پاپارازی

پاپارازی آزاد فوٹوگرافر نیں جیہڑے وکھ وکھ کھیتراں دے مشہور تے نامور لوکاں دیاں تصویراں کِھچدے تے ویڈیوز بناوندے نیں۔ عام طور تے ایہ تصویراں یا ویڈیو کلِپ اوہناں لوکاں دے نِجی جیون دے معاملات بارے ہُندے نیں۔ پاپارازی ایہ تصویراں تے ویڈیوز میڈیا تے دوجے صحافتی اداریاں نوں بیچدے نیں۔

شبد پاپارازی دا مُڈھ

اک فلم (La Dolce Vita) چ اداکار والٹر سنٹیسو نے پاپارازو نامی نیوز فوٹوگرافر دا کردار نبھایا سی۔ پاپارازو نامی ایس نیوز فوٹوگرافر دے ناں تے پاپارازی دی اصطلاح بݨی اے۔

پاپارازیاں دے ہتھکنڈے

پاپارازی تصویراں کِھچݨ تے فلمبندی کرن واسطے مشہور اداکاراں، کھلاڑیاں، سیاستداناں وغیرہ تے ہور دوجےآں لوکاں دی جسوسی کر دے نیں تے اوہناں دی تاک چ رہندے نیں۔ موقع مِلدے ای گھات لا کے اپݨا کم کر لیندے نیں۔ پاپارازیاں کولوں ایہ لوک اکھ بچا کے نِکلݨ دی کوشش کر دے نیں تاکہ ایہناں دا شکار ہوݨ توں بچیا جاسکے۔