بوکو حرام

بوکو حرام اتلے نائیجیریا دی اک لڑاکی ٹولی اے۔ ایہدا مڈھ 2002 وچ محمد یوسف نے رکھیا سی تے ایہ لیندی سوج نوں روکن لئی بنائی گئی سی۔ ایہ اک خالص اسلامی راج بنان لئی کم کر رئی اے۔ ایہ ٹولی سآئیاں، مسلماناں تے سرکاری نشانیاں تے ہلے بول چکے نیں۔ گرجیاں، مسیتاں، پولیس سٹیشناں تے سکولاں تے بمب سٹ جکے نیں۔ 2002 تون 2013 تک ایہناں باہجوں 10،000 دے نیڑے لوک مارے جاچکے نیں۔

ناں

ایس ٹولی دا ناں اے جماعت اہل سنت دعوت تے جہاد یا پرچار تے جہاد دی سنی ٹولی۔ ایہدا عام ناں بوکوحرام میڈوگوری نگری دے لوکاں رکھیا جتھے ایھدا مڈھ رکھیا گیا سی۔ بوکو ہاؤسا بولی دا شبد اے جیدا مطلب اے فراڈ یا گناہ۔ پر ایتھے ایہ لیندی پڑھائی ول اشارہ اے جیہنوں ایہ مزہبی ٹولی حرام سمجھدی اے تے ایس تے روک چاہندی اے تے ایس توں ایس ٹولی دا عام ناں بوکو حرام یعنی 'لیندی سوچ حرام' پیا۔

اغوا

14–15 اپریل 2014 نوں بوکوحرام دے لواں نیں 276 پڑھاکو کڑیاں نون اغوا کرلیا۔ اوہناں نوں لیندی پڑھائی توں بچان لئی بوکوحرام نے اغوا کیتا تے کج نال ایس ٹولی دے کوریلے ویاہ کر لین گے تے ریندیاں نوں غلامی وج ویچدتا جاویگا۔