ᱱᱤᱛᱤᱥ ᱢᱤᱥᱨᱟ

ᱱᱤᱛᱤᱥ ᱢᱤᱥᱨᱟ
ᱱᱤᱛᱤᱥ ᱢᱤᱥᱨᱟ
	ᱨᱮᱫ:Nitish Mishra Photo.jpg
ᱵᱤᱦᱟᱨ ᱥᱚᱨᱠᱟᱨ ᱨᱤᱱᱤᱡ ᱫᱮᱦᱟᱛ ᱩᱛᱷᱱᱟᱹᱣ ᱵᱤᱵᱷᱟᱜᱽ ᱢᱚᱱᱛᱨᱤ
	ᱟᱹᱢᱟᱹᱞᱤ ᱨᱮ; ᱒᱐ ᱱᱚᱵᱷᱮᱢᱵᱚᱨ ᱒᱐᱒᱐ – ᱒᱒ ᱯᱷᱮᱵᱽᱨᱩᱣᱟᱨᱤ ᱒᱐᱑᱕
ᱰᱤᱡᱟᱥᱴᱟᱨ ᱢᱮᱱᱮᱡᱢᱮᱱᱴ ᱵᱤᱵᱷᱟᱜᱽ, ᱵᱤᱦᱟᱨ ᱥᱚᱨᱠᱟᱨ ᱨᱤᱡ ᱢᱚᱱᱛᱨᱤ
	ᱟᱹᱢᱟᱹᱞᱤ ᱨᱮ; ᱑᱓ ᱮᱯᱨᱤᱞ ᱒᱐᱐᱘ – ᱓᱒ ᱢᱟᱨᱪ ᱒᱐᱐᱙
ᱢᱚᱱᱛᱨᱤ ᱮᱸᱠ ᱵᱤᱵᱜᱟᱜᱽ, ᱵᱤᱦᱟᱨ ᱥᱚᱨᱠᱟᱨ
	ᱟᱹᱢᱟᱹᱞᱤ ᱨᱮ; ᱒᱔ ᱱᱚᱵᱷᱮᱢᱵᱚᱨ ᱒᱐᱐᱕ – ᱑᱓ ᱮᱯᱨᱤᱞ ᱒᱐᱐᱘
ᱯᱟᱨᱥᱚᱱᱟᱞ ᱵᱤᱵᱚᱨᱚᱱ
ᱡᱟᱱᱟᱢ	᱙ ᱡᱩᱞᱟᱭ ᱑᱙᱗᱓ (᱕᱑ ᱥᱮᱨᱢᱟ); ᱯᱟᱴᱱᱟ, ᱵᱤᱦᱟᱨ, ᱥᱤᱧᱚᱛ
ᱡᱟᱹᱛᱤᱭᱟᱹᱨᱤ	ᱥᱤᱧᱚᱛ
ᱨᱟᱡᱽᱟᱹᱨᱤ ᱫᱚᱞ	ᱵᱷᱟᱨᱚᱛᱤᱭᱚ ᱡᱚᱱᱚᱛᱟ ᱯᱟᱨᱴᱤ
ᱡᱤᱭᱚᱱ ᱥᱚᱦᱮᱫ	ᱨᱤᱪᱟ ᱢᱤᱥᱨᱟ
ᱠᱟᱹᱢᱤ	ᱨᱟᱡᱽᱟᱹᱨᱤ
ᱣᱮᱵᱽᱥᱟᱭᱤᱴ	www.jhanjharpur.co.in

ᱱᱤᱛᱤᱥ ᱢᱤᱥᱨᱟ (ᱡᱟᱱᱟᱢ ᱙ ᱡᱩᱞᱟᱭ ᱑᱙᱖᱓) ᱫᱚ ᱢᱤᱫ ᱥᱤᱧᱚᱛᱤᱭᱟᱹ ᱨᱟᱡᱽᱟᱹᱨᱤ ᱠᱟᱱᱟᱭ ᱱᱚᱣᱟ ᱥᱤᱧᱚᱛ ᱨᱮᱱᱟᱜ ᱥᱟᱢᱟᱝ ᱯᱚᱱᱚᱛ ᱵᱤᱦᱟᱨ ᱠᱷᱚᱱ ᱢᱮᱱᱟᱭᱟ ᱾ ᱩᱱᱤᱫᱚ ᱑᱓ ᱟᱱᱟᱜ, ᱑᱔ ᱟᱱᱟᱜ ᱟᱨ ᱑᱕ ᱟᱱᱟᱜ ᱵᱤᱦᱟᱨ ᱵᱤᱫᱷᱟᱱ ᱥᱚᱵᱷᱟ ᱨᱮ ᱢᱚᱫᱷᱩᱵᱟᱱᱤ ᱦᱚᱱᱚᱛ ᱨᱮᱱᱟᱜ ᱡᱷᱚᱸᱡᱷᱟᱨᱯᱩᱨ ᱵᱤᱫᱷᱟᱱᱥᱚᱵᱷᱟ ᱨᱮ ᱨᱮᱯᱨᱤᱡᱮᱱᱴᱮᱴᱤᱵᱽ ᱟᱠᱟᱫᱟ ᱾ ᱱᱤᱛᱚᱜ ᱱᱩᱭ ᱫᱚ ᱡᱷᱚᱸᱡᱷᱟᱨᱯᱩᱨ ᱠᱷᱚᱱ ᱑᱙ ᱟᱱᱟᱜ ᱵᱤᱦᱟᱨ ᱵᱤᱫᱷᱟᱱ ᱥᱚᱵᱷᱟ ᱨᱤᱱᱤᱡ ᱥᱚᱦᱮᱫ ᱮ ᱢᱮᱱᱟᱭᱟ ᱟᱨ ᱵᱤᱡᱮᱯᱤᱼᱵᱤᱦᱟᱨ ᱨᱤᱱᱤᱡ ᱡᱚᱜᱚᱯᱟᱨᱥᱮᱛ ᱦᱚᱸ ᱢᱮᱱᱟᱭᱟ ᱾^[᱑]^[᱒]

ᱱᱩᱭ ᱫᱚ ᱡᱷᱚᱸᱡᱷᱟᱨᱯᱩᱨ ᱵᱤᱫᱷᱟᱱ ᱥᱚᱵᱷᱟ ᱴᱚᱴᱷᱟ ᱠᱷᱚᱱ ᱵᱤᱡᱮᱯᱤ ᱠᱟᱱᱰᱤᱰᱮᱴ ᱞᱮᱠᱟᱛᱮ ᱵᱟᱪᱷᱱᱟᱣ ᱮ ᱞᱟᱹᱲᱦᱟᱹᱭ ᱠᱟᱱᱟᱭ ᱾ ᱢᱤᱥᱨᱟ ᱫᱚ ᱒᱐᱐᱕ ᱟᱨ ᱒᱐᱑᱕ ᱥᱟᱞ ᱛᱟᱞᱟ ᱨᱮ ᱵᱤᱦᱟᱨ ᱥᱚᱨᱠᱟᱨ ᱨᱮ ᱵᱷᱤᱱᱟᱹ ᱵᱷᱤᱱᱟᱹ ᱢᱚᱱᱛᱨᱤ ᱨᱤᱱᱤᱡ ᱢᱩᱬ ᱮ ᱛᱟᱦᱮᱸ ᱠᱟᱱᱟᱭ ᱾^[᱓]

ᱯᱩᱭᱞᱩ ᱡᱤᱭᱚᱱ ᱟᱨ ᱥᱮᱪᱮᱫ

ᱱᱤᱛᱤᱥ ᱢᱤᱥᱨᱟ ᱟᱜ ᱡᱟᱱᱟᱢ ᱫᱚ ᱵᱤᱦᱟᱨ ᱨᱤᱱᱤᱡ ᱢᱤᱫ ᱢᱩᱬ ᱨᱟᱡᱽᱟᱹᱨᱤ ᱜᱷᱟᱨᱚᱸᱡᱽ ᱨᱮ ᱦᱩᱭ ᱞᱮᱱ ᱛᱟᱦᱮᱸᱫ ᱾ ᱟᱡ ᱵᱟᱵᱟ ᱫᱚ ᱡᱚᱜᱚᱱᱱᱟᱛᱷ ᱢᱤᱥᱨᱟ ᱫᱚ ᱯᱮ ᱫᱷᱟᱣ ᱵᱤᱦᱟᱨ ᱨᱤᱱᱤᱡ ᱥᱤᱨᱟᱹ ᱢᱚᱱᱛᱨᱤ ᱞᱮᱠᱟᱛᱮ ᱠᱟᱹᱢᱤ ᱟᱠᱟᱫᱟ ᱾^[᱔] ᱢᱤᱥᱨᱟ ᱟᱡ ᱠᱟᱠᱟ, ᱜᱩᱨ ᱟᱠᱟᱱ ᱞᱚᱞᱤᱛ ᱱᱟᱨᱟᱭᱚᱬ ᱢᱤᱥᱨᱟ ᱦᱚᱸ ᱢᱤᱫ ᱧᱩᱛᱩᱢᱟᱱ ᱨᱟᱡᱽᱟᱹᱨᱤ ᱛᱟᱦᱮᱸ ᱠᱟᱱᱟᱭ, ᱡᱟᱦᱟᱸᱭ ᱫᱚ ᱟᱡᱟᱜ ᱠᱟᱹᱢᱤ ᱚᱠᱛᱚ ᱟᱹᱰᱤ ᱜᱟᱱ ᱠᱮᱵᱤᱱᱮᱴ ᱯᱚᱫᱽ ᱨᱮ ᱠᱟᱹᱢᱤ ᱟᱠᱟᱫᱟ ᱾ ᱑᱙᱗᱕ ᱥᱟᱞ ᱨᱮ ᱵᱤᱦᱟᱨ ᱨᱮᱱᱟᱜ ᱥᱟᱢᱟᱥᱛᱤᱯᱩᱨ ᱨᱮ ᱢᱤᱫ ᱥᱮᱞᱤᱵᱨᱮᱥᱚᱱ ᱨᱮ ᱢᱤᱫ ᱥᱮᱱᱥᱮᱥᱱᱚᱞ (sensational) ᱵᱚᱢ ᱯᱚᱥᱟᱜ ᱨᱮ ᱞᱚᱞᱤᱛ ᱱᱟᱨᱟᱭᱚᱬ ᱢᱤᱥᱨᱟ ᱫᱚ ᱵᱚᱸᱜᱟ ᱛᱟᱞᱟ ᱮᱱᱟ ᱾^[᱕]

ᱟᱥᱲᱟ ᱡᱤᱭᱚᱱ ᱚᱠᱛᱚ

ᱢᱤᱥᱨᱟ ᱫᱚ ᱟᱡᱟᱜ ᱟᱥᱲᱟ ᱥᱮᱪᱮᱫ ᱫᱚ ᱥᱮᱱᱴ ᱢᱟᱭᱠᱚᱞ ᱩᱱᱩᱥᱩᱞ ᱟᱥᱲᱟ, ᱯᱟᱴᱱᱟ ᱠᱷᱚᱱ ᱟᱨ ᱑᱙᱙᱐ᱼ᱙᱑ ᱥᱟᱞ ᱨᱮ ᱟᱥᱲᱟ ᱨᱤᱱᱤᱡ ᱢᱩᱬᱴᱮᱱ ᱦᱚᱸ ᱛᱟᱦᱮᱸ ᱠᱟᱱᱟᱭ ᱾

ᱵᱤᱨᱫᱟᱹᱜᱟᱲ ᱨᱮᱱᱟᱜ ᱥᱮᱨᱢᱟ

ᱢᱤᱥᱨᱟ ᱫᱚ ᱑᱙᱙᱔ ᱥᱟᱞ ᱨᱮ ᱫᱤᱞᱞᱤ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱠᱷᱚᱱ ᱱᱟᱜᱟᱢ ᱨᱮ ᱵᱮᱪᱞᱚᱨ ᱨᱮᱱᱟᱜ ᱰᱤᱜᱽᱨᱤ ᱧᱟᱢ ᱠᱮᱫᱼᱟ ᱾ ᱩᱱᱤᱫᱚ ᱚᱱᱟ ᱥᱮᱨᱢᱟ ᱟᱨ ᱮᱠᱟᱰᱮᱢᱤᱠ ᱞᱟᱹᱜᱤᱫ ᱠᱚᱞᱮᱡᱽ ᱠᱨᱮᱥᱴ ᱟᱣᱟᱨᱰ ᱮ ᱡᱤᱛᱟᱹᱣ ᱮᱱᱟ ᱾ ᱑᱙᱙᱕ ᱥᱟᱞ ᱨᱮ, ᱩᱱᱤᱫᱚ ᱯᱷᱚᱨ ᱤᱥᱠᱩᱞ ᱚᱯᱷ ᱢᱮᱱᱮᱡᱢᱮᱱᱴ, ᱱᱟᱶᱟ ᱫᱤᱞᱞᱤ ᱟᱨ ᱢᱟᱥᱴᱨᱤᱪ ᱤᱥᱠᱩᱞ ᱚᱯᱷ ᱢᱮᱱᱮᱡᱢᱮᱱᱴ, ᱱᱤᱫᱚᱨᱞᱮᱱᱰ ᱠᱷᱚᱱ ᱵᱤᱡᱽᱱᱮᱥ ᱮᱰᱢᱤᱱᱤᱥᱴᱨᱮᱥᱚᱱ ᱨᱮ ᱢᱟᱥᱴᱚᱨ ᱥᱟᱞᱟᱜ ᱮ ᱵᱚᱪᱷᱚᱨ ᱠᱮᱫᱼᱟ) ᱑᱙᱙᱘ ᱥᱟᱞ ᱨᱮ, ᱩᱱᱤᱫᱚ ᱡᱩᱢᱤᱫᱽ ᱠᱤᱝᱰᱚᱢ ᱨᱮᱱᱟᱜ ᱦᱚᱞ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱠᱷᱚᱱ ᱜᱞᱚᱵᱟᱞ ᱯᱚᱞᱤᱴᱤᱠᱟᱞ ᱤᱠᱚᱱᱚᱢᱤᱠ ᱨᱮ ᱯᱚᱥᱴ ᱜᱨᱮᱡᱩᱮᱴ ᱰᱤᱯᱞᱚᱢᱟ ᱧᱟᱢ ᱠᱮᱫᱼᱟ ᱾^[᱖] ᱩᱱᱤ ᱦᱟᱨᱣᱚᱨᱰ ᱡᱮᱜᱮᱛ ᱵᱤᱨᱫᱟᱹᱜᱟᱲ, ᱮᱜᱽᱡᱤᱠᱭᱩᱴᱤᱵᱽ ᱮᱡᱩᱠᱮᱥᱚᱱ ᱨᱮᱱᱟᱜ ᱠᱮᱱᱮᱰᱤ ᱤᱥᱠᱩᱞ ᱠᱷᱚᱱ ᱮᱢᱚᱨᱡᱤᱝ ᱞᱤᱰᱟᱨ ᱯᱨᱚᱜᱨᱟᱢ ᱞᱟᱹᱜᱤᱫ ᱥᱟᱨᱴᱤᱯᱷᱤᱠᱮᱴ ᱚᱯᱷ ᱠᱚᱢᱯᱞᱤᱥᱚᱱ ᱠᱷᱚᱱ ᱦᱚᱸ ᱢᱟᱱ ᱠᱚ ᱪᱟᱞ ᱟᱫᱮᱭᱟ ᱾

ᱢᱟᱬᱟᱝ ᱨᱟᱡᱽᱟᱹᱨᱤ ᱡᱤᱭᱚᱱ

ᱨᱟᱡᱽᱟᱹᱨᱤ ᱨᱮ ᱦᱤᱡᱩᱜ ᱢᱟᱬᱟᱝ ᱛᱮ, ᱢᱤᱥᱨᱟ ᱫᱚ ᱢᱤᱫ ᱥᱮᱪᱮᱫᱤᱭᱟᱹ ᱛᱟᱦᱮᱸ ᱠᱟᱱᱟᱭ ᱟᱨ ᱥᱟᱶᱛᱟ ᱟᱹᱨᱤ ᱠᱟᱹᱢᱤ ᱨᱮᱦᱚᱸ ᱥᱮᱞᱮᱫ ᱮ ᱛᱟᱦᱮᱸ ᱠᱟᱱᱟᱭ ᱾ ᱮᱯᱨᱤᱞ ᱑᱙᱙᱙ ᱥᱟᱞ ᱠᱷᱚᱱ ᱢᱟᱨᱪ ᱒᱐᱐᱒ ᱥᱟᱞ ᱫᱷᱟᱹᱵᱤᱡ ᱩᱱᱤᱫᱚ ᱢᱤᱫ ᱜᱮᱨᱼᱞᱟᱵᱷᱠᱟᱨᱤ ᱠᱟᱹᱣᱰᱤ ᱟᱹᱨᱤ ᱟᱨ ᱥᱟᱶᱛᱟ ᱟᱹᱨᱤ ᱟᱱᱩᱥᱚᱸᱫᱷᱟᱱ ᱥᱚᱝᱴᱷᱚᱱ, ᱵᱤᱦᱟᱨ ᱠᱟᱹᱣᱰᱤ ᱟᱹᱨᱤ ᱤᱥᱴᱟᱰᱤ ᱤᱱᱥᱴᱤᱴᱭᱩᱴ ᱨᱤᱱᱤᱡ ᱜᱚᱲᱚᱥᱚᱦᱚᱫ ᱫᱤᱥᱟᱹ ᱩᱫᱩᱜᱤᱜ ᱞᱮᱠᱟᱛᱮ ᱠᱟᱹᱢᱤ ᱟᱠᱟᱫᱟ ᱾ ᱮᱯᱨᱤᱞ ᱒᱐᱐᱒ ᱥᱟᱞ ᱠᱷᱚᱱ ᱒᱐᱐᱕ ᱥᱟᱞ ᱫᱷᱟᱹᱵᱤᱡ ᱢᱤᱥᱨᱟ ᱫᱚ ᱮᱞ.ᱮᱱ. ᱢᱤᱥᱨᱟ ᱠᱚᱞᱮᱡᱽ ᱚᱯᱷ ᱵᱤᱡᱽᱱᱮᱥ ᱢᱮᱱᱮᱡᱢᱮᱱᱴ, ᱢᱩᱡᱚᱯᱷᱚᱨᱯᱩᱨ ᱨᱤᱱᱤᱡ ᱮᱠᱥᱮᱥᱤᱵᱽ ᱫᱤᱥᱟᱹ ᱩᱫᱩᱜᱤᱜ ᱮ ᱛᱟᱦᱮᱸ ᱠᱟᱱᱟᱭ, ᱱᱚᱣᱟ ᱵᱟᱵᱟᱥᱟᱦᱮᱵᱽ ᱵᱷᱤᱢᱨᱟᱣ ᱟᱢᱵᱮᱰᱠᱚᱨ ᱵᱤᱦᱟᱨ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱞᱮᱠᱟᱛᱮ ᱢᱤᱫ ᱚᱴᱚᱱᱚᱢᱚᱥ ᱤᱱᱥᱴᱤᱴᱭᱩᱴ ᱮ ᱛᱟᱦᱮᱸ ᱠᱟᱱᱟᱭ ᱾

ᱨᱟᱡᱽᱟᱹᱨᱤ ᱡᱤᱭᱚᱱ

ᱵᱤᱫᱷᱟᱱ ᱥᱚᱵᱷᱟ ᱵᱟᱪᱷᱱᱟᱣ ᱨᱮ ᱠᱟᱹᱢᱤ

ᱢᱤᱥᱨᱟ ᱫᱚ ᱢᱚᱫᱷᱩᱵᱟᱱᱤ ᱨᱮ ᱡᱷᱚᱸᱡᱷᱟᱨᱯᱩᱨ ᱵᱤᱫᱷᱟᱱ ᱥᱚᱵᱷᱟ ᱴᱚᱴᱷᱟ ᱨᱤᱱᱤᱡ ᱢᱤᱥᱨᱟ ᱜᱷᱟᱨᱚᱸᱡᱽ ᱟᱜ ᱜᱟᱲ ᱠᱷᱚᱱ ᱞᱮᱛᱟᱲ ᱑᱓ ᱟᱱᱟᱜ, ᱑᱔ ᱟᱱᱟᱜ ᱟᱨ ᱒᱕ ᱟᱱᱟᱜ ᱵᱤᱦᱟᱨ ᱵᱤᱫᱷᱟᱱ ᱥᱚᱵᱷᱟ ᱞᱟᱹᱜᱤᱫ ᱮ ᱵᱟᱪᱷᱱᱟᱣ ᱮᱱᱟ ᱾ ᱟᱡ ᱵᱟᱵᱟ ᱡᱚᱜᱚᱱᱱᱟᱛᱷ ᱢᱤᱥᱨᱟ ᱦᱚᱸ ᱱᱚᱣᱟ ᱢᱟᱹᱪᱤ ᱠᱷᱚᱱ ᱢᱚᱬᱮ ᱫᱷᱟᱣ ᱮ (᱑᱙᱗᱒ ᱠᱷᱚᱱ ᱑᱙᱙᱐) ᱡᱤᱛᱠᱟᱹᱨ ᱞᱮᱱ ᱛᱟᱦᱮᱸᱫ ᱾

ᱥᱟᱹᱠᱷᱭᱟᱹᱛ

↑ "BJP's Bihar unit expands team". Business Standard India. Press Trust of India. 2018-07-30. Retrieved 2021-02-19.
↑ "भाजपा प्रदेश उपाध्यक्ष बने नीतीश मिश्रा". Hindustan (in hindi). Retrieved 2021-02-19.{{cite web}}: CS1 maint: unrecognized language (link)
↑ "Hon'ble Minister, Rural Development, Bihar - Nitish Mishra". Bihar Govt. Archived from the original on 2021-10-23. Retrieved 2021-10-13.
↑ "Chief Ministers of Bihar". Bihar Govt. Archived from the original on 2011-03-19.
↑ "L N Mishra murder case: 40 years on, 4 held guilty". 9 December 2014.
↑ "Nitish Mishra, bihar Govt". Archived from the original on 2021-10-23. Retrieved 2021-10-13.

[1] "BJP's Bihar unit expands team". Business Standard India. Press Trust of India. 2018-07-30. Retrieved 2021-02-19.

[2] "भाजपा प्रदेश उपाध्यक्ष बने नीतीश मिश्रा". Hindustan (in hindi). Retrieved 2021-02-19.{{cite web}}: CS1 maint: unrecognized language (link)

[3] "Hon'ble Minister, Rural Development, Bihar - Nitish Mishra". Bihar Govt. Archived from the original on 2021-10-23. Retrieved 2021-10-13.

[4] "Chief Ministers of Bihar". Bihar Govt. Archived from the original on 2011-03-19.

[5] "L N Mishra murder case: 40 years on, 4 held guilty". 9 December 2014.

[6] "Nitish Mishra, bihar Govt". Archived from the original on 2021-10-23. Retrieved 2021-10-13.

[᱑]

[᱒]

[᱓]

[᱔]

[᱕]

[᱖]