Eutròpio

	Vos an lenga piemontèisa
	Për amprende a dovré 'l sistema dle parlà locaj ch'a varda sì.

Eutròpio (? - 399) a l'é stàit un fonsionari ëd l'Imperi Roman d'Orient.

Vita

A l'ha ancaminà soa cariera coma eunuco ant ël palass ëd Teodòsio. Dòp la mòrt ëd Teòdosio dël 395 a l'ha organisà 'l matrimòni dël neuv imperator, Arcadio, con Eudoxia, che fin-a a col moment a l'era stàit blocà dal prinsipal ministr d'Arcadio, Rufin. Dòp che Rufin a l'é stàit sassinà l'amportansa d'Eutròpio ant la cort imperial a l'é motobin aumentà fin-a a la mira che a l'é dventà 'l prinsipal consejé d'Arcadio. A l'é stàit ël prim eunuch a dventé cónsol.

Dventà nemis d'Eudoxia a l'ha përdù tut sò podèj e, dòp n'época passà an përzon, a l'é peui stàit mandà al patìbol dël 399.

Ant l'ani da cónsol Eutròpio a l'é vagnasse ël ghignon dël pòpol për soa crudeltà e soa avarissia.

Miraco a-i era 'dcò chiel darera la mòrt ëd Rufin.