo. E ta wordo prescribi pa sintomanan di tristesa prolonga, tambe yama depresion, y pa individuonan cu ta sufri di sentinan di ansiedad.[1]
Indicacion
[editá | editá fuente]Antidepresivo ta indica pa pashentnan, especialmente, cu episidio modera pa severo di trastorno depresivo mayor. Ademas, antidepresivo, al contrario di loke e nomber ta sugeri, ta funciona efectivamente contra ansiedad. Por ehempel, contra atake panico, ansiedad generalisa, trastorno obsesivo-compulsivo, trastorno di stress post-traumatico, y hipocondria. Durante tratamento di depresion, tambe e ta importante pa tin un structura diario, planificacion di actividad, y guia profesional psicologico (terapia).
Un pashent cu depresion manico of trastorno bipolar, no ta con cu ta wordo prescribi un antidepresivo. Antidepresivo sin un stabilisado di humor (p.e., Lithium ), por causa un episodio manico.[2]
Efecto
[editá | editá fuente]Antidepresivo ta funciona door di yuda balansa substancia den celebro: neurotransmisor. E neurotransmisor serotonina y noradrenalina ta envolvi den e regulacion di humor y emocion. Investigacion ta mustra cu deficiencia di e neurotransmisornan aki ta conduci na depresion y ansiedad. Aspectonan cu tambe ta hunga un rol clave ta factornan genetico, social, y medio ambiental. Pa e motibo aki, antidepresivo ta unicamente funciona como un sosten pa por tin mas energia pa esnan cu ta sufri por duna mas atencion na otro areanan di nan bida.[2]
Uzo di antidepresivo ta tuma 4 pa 6 siman pa mehora sintomanan di tristesa y ansiedad.[3] E celebro mester di tempo pa custuma y reacciona ariba e tratamento di antidepresivo. E ta consehabel pa sigui tratamento di antidepresivo 6 pa 9 luna despues di a recupera di sintoman di depresion of ansiedad. Tin pashent ta sigui bebe antidepresivo pa añanan como prevencion di trastorno di depresion.[2]
Tipo di antidepresivo
[editá | editá fuente]Tur antidepresivo tin como meta pa restaura e balans di serotonina y noradrenalina (tambe yama norepinefrina) den e celebro. E diferencia entre e tiponan ta prinsipalmente den e mechanismo di accion: e manera den cua nan ta purba di restaura e balans aki. Esaki por wordo haci, por ehempel, door di preveni cu neurotransmisor ta wordo kibra muchu lihe (IMO), of zorg pa nan keda activo entre e selnan di selebro pa mas largo (ISRS). Ta haci un distincion entre diferente tipo di antidepresivo:[2]
- ISRS: inhibidonan selectivo di reabsorbacion di serotonina
- IRSN: inhibidonan di reabsorbacion di serotonina-norepinefrina
- IMO: inhibidonan di monoamino oxidasa
- TCA: antidepresivo triciclico
E siguiente substancianan no ta mescla bon cu antidepresivo:
- Ibuprofen
- Droga, especialmente stimulante manera anfetamina, cocaina y MDMA
- Yerbe di San Juan (Hulandes: Sint-janskruid; nomber cientifico: Hypericum perforatum)
- Cierto antipsicotico
Referensia
|