Айдос Садыков
Айдос Жандос уола Садыков (казахтыы Айдос Жандосұлы Садықов; 1968 ахсынньы 9, Карабутак, Актөбе улууһа, Казах ССР — 2024 от ыйын 2, Киев, Украина) диэн Казахстан суруналыыһа уонна оппозиционера. БАСЕ интернет-медиа баһылыга. Айдос Садыков Казахстан президеннарын Нурсултан Назарбаевы уонна Касым-Жомарт Токаевы утарарынан биллэрэ. Токаевы Арассыыйа диэки буолар диэн сэмэлиирэ. Айдос Садыков Арассыыйа баттаабыт омуктара көҥүл буолууларын өйүүрэ.
Айдос Садыков түмэт дьайыксыт быһыытынан «Гастат» диэн куомун хамсааһын тэрийсээччитэ уонна «СНПС-Актобемунайгаз» ниэп компаниятыгар тутулуга суох профсоюз тэрийээччитэ этэ. Оппозиционер быһыытынан Азат уонна Жусан партиялар кыттааччылара этэ. 2014 сылтан ыла дьиэ кэргэнин кытта Украинаҕа олорбута.
Өлөрүү
[уларыт | биики-тиэкиһи уларытыы]2024 сыл бэс ыйын 18 күнүгэр Киев Виктор Ярмола уулуссатыгар киллер Садыковы чэчэгэйгэ ыппыта. Буулдьа мэйиитин таарыйан дириҥ кома буолбута. От ыйын 2 күнүгэр тыына быстыбыта. Украина полицията чинчийиитинэн өлөрүүгэ уорбаланааччылар Казахстан куомуннаахтара Алтай Жакамбаев уонна Мейрам Каратаев буолаллар.
Дьиэ кэргэнэ
[уларыт | биики-тиэкиһи уларытыы]Ойоҕо Наталья Садыкова, үс оҕолоохтор.