Перейти до вмісту

Евгений Евтушенко

Матеріал з Вікіпедія


Евгений Евтушенко

Евгений Евтушенко, Евгений Александрович Евтушенко
Sobyanin meeting Evtushenko 05.jpg
2015
УроджѣняЕвгений Александрович Гангнус
юла 18., 1932(1932-07-18)
штация Зима,
Иркутской области, СССР
Умертяапріля 1., 2017 (84 р.)
Талса, Оклагома, США
•сердцьова недостаточность
ПогребПередєлкінський цвинтар
Занятяпоет, прозаик
Язык творохросійскый
ГорожанствоСССР, Россия
ПрацаПиттсбургска универзита
Час творбы1952–2017
Жанрыпоезия, проза, публицистика
БатькоАлександр Рудольфович Гангнус
ДѣтиАлександр Евгеньевич Евтушенко
Вызначны роботыБабий яр, 1961;
Ягодные места, 1982[1]
Офиц. сайт
Евтушенко Евгений Александрович
Евгений Евтушенко на Викискладѣ
VIAF:79846190; GND:118776215; LCCN:n79107945; FAST:42847; BNF:11902052k; NLKR/NLC:jn19981001566; OL:OL4332672A, OL55290A;


Ту можуть быти податкы з Wikidata,
не контролованы авторами статѣ

Е. Евтушенко в гостях у Д. Гордона, 2013 русс.
https://www.youtube.com/watch?v=FAb27NRls7E (1. часть — 42 мин.)
https://www.youtube.com/watch?v=_7LpUa-02xY (2. часть — 38 мин.)
https://www.youtube.com/watch?v=Ql5XzwzkwGg (3. часть — 39 мин.)

Евгений Евтушенко, *18. юл 1932, штация Зима, Иркутской области, СССР — †1. апрѣль 2017, Талса, Оклагома, США — совѣтскый и русскый поет, прозаик, драматик.

Биография

[едітовати | едітовати жрідло]

Походжѣня

[едітовати | едітовати жрідло]

Его отцьом быв геолог, поет-аматор Александер Гангнус, а матерьов — выштудована геологичка, а по часѣ актерка и заслужена дѣятелька културы РСФСР Зинаида Евтушенкова.

Путь в литературу

[едітовати | едітовати жрідло]

В року 1944 году родителѣ ся розвели, и Евгений з матерьов перенесли ся до Москвы. Там она вернула собѣ дѣвоче призвиско, котре дала и сынови. Учив ся слабо, а в року 1948 го зо школы выказали. Отець го пробовав наладити до иншой школы, але безуспѣшно. 15-рочный Евгений пошов до Казахстану за помочного роботника в геологичной выправѣ. Як споминать во своей автобиографии, за честно зароблены грошѣ купив собѣ печатну машинку и, кашлючи на то, же не закончив школу, имив ся шалено писати вершѣ и россылати их по редакциях. Первый успѣх пришов в року 1949, коли новинка «Советский спорт» напечатала его верш «Два спорта», в котром поровновав практикы совѣтскых и америцкых шпортистох. Вершѣ Евтушенковы зачали регуларно печатати. Писав вершѣ о фотбалѣ, волейбалѣ, кошарцѣ, алпинизмѣ, весловом шпортѣ, боксѣ, корчоляшском шпортѣ. А ещи творив вершѣ з нагоды каждого наступного свята. Такый вид новинковой поезии быв тогды популарный.[2]

Вызнаня

[едітовати | едітовати жрідло]

Перва зберька «Разведчики грядущего» (1952) была школярскым наподобньованьом Маяковского.[3]

Сам автор неодовго порозумѣв, же просто красны римы и ефектны образы суть «кучерикы на пустой головѣ». Авшак вдякы той зберьцѣ 20-рочный Евтушенко быв приятый до Литературного инштитуту им. Горького (без документа о матурѣ!), ай аж и до Сполку писательох, де ся став его наймолодшым членом.[2]

Популарность и официалне вызнаня Евтушенко достав по смерти Йосифа Сталина в року 1953. Речницкый и публицистичный дар, притяжлива особность и его бесстрашный бой за навернутя умѣлецкой честности зробили го лидром совѣтской молодежи. Поет обродив дерзкый, жаргонный, непоетичный язык револучного Владимира Маяковского и традиции любовной и особной лирикы Сергея Есенина, на котры кривым оком позирали при сталинизмѣ.[1]

Сполоченска активность

[едітовати | едітовати жрідло]

Од самого зачатку выступуе як активна и позната сполоченска фигура и реагуе на актуалны политичны подѣи не лем своима вершами и поемами, але и смѣлыма выступами по боку преслѣдованых талентох, слободы творчости: уже в року 1957 быв выказаный з послѣдного рочника Литературного инштитуту им. Горького за публичну подтримку романа В. Дудинцева «Не хлебом единым». И в далшых роках вельо разы выступав на оборону репресованых дисидентох, же наконець шефы КГБ его чинность назвали «антисовѣтсков», и оцѣнили го як «опаснѣйшого од десятьох дисидентох».[4]

Евтушенко не лем быв на вшиткых континентах (окрем Антарктиды), но и написав вершѣ и поемы о каждой державѣ, где побывав. Его имя стало ся познатым в цѣлом свѣтѣ. В последных роках живота жив и працовав в США, де читав универзитный курз литературы на основѣ властного учебника (антологии), над котрым працовав 20 рокы.[5]

Творба

[едітовати | едітовати жрідло]

Евтушенко ся обертать ку пекучым темам сучасности, высловлюючи передовшиткым чутя и позиции молодой генерации, помалы выростаючи на ей речника и трибуна. Многы его вершѣ просто назначены про публичны выступы. Авшак ту-там публицистичность у него обертать ся на декларативность, а лирична сповѣдь на самохвалство.[3]

Характерныма про поетичный язык Евтушенка суть богатство ритмикы, асонансны корньовы римы, каждоденность просторечной бесѣды и притяг ку речницкой патетицѣ; облюблены темы патриотизма и памяти о минулой великой войнѣ.[4]

Критика

[едітовати | едітовати жрідло]

Евтушенко писав о найострѣйшых проблемах сучасности, зато не чудо, же мав и вельо критикох. Критику принимав спокойно, як неоднятну часть живота творчой и публичной особы, на вшиткы нападаня знав одповѣсти. Напримѣр, на то, же ся так екстравагантно облѣкать, казав, же в СССР тото не было можне, та теперь собѣ давать волю. На критику, котра ся тыче его творчости, найчастѣйша одповѣдь была, же тоты критикы суть его завистникы.[6]

Едным з найвекшых критикох быв В.В.Кожинов, котрый указуе на то, же вельо творох Евтушенка суть конъюнктурны и написаны на завданку, их умѣлецка якость низка. Тото, же автора «опаснѣйшого од десятьох дисидентох» совѣтска влада не преслѣдовала пояснюе так, же вшитко, што чинив, было наперед тов владов схвалене.[5]

Нобелув литературный лавреат поет-емигрант дисидент Йосиф Бродскый, што быв острым критиком Евтушенка, повѣв за него: «Он мече камѣня лем в тоты напрямы, котры суть официално санкционованы и схвалены». Бродский зохабив Америцку академии умѣня, коли Евтушенко став ся ей честным членом.[7]

78-рочный Евтушенко в добѣ «помаранчовой револуции»

Родина

[едітовати | едітовати жрідло]

Евтушенко быв четыри раз официално женатый, послѣдне найдовгше сопружество з Евтушенковов Мариов (родж. Новикова, 1961) тырвало 30 послѣдны рокы его живота. Мав пятеро сынох: Петр (1967), малярь; Александр (1979), новинарь, жие в Англии; Антон (1981), жие в Англии; Евгений (1989), учить ся в США; Дмитрий (1990 ), учить ся в США.[8]

Вызнаменаня

[едітовати | едітовати жрідло]

Честный член Америцкой академии умѣня, Академии красного умѣня в Малазѣ, рядный член Европской академии умѣня и наук, професор Honoris Causa Универзиты новой школы в Ню Йорку и Кральовского коледжа в Квинсѣ. За поему «Мама и нейтронная бомба» лавреат Державной премии СССР (1984). Лавреат премий имени Т. Табидзе (Грузия), Я. Райниса (Латвия), Фреджене-81, Золотый лев Венеции, Энтурия, премии города Триада (Италия), меджинародной премии «Академии Симба» и другых. Лавреат премии Академии российской телевизии «Тэфи» за лѣпшу просвѣтну програму «Поэт в России - больше, чем поэт» (1998), премии имени Уолта Уитмена (США). Ордены и медали СССР, америцка медаль Слободы за правооборонну чинность, шпециалный знак за заслугы Йельской универзиты (1999) и др. Честный варощанин города Зима (1992), а в США — Ню Орлеана, Атланты, Оклахомы, Талсы, штата Висконсин. В року1994 его имя достала планетка, объявлена 6. мая 1978 года в Крымской астрофизичной обсерватории (4234 Evtushenko).[8]

Жерела и одказы

[едітовати | едітовати жрідло]

Референции

[едітовати | едітовати жрідло]
  1. ↑ 1,0 1,1 Encyclopedia Britannica
  2. ↑ 2,0 2,1 Культура.РФ
  3. ↑ 3,0 3,1 Турков А. М.
  4. ↑ 4,0 4,1 Оскоцкий В. Д.
  5. ↑ 5,0 5,1 ХРОНОС
  6. ↑ В гостях у Гордона.
  7. ↑ Russian 'rock star' poet Yevgeny Yevtushenko dies at 84. Deutsche Welle (DW). https://www.dw.com/en/russian-rock-star-poet-yevgeny-yevtushenko-dies-at-84/a-38253629. англ.
  8. ↑ 8,0 8,1 http://www.evtushenko.net/bio.html Биография
Обтримане з "https://rue.wikipedia.org/w/index.php?title=Евгений_Евтушенко&oldid=146314"