Римска империя

Римска империя Imperium Romanum лат. Senatus Populusque Romanus ↓ 27 до н. е. – 395 (роспад) ↓ Вексилум SPQR
География Римска империя за цѣсаря Траяна (117)
Главный город	Рим
Розлога	• 25 до н. е. – 2,750,000 km² • 117 – 6,500,000 km² • 390 – 4,400,000 km²
Обывательство
Число	• 25 до н. е. – 56,800,000 (20.7 /km²) • 117 – 88,000,000 (13.5 /km²)
Народностне зложѣня	Римляне, Греци, Македонцѣ), Илиры, Пуны, Нумидяне, Иберы, Галы, Бриты, Германы, Дакове, Жиды, Арамеи, Сирийцѣ, Армены, Египтяне, Берберы, Либийцѣ
Языкы	латина, грекчина, розличны етничны языкы
Набоженство	цѣсарскый култ и политеизм державне од 27 до н. е.) и синкретизмы юдаизм, христианство
Державна организация
Форма влады	автокрация
Валута	сестерций, антониниан
Взник	27 до н. е. – Октавианово титулованя Августом
Предходникы: Римска република Каппадоцке кральовство Арменске кральовство Реция Лузитаны Праисторична Британия Мавретанске кральовство Гасмонеи Дакия Долна Германия Вавилония Норик Наступникы: Галска империя Палмирска империя Западна Римска империя Византска империя

Рост и упадок Старовѣкого Риму

  Римска република

  Римска империя

  Западна Римска империя

  Византска империя

Римска империя, лат. Imperium Romanum — была державна формация з владов автократичного типа в истории старовѣкого Рима од рока 27 до н. е. до рока 395. Она наступила по Римской републицѣ. Была то една з териториално найрозсяглѣйшых империй в истории. Назва тота была заведена по смерти Цезаря первым цѣсарьом Октавианом (27 до н. е. — 14), котрый взяв титул императора. Найвекшого розмаху империя досягла при цѣсарьови Траянови (98 — 117). Послѣдным цѣсарьом быв Теодозий І. (379 — 395), по смерти котрого хоть империя продовжила ествовати формално, але по дакотром часѣ стала ся дефинитивно роздѣлена на двѣ окремы западноримску и восточноримску империи. Западноримска империя заникла в року 476, а восточноримска держала ся еще понад 1000 рокы.

История Римской империи

В истории Римской империи выдѣляють ся двѣ основны добы:

1. принципат — од року 27 до н. е. до року 235, коли владли
   1. династия Юлийско - Клавдийска (27 до н. е. — 68),
   2. династия Флавийска (69 — 96),
   3. династия Антонинох (96 — 192,
   4. династия Северох (193 — 235);
2. доминат — од року 305 до року 395, коли владли
   1. династия Константинска (305 — 363),
   2. династия Валентинианска (364 — 392),
   3. династия Теодозианска (379 — 455).

Принципат

Октавиан мав во своих руках вшитку владу, але познаючи силны републиканскы настрои сполоченства, усиловав ся свою владу замасковати. Прияв од Сената гоноровы титулы princeps senatus (первый сенатор) и princeps civium (первый обыватель), од того выбудована ним форма влады достала назву принципат, а его называли princeps (велитель, император). Але сам ся старав все указати, же ся поважуе за ровного з иншыма сенаторами: princeps inter pares (первый межи ровныма).

Криза влады

В роках 235 — 284 быв довгый кризовый период, коли в частях обширной империи влада належала войсковым везирям, котрых выберало войско, або узурпаторам, котры ся выголошовали пановниками, а империя ся росколола на даколько сепаратистичных територий. В року 238 были, найменше, шестеро римскы цѣсарьове. Быв то период домовых войн, упадку господарства и зосилнѣвшого натиску варварскых племен. Од Римской империи на западѣ дочасно одорвала ся Галска империя (260-274), а на востоку накурто одорвала ся Палмирска империя (270-274).

Тетрархия и доминат

Лѣком на слабость влады установив цѣсарь Диоклетиан (284 — 305) нову форму справованя империи: тетрархию (четверовладу). Яко старшый Август, за свого колегу и другого Августа взяв свого приятеля Максимиана. Оба цѣсарѣ пак взяли собѣ по едному заступцьови caesar-ьови (сполувладарьови). Четыри центры влады перемѣстили ся ближе ку границям, а так легше могли реаговати на впад неприятеля або пробы узурпации влады. В тетрархии была додержована строга иерархия. По одбытю 20 рокох во владной функции Августы мали одступити и оддати свой пост caesar-ям, а тоты мали собѣ выбрати новых заступцьох. Диоклетиан по 20 роках одступив, але его примѣру не послѣдовали иншы. Тота форма влады заникла по Диоклетиану, бо без его авториты межи окремыма тетрархами зачали ся конфликты.

Далшый цѣсарь, Константин І. Великый (306-337) наново зреформовав владу, заховавши од тетрархии лем доминат, владу старшого Августа в руках едного монарха, цѣсаря. Доминат остаточно поклав конець всякым републиканскым принципам организации влады. Четыри части империи, справованы перед тым окремыма сполувладцями были перетворены на четыри префектуры (praefectura praetorio per Orientem,per Illyricum, Italiae i Galliarum), справованы цѣсарскыма урядниками. Константин обновив дѣдичну монархию, а з христианства, перед тым пронаслѣдованого, року 313 зробив ровноправне набоженство. Главным городом империи став ся Константипополь, а при дворѣ императора утвердив ся новый штил владнутя, котрый позднѣйше достав назву византийского.

Христианска империя

Послѣдный цѣсарь единой римской империи быв Теодозий І. (379 — 395). Теодозий остаточно утвердив христианскый характер Римской империи, коли декретом з року 380 выголосив христианство за державну религию. Перед смертьов роздѣлив империю и передав западну часть 11-рочному сыну Гонорию, а восточну — 18-рочному Аркадию. Формално империя продовжила ествовати, старшый брат Аркадий быв подля тестаменту и старшый в иерархии. Фактично пановали не они, але их туторы, межи котрыми зачало ся змаганя о владу, наслѣдком котрого империя стала ся дефинитивно роздѣлена на двѣ окремы западноримску и восточноримску империи. Западноримска империя заникла в року 476, але христианство было уже сполягливо закотвене в Европѣ. Восточноримска (Византска) империя держала ся еще понад 1000 рокы.

Жерела и одказы

• Грант М. Римские императоры: Биографический справочник правителей Римской империи: 31 г. до н. э. — 476 г. н. э. / Пер. с англ. — М., 1998. — 400 с. — ISBN 5-300-02314-0 . русс.
• Римске цѣсарство поль.
• Римскы цѣсарьове, 31 до н. е. — 476 чеш.
• Античный свѣт чеш.

Референции

Тоты даны суть часточно або цалком основаны на перекладї статї Římská říše на чеській Вікіпедії.