Ranunculus glacialis

	Vos an lenga piemontèisa
	Për amprende a dovré 'l sistema dle parlà locaj ch'a varda sì.

?

Classìfica sientìfica

Regn:	Planctae
Division:	Magnoliophyta
Class:	Magnoliopsida
Órdin:	Ranunculales
Famija:	Ranunculaceae
Géner:	Ranunculus
Specie:	R. glacialis

Nòm binomial

Ranunculus glacialis
(L. 1753)

Descrission

A l'ha na pianta ch'a fà ëd bocc ch'a coro për tèra, auta da sinch a vint cm. soens soe gëmme a resto a livel ëd la tèra coatà da la fiòca. Le gambe a son carnose, curte, drite o cogià. Le feuje basaj a l'han ël picol e a son pentagonaj,; le feuje dë dzora arlongh la gamba a son altërnà, sempe pi cite man a man ch'as monta an vers la fior. La fior a l'ha sinch pétaj bianch a forma ëd cheur, ch'a tiro con ël temp a vnì reusa-porpra, con dë stam giaun an mes.

Ambient

A l'é rair, as treuva an Italia mach an sj'alp, da 2000 a 3100 m. A chërs an sle pere ùmiode vzin ai giassé, dzor le moren-e. A-j pias un sotstrà silicos con pH àcid e teren ùmid.

Fioridura

Da luj a aost.

Particolarità

A l'é coltivà ant ij giardin rocos.

Bocc
Feuje
Fior an veciaja

Arferiment bibliogràfich për chi a veul fé dj'arserche pì ancreuse

Ranunculus glacialis (L. 1753)