Бикипиэдьийэ:Ааптар бырааба
Бу сирэй Бикипиэдьийэ сиэрин-туомун сорҕото. Манна этиллибити бары кыттааччылар толоруохтаахтар. Сирэй уларытыллар буоллаҕына консенсус ирдэбилигэр сөп түбэһиэхтээх. Тугу эмэ саарбахтыыр буоллаххына ырытыы сирэйигэр суруй.
|
![](http://upload.wikimedia.org/wikipedia/commons/a/a5/Telif_inceleme.png)
Саха Бикипиэдьийэтин кыттыылаахтара ааптар быраабын тутуһуу эйгэтигэр манан салайтараллар:
- Бикимиэдьийэ Пуондата олохтообут туттуу балаһыанньаларынан;
- Creative Commons Attribution-Share Alike License 3.0 (CC-BY-SA-3.0)[1] уонна GNU Free Documentation License (GFDL)[2] лиссиэнсийэлэринэн;
- Саха бикипиэдьийэтин сиэрбэрдэрэ АХШ-ка туралларынан сибээстээн АХШ ааптар быраабын туһунан сокуоннарынан[3];
- «көмүскэл көрдөммүт» дойдутун сокуоннарынан[4][5][6][7][8][9].
Саха Бикипиэдьийэтэ бэйэтин ыстатыйаларыгар туһанар CC-BY-SA-3.0 уонна GFDL лиссиэнсийэлэрэ бу ыстатыйалары тарҕатыыны, уларытыыны уонна ханнык баҕарар соруктаах (ол иһигэр барыс ылаары) туһаныыны көҥүллүүллэр. Ол эрэн бу балаһыанньа лиссиэнсийэлэр эрэ үлэлиир түгэннэригэр уонна туһанааччылар Бикипиэдьийэҕэ сигэнэр буоллахтарына эрэ үлэлиир. Бикипиэдьийэҕэ уларытыллыбат салаалара суох, киирии уонна түмүк тыллар эмиэ суохтар.
Литэрэтиирэ уонна уус-уран айымньылары көмүскээһиҥҥэ Берннааҕы конвенция[10] этэринэн, ааптар бырааба этиллибэтэҕин да иһин дьайар. Ол аата харабылланарын туһунан аналлаах бэлиэтэ да суох айымньылар ааптар быраабынан көмүскэнэр буолуохтарын сөп.
Ыстатыйаны суруйууга туора тиэкистэри туһаныы
[биики-тиэкиһи уларытыы]Тиэкис сахалыы Бикипиэдьийэҕэ бу усулуобуйалартан биирдэстэрин толорор эрэ буоллахха угуллуон сөп:
- тиэкис бар дьон бас билиитэ буоллаҕына (АХШ-ка да, суруллубут да дойдутугар);
- тиэкис ааптар быраабын эбийиэгэ буолбатах буоллаҕына (холобур, сокуоннар, көлө араспысаанньалара, болкулуор);
- өскө Эн бэйэҥ ааптар буоллаххына уонна CC BY-SA (эбэтэр, GFDL) лиссиэнсийэ усулуобуйатын билинэн, көҥүл тарҕатары утарбат буоллаххына;
- бас билээччи CC BY-SA (эбэтэр, GFDL) лиссиэнсийэ усулуобуйатынан тарҕатары, уларытары уонна туһанары көҥүллүүр буоллаҕына.
Ыстатыйа суруйарга чахчылары хантан баҕарар ылар уонна туһанар көҥүллэнэр.
Ыстатыйа соругар сөп түбэһэр уһуннаах быһа тардыыны ыстатыйаҕа угар көҥүллэнэр.
Быһаарыылар
[биики-тиэкиһи уларытыы]- ↑ Официальный текст лицензии Creative Commons Attribution-Share Alike License 3.0(ааҥл.)
- ↑ Официальный текст лицензии GNU Free Documentation License 1.3(ааҥл.)
- ↑ Текст закона США об авторских правах(ааҥл.)
- ↑ Всемирная конвенция об авторском праве от 6 сентября 1952 г. (пересмотрена в Париже 24 июля 1971 г.)
- ↑ Договор ВОИС по авторскому праву (WCT) (принят Дипломатической конференцией в Женеве 20 декабря 1996 г.)
- ↑ Московское соглашение о сотрудничестве в области охраны авторского права (Москва, 24 сентября 1993 г.)
- ↑ Официальный сайт WIPO
- ↑ Paris Convention for the Protection of Industrial Property(ааҥл.)
- ↑ Часть IV Гражданского кодекса Российской Федерации «Права на результаты интеллектуальной деятельности и средства индивидуализации»
- ↑ Бернская конвенция по охране литературных и художественных произведений от 9 сентября 1886 г.