Missouri

	Vos an lenga piemontèisa
	Për amprende a dovré 'l sistema dle parlà locaj ch'a varda sì.

Ël Missouri a l'é në stat federal djë Stat Unì. A l'ha na surfassa ëd 180.693 km² e na popolassion ëd 5.754.618 abitant, dont 3% a son coj nassù fòra d'jë Stat Unì.
Lë stranòm ëd lë stat a l'é Show me state, visadì lë stat ch'a ciama dë s-ciairé.

As treuva ant la macroregion ciamà comunement Mid-West. A confin-a a nòrd con l'Iowa, a òvest col Nebraska, col Kansas e con l'Oklahoma, a sud con l'Arkansas, a est con l'Illinois, col Kentucky e col Tenessì.

La capital a l'é Jefferson City (39.636 abitant); la sità pì popolà dlë stat a l'é Sità ëd Kansas (444.387 abitant). Àutre sità con pì che 100.000 abitant a son Saint Louis, Springfield, e Indipendence.

Geografìa

Ël Missouri a l'é traversà da doi gròss fium - ël Mississippi, ch'a na marca scasi tuta la frontera oriental, e ël Missouri che apress avèj marca për pì che sent mija la frontera ossidental a traversa lë stat për tuta soa longheur fin-a a sò sbòch ant ël Mississippi, da le part ëd Saint Louis - e daj sò afluent. A l'é un djë stat merican con la pi gran longheur ëd fium navigàbij.

Stòria

Ël Missouri a l'é stàit admetù ant l'Union dël 1821.

Organisassion polìtica

Ël goernador a l'é Jeremiah Nixon (democràtich).

Ël Missouri a contribuiss con 11 grand eletor a j'elession pressidensiaj dl'Union.