Monumento

E artíkulo aki ta skirbí na papiamentu. Lo ta apresiá si por mantené e artíkulo aki na estilo di papiamentu.

Un momumento, den sentido di herensia kultural, ta e resto di un obra di arte, kultura, arkitektura i industria ku ta wòrdu konsidera di interes general pa su balor históriko, folklóriko, artístiko, sientífiko, industrial-arkeológiko of sea un otro balor sosial-kultural.

Tambe tin monumentonan di naturalesa, paisahe i di orígen geológiko.

Monumentonan di konstrukshon ta sea un modelo di un sierto estilo di arkitektura, of e tin importansia komo konstrukshon karakterístiko di sierto periodo.

Nashonnan Uni tambe ta otorgá un título di herensia kultural pa obranan kultural, basta ku nan kumpli ku sierto kondishonnan. Asina kier salbaguardia diversidat kultural i promove pas i komprenshon entre pueblonan. E bentaha di esaki ta ku pais i regionnan ta mira nan turismo krese. Na mesun momento e ta stimula enbolbimentu pa salbaguardia e herensia kultural.

Monumento den Karibe Hulandes

Den kada huridikshon di Karibe Hulandes ta eksisti legislashon pa proteha monumentonan. Nan ta resorta tambe bou di diferente tratado kultural internashonal. Na Kòrsou e zona históriko, sentro i waf di Willemstad ta aparesé riba e lista di herensia kultural di UNESCO.

Mira tambe

• Lista di monumento na Aruba
• Fundashon Kuido di Monumento Kòrsou