Argumentum ad hominem
| Dialegd: Schbaimarisch |
S argumentum ad hominem (ladainisch fa „Agumend, wu uffde Mensch b'zoche isch“) ischn Deng'gfehla, än logische Fehlschluss, ä Schoinagumend unn a än rhetorische Gniff.
Do'd'bai graifdma die Person iwwa dere persenlische Umschdänd odda Aigeschafde oa unn nedd die Agumend, wu die Person voag'brochd hodd. Midd soem Oagriff willma die Person inde Aache vunde Effendlischkaid in Varuf unn Missgredid bringe unn so dere Glaabwirdischkaid unn dodriwa ia Agumend schwäsche. Gons wischdisch isch, dass ma do vasuchd ä inhaldlische Disgussion zu vamaide. Rhetorisch bedrachd isch des bewussd polemisch odda soga ä rabulischdische Schdradegie, wu man midd Wordvadrearaije unn Schbidzfindischkaide schaffe dud, gons b'wussd newede Sach.
S'Schdandadbuch do'd'zu hodde Douglas Walton midd Ad Hominem Arguments gschriwwe, wu den Begriff glaa feschdleschd unn unnaschaidbare Varionde uffzehld.
Argumentum ad hominem werd gern middm Argumentum ad odium vawegseld. Awwa baim ledschdare werd de Geschna nedd offe og'griffe, sondan mit Hassgfiehl inde Aache vunde Laid b'leschd.
Schema
[Schaffe | Om Gwelltegschd schaffe]S'Schema vun argumentum ad hominem gehd so. De Geschna sachd "ebbes", isch konn awwa inde Aache vunde Laid zaische, dassde Geschna zum Baischbiel "dabbisch, bleed, n'Lisdchna odda egozendrisch" isch, donn mussma deswesche des "ebbes" ablehne, wasde Geschna gsachd hodd.
| De x bhaubd P. | |
| Awwa x lieschd, isch inkonseqwend/dumm/uufe'isch/selbschdgfellisch/odda „von dem / denne isch e nix zu halde“ etc. | |
| Druchschluss: | Alla, deswesche isch P falsch. |
Varionde
[Schaffe | Om Gwelltegschd schaffe]De Douglas Walton unnadeeld s'argumentum ad hominem in die finf Unnagrubbe.
- "Five types or subcategories of ad hominem argument recur as being recognized as central most frequently – the abusive, the circumstantial, the bias, the tu quoque (or „you too“), and the poisoning the well."[1]
Die Varionde vum Direct (Ethotic) Ad Hominem nochm Walton sinn
- from Veracity (mangelnde Wahhafdischkaid)
- from Prudence (mangelnde Vanunfd odda Vorsischd)
- from Perception (mangelnde Oisischd odda Uuwissehaid)
- from Cognitive Skills (mangelnde Denk-Fehischkaide)
- from Morals (mangelnde moralische Grundsedz).[2]
Die Varionde nemmen än Aschbegd vunde Persenlischkaid vum Geschna unn Vauuglimpfen des als uuzuraischend um ä gildisches Agumend odda ä gildischi Meenung hawwe zu kenne.
Diregdes ad hominem
[Schaffe | Om Gwelltegschd schaffe]Wonn innem Wordgfeschd än Geschna glaisch uumiddelbaa unn diregd oag'griffe unn alsn schlechda Mensch dagschdeld wead, donn schbrischdma a vum abusive ad hominem. Do'd'midd willma donn glaisch alles zuriggwaise, was jemond zu saache hodd. Des Schema isch donn, des ischn schleschda Mensch, weswesche ma dem awwa a ganix glawe konn.
Performatives ad hominem
[Schaffe | Om Gwelltegschd schaffe]S'performative ad hominem odda a circumstantial ad hominem zield uff die Bereschdischung vum Geschna zudem Pungd iwwhaubd ebbes sache zu kenne odda zu derfe. Do'd'zu wead zum Baischbiel die Fehischkaide baim Geschna oa'g'griffe. De Walton määnd do
- "The circumstantial type of ad hominem argument requires some kind of practical inconsistency between what an arguer says and some propositions expressed directly or indirectly by that arguer’s personal circumstances.“[3]
Ma guggd do insbsondare nochm performative Widdaschbruch zwischm Vahalde vunde Person unn dem wasse sachd. Zum Baischbiel wonnen Raacha de Juchendlische sachd, dass raache uugsund isch unses bessa soi losse solln, donn kennen die Juchendlische s'inkonseqwende Valhalde oaschbresche.
Bischa
[Schaffe | Om Gwelltegschd schaffe]- Douglas Walton: Ad hominem arguments. (Studies in rhetoric and communication). Tuscaloosa, Alabama: Alabama University Press, 1998, ISBN 0-8173-0922-5 (gebundene Ausgabe), ISBN 0-8173-5561-8 (Taschenbuchausgabe 2009).* Sternberg, R. J., III, H. L. R., & Halpern, D. F. (2007). Critical Thinking in Psychology. Cambridge University Press.
- A. Schopenhauer, Eristische Dialektik oder Die Kunst Recht zu behalten. 1830/31. (Edition Arthur Hübscher (1966); Haffmans Verlag, Zürich 1983, ISBN 3-251-00016-0) gugschd bai Reclam
- Charles Leonard Hamblin: Fallacies. Methuen London 1970, ISBN 0-416-14570-1 und ISBN 0-416-70070-5 (Taschenbuch), Neuauflage von 2004 bei Vale Press, ISBN 0-916475-24-7 (Taschenbuch).
- Maurice A. Finocchiaro: Galileo and the Art of Reasoning. (Boston Studies in the Philosophy of Science, vol. 61.) Dordrecht 1980.
- Hans. V. Hansen, Robert Pinto, Fallacies: classical and contemporary readings
- Irving M. Copi, Carl Cohen, Introduction to Logic, 2010, 14. Auflage, Routledge, isbn 978-0205820375, oclc 862726425