Зомбор

Варош в Сербии Зомбор Сомбор серб. Герб Давны назвы Цобор-Сент-Мигаль Czobor-Szt-Mihály Держава СербияСербия Автономный край ВойводинаВойводина Округ Западна Бачка Варошска началниця Душанка Голубович Координаты 45.774167, 19.11222245°46′27″ с. ш. 19°06′44″ в. д.45.774167° с. ш. 19.112222° в. д.    Розлога 90,6 км² Надморска вышка 89 м Обывательство 47 623 особ (2011) Часова зона UTC+1, влѣтѣ UTC+2 Телефонный код +381 25 Поштовый индекс 25000 25101 25103-25107 Официалный сайт [1] серб.

Зомбор

Зомбор на мапѣ Сербии

Зо́мбор, серб. Сомбор — варош в Сербии, в автономном краю Войводина. Число обывательох подля найновшого списованя 47 623 особы (2011). Зомбор е административным центром Западно-Бачского округа Сербии, а таксамо и центром общины Зомбор, котра обнимать еще 15 сел и мать розлогу 1178 км² и 85569 обывательох.

История

Перва упоминка в жерелах — рок 1391.

На мѣстѣ теперѣшного вароша стояв каштель, што належав роду (Цобор, мад. Czobor). Каштель быв знищеный Османами по програной Мадярами битвѣ под Могачом (1526). На его мѣстѣ в року 1534 выставили нову осаду, котру зачали называти Зомбор. Тот рок ся поважуе за рок основаня вароша.

По вытѣснѣню Османох (1687-1691) пришли до вароша Сербове и Горваты. В роках 1717-1745 Зомбор мав статус пограничного вароша зоз силнов военсков посадков (oppidium militare). По утратѣ того статуса змагав ся на здобытя статуса кральовского вольного вароша, про тото подля догоды названой Alternatíva мав улагодити статуарны односины межи католицков и православнов громадами, а тыж заплатити до державной касы 150 тыс. ринскы форинты. По сповнѣню того в року 1749 Мария Терезия дала Зомбору статус кральовского вольного вароша. За так высоку заплачену цѣну достав варош под свою юрисдикцию околичны села и готарѣ, котры днесь творять общину Зомбор.

Обывательство

В року 1910 в Зомборѣ были 30 593 обывателе (в их числѣ 554 воякы), з того

Народность	Особ (1910)
Сербы	11 881
Мадяре	10 078
Хорваты и Буньевцѣ	6 234
Нѣмцѣ	2 181
иншы	55

Обывательство в року 2011, тыс.
Сербы			32.180
Хорваты			2.863
Мадяре			2.851
Буньевцѣ			1.629
Югославяне			.594
Чорногорцѣ			.471
Нѣмцѣ			.291
Иншы (под 0.5%)			6.744
Вкупно: 47.623

З восточных славян в року 2011 в Зомборѣ бывали:
Русины – 59, Русы –23, Украинцѣ – 17.

Жерела и одказы

• Révai nagy lexikona. 1-21. köt. Révai Testvérek Irodalmi Intézet Részvénytársaság, Budapest. 1911–1935. Том 19, сс. 699-700.
• История Зомбора
• Официалный сайт вароша серб.
• www.soinfo.org Зомбор-инфо сайт серб.
• Туристика в Зомбору серб.

Галерия

• 
  Корзов у Зомбору
• 
  Жупанат
• 
  Бачскый бегель
• 
  Педагогична факулта
• 
  Норма, перва школа