ᱵᱟᱞᱟᱜᱷᱟᱴ ᱦᱚᱱᱚᱛ

ᱵᱟᱞᱟᱜᱷᱟᱴ ᱦᱚᱱᱚᱛ
ᱵᱟᱞᱟᱜᱷᱟᱴ ᱦᱚᱱᱚᱛ
ᱢᱚᱫᱷᱭᱚ ᱯᱨᱚᱫᱮᱥ ᱨᱮᱱᱟᱜ ᱦᱚᱱᱚᱛ
	; ᱵᱟᱞᱟᱜᱷᱟᱴ ᱦᱚᱱᱚᱛ ᱨᱮᱱᱟᱜ ᱴᱷᱟᱶ ᱢᱚᱫᱷᱭᱚ ᱯᱨᱚᱫᱮᱥ ᱨᱮ
ᱫᱤᱥᱚᱢ	ᱥᱤᱧᱚᱛ
ᱯᱚᱱᱚᱛ	ᱢᱚᱫᱷᱭᱚ ᱯᱨᱚᱫᱮᱥ
ᱦᱟᱹᱴᱤᱧ	ᱡᱟᱵᱟᱞᱯᱩᱨ
ᱦᱮᱰᱠᱩᱣᱟᱴᱚᱨ	ᱵᱟᱞᱟᱜᱷᱟᱴ
ᱛᱟᱦᱥᱤᱞ	ᱵᱟᱞᱟᱜᱷᱟᱴ, ᱵᱟᱭᱦᱟᱨ, ᱵᱟᱨᱟᱥᱤᱵᱱᱤ, ᱠᱟᱛᱟᱱᱜᱤ, ᱞᱟᱞᱵᱟᱨᱟ, ᱞᱟᱝᱡᱤ, ᱠᱷᱮᱨᱞᱟᱝᱡᱤ, ᱠᱤᱨᱱᱟᱯᱩᱨ, ᱵᱤᱨᱥᱺ, ᱯᱟᱨᱟᱥᱣᱟᱫᱟ, ᱛᱤᱨᱚᱰᱤ
ᱥᱚᱨᱠᱟᱨ
• ᱫᱤᱥᱚᱢ ᱫᱚᱨᱵᱟᱨ ᱵᱟᱪᱷᱱᱟᱣ	ᱵᱟᱞᱟᱜᱷᱟᱴ
ᱮᱨᱤᱭᱟ
• ᱜᱩᱴ	9245 ᱠᱤᱢᱤ২ (3570 ᱜᱟᱺᱴ ᱢᱟᱭᱤᱞ)
ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ	(᱒᱐᱑᱑)
• ᱜᱩᱴ	᱑,᱗᱐᱑,᱖᱙᱘
• ᱰᱮᱱᱥᱤᱴᱤ	180/ᱠᱤᱢᱤ2 (480/ᱜᱟᱺᱴ ᱢᱟᱹᱭᱤᱞ)
ᱦᱚᱲ ᱮᱞ
• ᱥᱮᱪᱮᱫ	᱗᱘.᱒᱙ ᱥᱟᱭ ᱠᱚᱲᱟ
• ᱡᱟᱱᱟᱝ ᱡᱟᱹᱱᱤ	᱑᱐᱒᱑
	IST (ᱭᱩᱴᱤᱥᱤ+05:30)
ᱢᱟᱨᱟᱝ ᱰᱟᱦᱟᱨ	NH 12A, SH 26, SH 11, SH 53
ᱣᱮᱵᱽᱥᱟᱭᱤᱴ	http://www.balaghat.nic.in

ᱵᱟᱞᱟᱜᱷᱟᱴ ᱦᱚᱱᱚᱛ ᱫᱚ ᱛᱟᱞᱢᱟ ᱥᱤᱧᱚᱛ ᱨᱮ ᱢᱚᱫᱷᱭᱚ ᱯᱨᱚᱫᱮᱥ ᱨᱮᱱᱟᱜ ᱢᱤᱫ ᱦᱚᱱᱚᱛ ᱢᱮᱱᱟᱜᱼᱟ ᱾ ᱵᱟᱞᱟᱜᱷᱟᱴ ᱥᱚᱦᱚᱨ ᱫᱚ ᱱᱚᱣᱟ ᱥᱟᱥᱚᱱ ᱪᱟᱪᱞᱟᱣ ᱦᱮᱰᱠᱩᱣᱟᱴᱚᱨ ᱞᱮᱠᱟᱛᱮ ᱠᱟᱹᱢᱤᱭᱟ ᱾

ᱵᱟᱞᱟᱜᱷᱟᱴ ᱴᱟᱭᱤᱞ ᱠᱟᱹᱨᱠᱷᱟᱱᱟ ᱟᱨ ᱪᱟᱣᱞᱮ ᱢᱤᱞ ᱞᱮᱠᱟᱛᱮ ᱵᱟᱰᱟᱭᱚᱜᱼᱟ ᱾

ᱱᱟᱜᱟᱢ

ᱦᱚᱲ ᱮᱞᱥᱚᱝ ᱱᱟᱜᱟᱢ
ᱥᱮᱨᱢᱟ	ᱦᱚᱲ.	±% ᱥᱮ.ᱯᱤ.
᱑᱙᱐᱑	᱓᱙᱙,᱙᱓᱔	—
᱑᱙᱑᱑	᱔᱗᱕,᱙᱒᱔	+1.75%
᱑᱙᱒᱑	᱕᱑᱑,᱖᱓᱔	+0.73%
᱑᱙᱓᱑	᱕᱖᱑,᱖᱐᱒	+0.94%
᱑᱙᱔᱑	᱖᱓᱔,᱓᱕᱐	+1.23%
᱑᱙᱕᱑	᱖᱙᱓,᱓᱗᱙	+0.89%
᱑᱙᱖᱑	᱘᱐᱖,᱗᱐᱒	+1.53%
᱑᱙᱗᱑	᱙᱗᱗,᱕᱘᱓	+1.94%
᱑᱙᱘᱑	᱑,᱑᱔᱗,᱘᱑᱐	+1.62%
᱑᱙᱙᱑	᱑,᱓᱖᱕,᱘᱗᱐	+1.75%
᱒᱐᱐᱑	᱑,᱔᱙᱗,᱙᱖᱘	+0.93%
᱒᱐᱑᱑	᱑,᱗᱐᱑,᱖᱙᱘	+1.28%
source:^[᱑]

᱑᱘ ᱟᱱᱟᱜ ᱥᱟᱭ ᱥᱮᱨᱢᱟ ᱮᱛᱚᱦᱚᱵ ᱨᱮ, ᱦᱚᱱᱚᱛ ᱫᱚ ᱵᱟᱨᱭᱟ ᱜᱚᱸᱰ ᱯᱚᱱᱚᱛ ᱛᱟᱞᱟ ᱛᱮ ᱦᱟᱴᱤᱧ ᱞᱮᱱᱟ ᱛᱟᱦᱮᱸᱫ ; ᱵᱮᱱᱜᱟᱝᱜᱟ ᱟᱜ ᱯᱟᱪᱮ ᱨᱮ ᱦᱚᱱᱚᱛ ᱨᱮᱱᱟᱜ ᱢᱤᱫ ᱴᱷᱟᱶ ᱫᱮᱣᱜᱚᱲ ᱨᱤᱱᱤᱡ ᱜᱚᱸᱰ ᱥᱚᱢᱨᱟᱡ ᱟᱜ ᱴᱷᱟᱶ ᱛᱟᱦᱮᱸ ᱠᱟᱱᱟ, ᱟᱫᱚ ᱥᱟᱢᱟᱝ ᱥᱮᱫ ᱜᱟᱲᱟᱼᱢᱟᱸᱰᱞᱟ ᱯᱚᱱᱚᱛ ᱨᱮᱱᱟᱜ ᱴᱷᱟᱶ ᱛᱟᱦᱮᱸ ᱠᱟᱱᱟ ᱾^[᱒]

᱑᱗᱓᱔ ᱨᱮ ᱱᱟᱜᱽᱯᱩᱨ ᱨᱤᱱᱤᱡ ᱵᱷᱚᱸᱥᱞᱮ ᱢᱚᱨᱟᱴᱷ ᱟᱜ ᱤᱫᱤ ᱛᱮ ᱫᱮᱣᱜᱚᱲ ᱯᱚᱱᱚᱛ ᱫᱚ ᱚᱪᱚᱜ ᱜᱤᱰᱤᱜ ᱠᱟᱰᱟᱜ ᱟᱠᱚ, ᱟᱨ ᱱᱚᱣᱟ ᱞᱚᱜᱚᱱ ᱛᱟᱭᱚᱢ ᱦᱚᱱᱚᱛ ᱨᱮᱱᱟᱜ ᱡᱚᱛᱚ ᱠᱚᱧᱮ ᱴᱷᱟᱶ ᱨᱮ ᱣᱤᱠᱴᱨᱤ ᱟᱨᱡᱟᱣ ᱠᱮᱜᱼᱟ ᱾ ᱱᱚᱣᱟ ᱠᱷᱚᱸᱰ, ᱜᱟᱲᱼᱢᱟᱸᱰᱞᱟ ᱯᱚᱱᱚᱛ ᱨᱮᱱᱟᱜ ᱛᱟᱨᱟ ᱴᱷᱟᱶ ᱥᱟᱶᱛᱮ, ᱑᱗᱘᱑ ᱨᱮ ᱥᱳᱜᱚᱨ ᱟᱜ ᱢᱚᱨᱟᱴᱷᱟ ᱯᱚᱱᱚᱛ ᱨᱮ, ᱛᱚᱵᱮ ᱢᱚᱨᱟᱴᱷᱟ ᱯᱮᱥᱣᱟ ᱟᱜ ᱠᱚᱱᱴᱨᱚᱞ ᱨᱮ ᱛᱟᱦᱮᱸ ᱠᱟᱱᱟ ᱾ ᱑᱗᱙᱘ ᱨᱮ ᱵᱷᱚᱸᱥᱞᱮ ᱫᱚ ᱢᱟᱬᱟᱝ ᱜᱟᱲᱟᱼᱢᱟᱸᱰᱞᱟ ᱴᱚᱴᱷᱟ ᱦᱚᱸ ᱟᱨᱡᱟᱣ ᱠᱮᱜᱼᱟ ᱾^[᱒]

᱑᱘᱑᱘ ᱨᱮ, ᱛᱤᱥᱟᱨ ᱮᱸᱜᱽᱞᱚᱼᱢᱚᱨᱟᱴᱷᱟ ᱞᱟᱹᱲᱦᱟᱹᱭ ᱨᱮᱱᱟᱜ ᱪᱟᱵᱟ ᱦᱩᱛᱮᱨᱟᱜ, ᱱᱟᱜᱽᱯᱩᱨ ᱯᱚᱱᱚᱛ ᱵᱨᱤᱴᱤᱥ ᱥᱤᱧᱚᱛ ᱟᱜ ᱢᱤᱫᱴᱟᱹᱝ ᱯᱚᱱᱚᱛ ᱵᱮᱱᱟᱣ ᱮᱱᱟ ᱾ ᱑᱘᱕᱓ ᱨᱮ, ᱵᱟᱞᱟᱜᱷᱟᱴ ᱦᱚᱱᱚᱛ ᱥᱟᱶᱛᱮ ᱱᱟᱜᱽᱯᱩᱨ ᱯᱚᱱᱚᱛ, ᱤᱝᱜᱽᱨᱟᱹᱡᱽ ᱤᱫᱤ ᱛᱮ ᱚᱪᱚᱜ ᱞᱮ ᱟ ᱠᱚ ᱛᱟᱦᱮᱸᱫ, ᱟᱨ ᱱᱟᱜᱽᱯᱩᱨ ᱨᱮᱱᱟᱜ ᱱᱟᱣᱟ ᱯᱚᱱᱚᱛ ᱵᱮᱱᱟᱣ ᱮᱱᱟ ᱾ ᱵᱟᱞᱟᱜᱷᱟᱴ ᱦᱚᱱᱚᱛ ᱛᱚᱵᱮ ᱥᱤᱵᱷᱱᱤ ᱟᱨ ᱵᱷᱟᱸᱰᱟᱨᱟ ᱨᱮᱱᱟᱜ ᱵᱨᱤᱴᱤᱥ ᱦᱚᱱᱚᱛ ᱨᱮ ᱦᱟᱴᱤᱧ ᱞᱮᱱᱟ ᱾ ᱑᱘᱖᱑ ᱨᱮ ᱱᱟᱜᱽᱯᱩᱨ ᱯᱚᱱᱚᱛ ᱫᱚ ᱛᱟᱞᱢᱟ ᱯᱚᱱᱚᱛ ᱨᱮ ᱟᱨᱦᱚᱸ ᱦᱟᱴᱤᱧ ᱮᱱᱟ ᱾^[᱒]

ᱥᱟᱞ ᱑᱘᱖᱗ ᱚᱠᱛᱚ ᱵᱷᱟᱸᱰᱟᱨᱟ, ᱢᱟᱸᱰᱞᱟ ᱟᱨ ᱥᱤᱵᱷᱱᱤ ᱦᱚᱱᱚᱛ ᱨᱮᱱᱟᱜ ᱠᱮᱡ ᱴᱷᱟᱶ ᱫᱚ ᱵᱷᱤᱱᱮ ᱠᱟᱛᱮ ᱵᱟᱞᱟᱜᱷᱟᱴ ᱦᱚᱱᱚᱛ ᱵᱮᱱᱟᱣ ᱞᱮᱱᱟ ᱛᱟᱦᱮᱸᱫ ᱾ ᱦᱚᱱᱚᱛ ᱨᱮᱱᱟᱜ ᱦᱮᱰᱠᱩᱣᱟᱴᱚᱨ ᱛᱟᱦᱮᱸᱱ ᱞᱮᱠᱟᱛᱮ "ᱵᱩᱨᱦᱟ" ᱟᱨᱵᱟᱝ "ᱵᱩᱲᱟ" ᱠᱚ ᱢᱮᱛᱟᱜ ᱟ ᱾ ᱟᱫᱚ, ᱛᱟᱭᱚᱢ ᱛᱮᱫᱚ, ᱱᱚᱣᱟ ᱧᱩᱛᱩᱢ ᱵᱷᱤᱵᱟᱹᱫ ᱨᱮ ᱯᱟᱲᱟᱣ ᱮᱱᱟ ᱟᱨ ᱱᱤᱭᱟᱹ "ᱵᱟᱞᱟᱜᱷᱟᱴ" ᱠᱷᱚᱱ ᱵᱚᱰᱚᱞ ᱮᱱᱟ, ᱟᱫᱚ ᱛᱟᱦᱮᱸᱱᱟᱜ ᱞᱮᱠᱟᱛᱮ ᱛᱮᱫᱚ ᱦᱚᱱᱚᱛ ᱨᱮᱱᱟᱜ ᱧᱩᱛᱩᱢ ᱛᱟᱦᱮᱸ ᱠᱟᱱᱟ ᱾ ᱥᱟᱥᱚᱱ ᱪᱟᱪᱞᱟᱣ ᱞᱮᱠᱟᱛᱮ, ᱦᱚᱱᱚᱛ ᱫᱚ ᱠᱚᱧᱮ ᱨᱮ ᱵᱟᱨᱭᱟ ᱛᱟᱦᱥᱤᱞ ᱢᱮᱱᱟᱜᱼᱟ, ᱵᱤᱦᱟᱨ ᱛᱟᱦᱥᱤᱞ ᱨᱮ ᱦᱟᱴᱤᱧ ᱞᱮᱱᱟ ᱛᱟᱦᱮᱸᱫ, ᱡᱟᱦᱟᱸ ᱨᱮ ᱵᱩᱨᱩ ᱚᱛᱮᱛ ᱴᱚᱴᱷᱟ ᱟᱨ ᱮᱛᱚᱢ ᱨᱮ ᱵᱟᱞᱟᱜᱷᱟᱴ ᱛᱟᱦᱥᱤᱞ ᱥᱮᱞᱮᱫ ᱛᱟᱦᱮᱸ ᱠᱟᱱᱟ, ᱚᱠᱟᱨᱮ ᱮᱛᱚᱢ ᱨᱮ ᱰᱮᱦᱮᱨ ᱛᱮᱫ ᱵᱟᱥᱟ ᱟᱠᱟᱱᱟ ᱠᱚᱢ ᱚᱛ ᱮᱨᱤᱭᱟ ᱥᱮᱞᱮᱫ ᱞᱮᱱᱟ ᱛᱟᱦᱮᱸᱫ ᱾ ᱱᱟᱣᱟ ᱦᱚᱱᱚᱛ ᱛᱟᱞᱟ ᱯᱚᱱᱚᱛ ᱱᱟᱜᱽᱯᱩᱨ ᱰᱤᱵᱤᱡᱚᱱ ᱨᱮᱱᱟᱜ ᱴᱷᱟᱶ ᱛᱟᱦᱮᱸ ᱠᱟᱱᱟ ᱾ ^[᱒]

ᱚᱛᱱᱚᱜ

ᱵᱟᱞᱟᱜᱷᱟᱴ ᱦᱚᱱᱚᱛ ᱡᱟᱵᱟᱞᱯᱩᱨ ᱰᱤᱵᱤᱡᱚᱱ ᱨᱮᱱᱟᱜ ᱮᱛᱚᱢ ᱥᱮᱫ ᱨᱮ ᱢᱮᱱᱟᱜᱼᱟ ᱾ ᱱᱚᱣᱟ ᱥᱟᱛᱯᱩᱲᱟ ᱨᱮᱸᱡ ᱨᱮᱱᱟᱜ ᱮᱛᱚᱢ ᱥᱟᱢᱟᱝ ᱴᱷᱟᱶ ᱟᱨ ᱵᱮᱱᱜᱟᱝ ᱜᱟᱰᱟ ᱨᱮᱱᱟᱜ ᱪᱮᱛᱟᱱ ᱜᱷᱟᱴᱤ ᱨᱮ ᱟᱴᱮᱫ ᱟᱠᱟᱱᱟ ᱾ ᱱᱚᱣᱟ ᱦᱚᱱᱚᱛ ᱒᱑°᱑᱙' ᱠᱷᱚᱱ ᱒᱒°᱒᱔' ᱠᱚᱧᱮ ᱚᱥᱟᱨ ᱟᱨ ᱗᱙°᱓᱑' ᱠᱷᱚᱱ ᱘᱑°᱓' ᱥᱟᱢᱟᱝ ᱫᱤᱥᱟᱹ ᱫᱷᱟᱹᱨᱤᱡ ᱟᱴᱮᱫ ᱟᱠᱟᱱᱟ ᱾ ᱦᱚᱱᱚᱛ ᱨᱮᱱᱟᱜ ᱜᱩᱴ ᱚᱥᱟᱨ ᱵᱤᱥᱟᱨ ᱙,᱒᱔᱕ ᱜᱟᱺᱴ ᱠᱤᱞᱚᱢᱤᱴᱚᱨ ᱢᱮᱱᱟᱜᱼᱟ ᱾ ᱵᱟᱞᱟᱜᱷᱟᱴ ᱦᱚᱱᱚᱛ ᱨᱮᱱᱟᱜ ᱥᱤᱢᱟᱹ ᱠᱚᱧᱮ ᱨᱮ ᱢᱚᱫᱷᱭᱚ ᱯᱨᱚᱫᱮᱥ ᱨᱮᱱᱟᱜ ᱢᱟᱸᱰᱞᱟ ᱦᱚᱱᱚᱛ, ᱠᱚᱧᱮ ᱯᱟᱪᱮ ᱨᱮ ᱰᱤᱸᱰᱚᱨᱤ ᱦᱚᱱᱚᱛ, ᱥᱟᱢᱟᱝ ᱨᱮ ᱪᱷᱚᱛᱤᱥᱜᱚᱰ ᱯᱚᱱᱚᱛ ᱨᱮᱭᱟᱜ ᱨᱟᱡᱽᱱᱟᱸᱫᱜᱟᱸᱣ ᱦᱚᱱᱚᱛ, ᱮᱛᱚᱢ ᱨᱮ ᱢᱚᱦᱟᱨᱟᱥᱴᱨᱚ ᱯᱚᱱᱚᱛ ᱨᱮᱭᱟᱜ ᱜᱚᱸᱫᱤᱭᱟ ᱟᱨ ᱵᱷᱟᱸᱰᱟᱨᱟ ᱦᱚᱱᱚᱛ ᱟᱨ ᱢᱚᱫᱷᱭᱚ ᱯᱨᱚᱫᱮᱥ ᱨᱮᱱᱟᱜ ᱥᱤᱣᱟᱱ ᱦᱚᱱᱚᱛ ᱠᱷᱚᱱ ᱞᱟᱜᱟᱣ ᱟᱠᱟᱱᱟ ᱾ ᱦᱚᱱᱚᱛ ᱨᱮ ᱨᱚᱨᱚᱲ ᱟᱜ ᱢᱩᱬ ᱯᱟᱹᱨᱥᱤ ᱵᱮᱭᱦᱟᱨ ᱟᱨ ᱩᱠᱣᱟ ᱨᱮ ᱨᱮ ᱦᱤᱱᱫᱤ, ᱜᱚᱸᱰᱤ, ᱪᱷᱚᱛᱤᱥᱜᱚᱲᱤ ᱟᱨ ᱯᱟᱣᱨᱤ, ᱯᱟᱨᱟᱥᱣᱟᱲᱟ ᱨᱮ ᱯᱟᱣᱨᱤ, ᱵᱟᱞᱟᱜᱷᱟᱴ ᱛᱟᱦᱥᱤᱞ ᱟᱨ ᱵᱷᱟᱨᱣᱮᱞᱤ ᱨᱮᱱᱟᱜ ᱠᱚᱧᱮ ᱥᱮᱫ ᱨᱮ, ᱞᱟᱸᱡᱤ ᱟᱨ ᱠᱚᱞᱚᱱᱯᱩᱨ ᱨᱮ ᱠᱚᱞᱟᱨᱤ, ᱯᱟᱪᱮ ᱥᱮᱫ ᱨᱮ ᱯᱟᱣᱨᱤ ᱮᱴᱟᱜ ᱥᱮᱫ ᱠᱷᱚᱱ ᱵᱟᱨᱥᱚᱱᱤ, ᱠᱚᱴᱟᱸᱜᱤ ᱟᱨ ᱞᱟᱞᱵᱟᱨᱨᱟ ᱟᱨ ᱢᱨᱟᱴᱷᱤ ᱢᱮᱱᱟᱜᱼᱟ ᱾ ᱦᱚᱱᱚᱛ ᱨᱮᱱᱟᱜ ᱮᱛᱚᱢ ᱥᱮᱫ ᱾

ᱵᱮᱱᱜᱟᱝ ᱟᱨ ᱚᱱᱟ ᱫᱚᱥᱟᱨ ᱜᱟᱰᱟ ᱦᱚᱱᱚᱛ ᱨᱮᱱᱟᱜ ᱟᱹᱰᱤ ᱞᱟᱹᱠᱤᱭᱟᱱ ᱜᱟᱰᱟ ᱠᱟᱱᱟ ᱾ ᱵᱟᱞᱟᱜᱷᱟᱴ ᱥᱚᱦᱚᱨ, ᱵᱮᱱᱜᱟᱝ ᱜᱟᱰᱟ ᱫᱷᱟᱨᱮ ᱨᱮ ᱢᱮᱱᱟᱜᱼᱟ, ᱟᱫᱚ ᱦᱚᱱᱚᱛ ᱞᱮᱠᱟᱛᱮ ᱠᱚᱧᱮ ᱨᱮ ᱮᱛᱚᱢ ᱥᱮᱫ ᱞᱤᱸᱡᱤᱱᱟ ᱟᱨ ᱵᱟᱞᱟᱜᱷᱟᱴ ᱦᱚᱱᱚᱛ ᱨᱮ ᱢᱟᱸᱰᱞᱟ ᱦᱚᱱᱚᱛ ᱨᱮᱱᱟᱜ ᱱᱮᱱᱯᱩᱨ ᱥᱩᱨ ᱛᱷᱟᱣᱟᱨ ᱜᱟᱰᱟ ᱥᱟᱶᱛᱮ ᱡᱟᱜᱟᱦ ᱮᱥᱮᱫᱟ ᱾ ᱵᱟᱜᱽ ᱱᱟᱦᱨᱟ ᱟᱨ ᱩᱥᱠᱚᱞ ᱜᱟᱰᱟ ᱵᱮᱱᱜᱟᱝ ᱨᱮᱱᱟᱜ ᱫᱚᱥᱟᱨ ᱜᱟᱰᱟ ᱠᱟᱱᱟ ᱾^[᱓]ᱵᱟᱣᱟᱰᱛᱷᱚᱲᱤ ᱟᱨ ᱵᱟᱜᱽ ᱜᱟᱰᱟ ᱢᱚᱦᱟᱨᱟᱥᱴᱨᱚ ᱥᱟᱶᱛᱮ ᱥᱤᱢᱟᱹ ᱫᱚ ᱰᱤᱯᱷᱟᱭᱤᱱ ᱱᱚ ᱟ ᱾^{[ᱥᱟᱹᱠᱭᱟᱹᱛ ᱞᱟᱹᱠᱛᱤ ᱠᱟᱱᱟ]}

ᱠᱚᱴᱟᱸᱜᱤ ᱫᱷᱟᱹᱨᱤᱡ ᱵᱤᱸᱫᱷᱭᱟ ᱨᱮᱸᱡᱽ ᱨᱮᱱᱟᱜ ᱮᱛᱚᱢ ᱥᱮᱫ ᱫᱚ ᱞᱚᱣᱟᱨ ᱵᱷᱟᱱᱰᱟᱨ ᱨᱮᱸᱡᱽ ᱠᱚ ᱢᱮᱱᱟ ᱾ ᱱᱚᱣᱟ ᱴᱩᱰᱟᱹᱜ ᱠᱷᱚᱱ ᱯᱩᱨᱟᱹ ᱥᱤᱨᱯᱩᱨ ᱨᱮᱱᱟᱜ ᱦᱚᱥᱟᱼᱵᱚᱸᱫ ᱜᱷᱟᱴᱤ ᱟᱨ ᱠᱟᱱᱴᱤᱱᱭᱩᱮᱥᱚᱱ ᱨᱮ ᱵᱩᱨᱩ ᱵᱟᱵᱮᱨ ᱫᱚ ᱮᱥᱮᱫ ᱫᱟᱜ ᱯᱟᱞᱟᱱ ᱫᱚ ᱠᱮᱢᱩᱨ ᱨᱮᱸᱡ ᱦᱚᱸ ᱠᱚ ᱢᱮᱱ ᱱᱟᱠᱚ ᱾^[᱔]

ᱚᱛᱱᱚᱜ ᱞᱮᱠᱟᱛᱮ ᱦᱚᱱᱚᱛ ᱫᱚ ᱯᱮ ᱴᱷᱟᱶ ᱨᱮ ᱦᱟᱴᱤᱧ ᱟᱠᱟᱱᱟ :

ᱠᱟᱹᱣᱰᱤ ᱟᱹᱨᱤ

ᱥᱤᱧᱚᱛ ᱨᱮ ᱘᱐% ᱢᱮᱸᱜᱱᱤᱡ ᱨᱮᱱᱟᱜ ᱯᱨᱚᱰᱩᱠᱥᱚᱱ ᱵᱟᱞᱟᱜᱷᱟᱴ ᱦᱚᱱᱚᱛ ᱠᱷᱚᱱ ᱦᱩᱭᱩᱜᱼᱟ ᱾ ^{[ᱥᱟᱹᱠᱭᱟᱹᱛ ᱞᱟᱹᱠᱛᱤ ᱠᱟᱱᱟ]} ᱢᱟᱞᱟᱸᱡᱠᱷᱚᱸᱰ ᱨᱮ ᱠᱚᱱᱰᱤᱥᱚᱱ ᱨᱮ ᱥᱮᱱᱫᱨᱟ ᱮᱱᱟ ᱛᱟᱢᱵᱟ ᱵᱷᱟᱸᱰᱟᱨ ᱫᱤᱥᱚᱢ ᱨᱮ ᱟᱹᱰᱤ ᱢᱟᱨᱟᱝ ᱠᱚ ᱢᱟᱱᱟᱣᱟ ᱾^{[ᱥᱟᱹᱠᱭᱟᱹᱛ ᱞᱟᱹᱠᱛᱤ ᱠᱟᱱᱟ]} ᱵᱚᱠᱥᱟᱭᱤᱴ, ᱠᱮᱱᱟᱭᱤᱴ, ᱢᱟᱨᱵᱟᱞ, ᱰᱚᱞᱚᱢᱟᱭᱤᱴ, ᱠᱞᱮ ᱟᱨ ᱪᱩᱱᱟ ᱫᱷᱤᱨᱤ ᱦᱚᱱᱚᱛ ᱨᱮᱱᱟᱜ ᱮᱢᱟᱱ ᱢᱩᱬ ᱢᱟᱭᱱᱤᱡ ᱢᱮᱱᱟᱜᱼᱟ ᱾

ᱥᱤᱧᱚᱛ ᱥᱚᱨᱠᱟᱨ ᱒᱐᱐᱖ ᱥᱟᱞᱮ ᱨᱮ ᱥᱤᱧᱚᱛ ᱨᱮᱱᱟᱜ ᱖᱔᱐ ᱜᱚᱴᱟᱝ ᱦᱚᱱᱚᱛ ᱠᱷᱚᱱ ᱒᱕᱐ ᱦᱚᱱᱚᱛ ᱥᱟᱶᱛᱮ ᱱᱚᱶᱟ ᱦᱚᱸ ᱟᱹᱰᱤ ᱯᱟᱹᱪᱷᱞᱟᱹ ᱦᱚᱱᱚᱛ (most backward districts) ᱞᱮᱠᱟᱛᱮ ᱥᱮᱞᱮᱫ ᱟᱠᱟᱫᱼᱟᱭ ᱾^[᱕] ᱱᱚᱶᱟ ᱫᱚ ᱢᱚᱫᱷᱭᱚ ᱯᱨᱚᱫᱮᱥ ᱨᱮᱱᱟᱜ ᱒᱔ ᱟᱱᱟᱜ ᱦᱚᱱᱚᱛ ᱞᱮᱠᱟᱛᱮ ᱯᱟᱹᱪᱷᱞᱟᱹ ᱮᱞᱟᱠᱟ ᱜᱨᱟᱱᱴ (Backward Regions Grant Fund) ᱯᱷᱚᱸᱰ ᱮ ᱧᱟᱢ ᱮᱫᱟ ᱾^[᱕]

ᱰᱤᱵᱤᱡᱚᱱ

ᱥᱟᱥᱚᱱ ᱪᱟᱫᱞᱟᱣ ᱞᱮᱠᱟᱛᱮ, ᱦᱚᱱᱚᱛ ᱫᱚ ᱜᱮᱞ ᱜᱚᱴᱟᱝ ᱵᱚᱱᱚᱛ/ᱛᱟᱦᱥᱤᱞ ᱨᱮ ᱦᱟᱴᱤᱧ ᱟᱠᱟᱱᱟ : ᱵᱟᱞᱟᱜᱷᱟᱴ, ᱵᱮᱭᱦᱟᱨ, ᱵᱤᱨᱥᱟ, ᱯᱟᱨᱟᱥᱣᱟᱲᱟ, ᱠᱚᱴᱟᱸᱜᱤ,ᱵᱟᱨᱥᱚᱱᱤ, ᱞᱟᱞᱵᱟᱨᱨᱟ, ᱠᱷᱮᱨᱞᱟᱸᱡᱤ, ᱞᱟᱸᱡᱤ, ᱟᱨ ᱠᱤᱨᱱᱟᱯᱩᱨ ᱾

ᱦᱚᱨ ᱰᱟᱦᱟᱨ

ᱡᱟᱵᱟᱞᱯᱩᱨ- ᱮᱛᱚᱢ ᱥᱟᱢᱟᱝ ᱛᱟᱞᱟ ᱨᱮᱞᱣᱮ ᱨᱮᱱᱟᱜ ᱵᱟᱞᱟᱜᱷᱟᱴ ᱠᱷᱚᱸᱰ ᱥᱟᱛᱯᱩᱲᱟ ᱵᱩᱨᱩ ᱟᱨ ᱵᱮᱱᱜᱟᱝ ᱜᱟᱰᱟ ᱨᱮᱱᱟᱜ ᱜᱷᱟᱴᱤ ᱥᱟᱶᱛᱮ, ᱦᱚᱱᱚᱛ ᱨᱮᱱᱟᱜ ᱛᱟᱞᱟ ᱠᱷᱚᱱ ᱠᱚᱧᱮ ᱠᱷᱚᱱ ᱮᱛᱚᱢ ᱫᱷᱟᱹᱨᱤᱡ ᱥᱮᱱᱚᱜᱼᱟ ᱾ ᱢᱟᱬᱟᱝ ᱨᱮ ᱱᱚᱣᱟ ᱯᱩᱨᱟᱹ ᱡᱤᱞᱤᱧ ᱞᱟᱹᱜᱤᱫ ᱛᱮ ᱞᱟᱭᱤᱱ ᱱᱟᱨᱨᱚᱣ ᱜᱮᱡᱽ (narrow gauge) (᱒ ᱯᱷᱤᱴ ᱖ ᱤᱸᱪ (᱗᱖᱒ ᱢᱤᱞᱤᱢᱤᱴᱚᱨ)) ᱛᱟᱦᱮᱸ ᱠᱟᱱᱟ, ᱟᱫᱚ ᱵᱟᱞᱟᱜᱷᱟᱴ ᱠᱷᱚᱱ ᱜᱚᱸᱫᱤᱭᱟ ᱛᱟᱞᱟ ᱨᱮᱱᱟᱜ ᱠᱷᱚᱸᱰ ᱫᱚ ᱒᱐᱐᱕-᱐᱖ ᱨᱮ ᱵᱨᱳᱰ ᱜᱮᱡ ᱨᱮ ᱵᱚᱰᱚᱞ ᱮᱱᱟ, ᱡᱟᱦᱟᱸ ᱠᱷᱚᱱ ᱵᱟᱞᱟᱜᱷᱟᱴ ᱯᱩᱭᱞᱩ ᱵᱟᱨ ᱥᱤᱧᱚᱛ ᱨᱮᱱᱟᱜ ᱡᱟᱹᱛᱤᱭᱟᱹᱨᱤ ᱵᱨᱳᱰ ᱜᱮᱡ ᱱᱮᱴᱣᱟᱨᱠ ᱠᱷᱚᱱ ᱡᱚᱲᱟᱣ ᱟᱠᱟᱱᱟ ᱾ ᱵᱟᱞᱟᱜᱷᱟᱴ ᱼ ᱡᱟᱵᱟᱞᱯᱩᱨ ᱥᱮᱠᱥᱚᱱ ᱫᱚ ᱵᱨᱳᱰ ᱜᱳᱡ ᱨᱮ ᱵᱚᱰᱚᱞ ᱞᱟᱹᱜᱤᱫ ᱛᱮ ᱠᱟᱹᱢᱤ ᱪᱟᱞᱟᱜ ᱠᱟᱱᱟ ᱾ ᱵᱟᱞᱟᱜᱷᱟᱴ ᱠᱷᱚᱱ ᱠᱚᱴᱟᱸᱜᱤ ᱫᱷᱟᱹᱨᱤᱡ ᱯᱟᱪᱮ ᱨᱮ ᱵᱨᱳᱰ ᱜᱮᱡ ᱞᱟᱭᱤᱱ ᱥᱮᱱᱚᱜᱼᱟ ᱾ ᱟᱨ ᱢᱮᱜᱽᱱᱤᱡ ᱤᱫᱤ ᱞᱟᱹᱜᱤᱫ ᱵᱷᱟᱨᱵᱮᱞᱤ ᱫᱷᱟᱹᱨᱤᱡ ᱢᱤᱫᱴᱟᱹᱝ ᱞᱟᱭᱤᱱ ᱢᱮᱱᱟᱜᱼᱟ

ᱵᱷᱚᱯᱟᱞ, ᱱᱟᱜᱽᱯᱩᱨ, ᱤᱱᱫᱚᱨ, ᱡᱟᱵᱟᱞᱯᱩᱨ, ᱨᱟᱭᱯᱩᱨ, ᱫᱩᱨᱜᱽ ᱮᱢᱟᱱ ᱢᱟᱨᱟᱝ ᱥᱚᱦᱚᱨ ᱥᱟᱶᱛᱮ ᱵᱟᱞᱟᱜᱷᱟᱴ ᱵᱟᱥ ᱤᱫᱤ ᱛᱮ ᱥᱚᱡᱷᱮ ᱡᱚᱲᱟᱣ ᱟᱠᱟᱱᱟ ᱾

ᱦᱚᱲ ᱮᱞ

᱒᱐᱑᱑ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ ᱵᱟᱞᱟᱜᱷᱟᱴ ᱦᱚᱱᱚᱛ ᱨᱮᱱᱟᱜ ᱦᱚᱲ ᱮᱞ ᱑᱗,᱐᱑,᱖᱙᱘ ᱦᱚᱲ ᱢᱮᱱᱟᱜ ᱠᱚᱣᱟ,^[᱖] ᱜᱟᱢᱵᱤᱭᱟ ᱫᱤᱥᱚᱢ ᱥᱚᱢᱟᱱ ᱢᱮᱱᱟᱜ ᱠᱚᱣᱟ^[᱗] ᱟᱨᱵᱟᱝ ᱟᱢᱮᱨᱤᱠᱟ ᱯᱚᱱᱚᱛ ᱨᱮᱱᱟᱜ ᱱᱮᱵᱨᱟᱥᱠᱟ ᱾^[᱘] ᱱᱤᱭᱟᱹ ᱥᱤᱧᱚᱛ ᱨᱮ ᱒᱘᱘ ᱟᱱᱟᱜ (ᱜᱩᱴ ᱖᱔᱐ ᱠᱷᱚᱱ ᱫᱚ) ᱨᱮᱱᱟᱜ ᱨᱮᱸᱠᱮᱝ ᱨᱮ ᱯᱟᱲᱟᱜᱼᱟ ᱾^[᱖] ᱦᱚᱱᱚᱛ ᱨᱮ ᱦᱚᱲ ᱮᱞ ᱰᱮᱱᱥᱤᱴᱤ ᱑᱘᱔ ᱜᱚᱴᱟ ᱜᱟᱺᱴ ᱠᱤᱞᱚᱢᱤᱴᱚᱨ (᱔᱘᱐ ᱜᱟᱺᱴ ᱢᱟᱭᱤᱞ) ᱢᱮᱱᱟᱜᱼᱟ ᱾^[᱖] ᱒᱐᱐᱑-᱒᱐᱑᱑ ᱨᱮᱱᱟᱜ ᱜᱮᱞ ᱥᱮᱨᱢᱟ ᱨᱮ ᱱᱚᱣᱟ ᱨᱮᱱᱟᱜ ᱦᱚᱲ ᱮᱞ ᱜᱨᱚᱛᱷ ᱫᱚᱨ ᱫᱚ ᱑᱓.᱕᱖% ᱛᱟᱦᱮᱸ ᱠᱟᱱᱟ ᱾^[᱖] ᱵᱟᱞᱟᱜᱷᱟᱴ ᱨᱮ ᱜᱚᱴᱟ ᱑᱐᱐᱐ ᱠᱚᱲᱟ ᱨᱮ ᱑᱐᱒᱑ ᱛᱤᱨᱞᱟᱹ ᱟᱜ ᱡᱟᱱᱟᱝ ᱢᱮᱱᱟᱜᱼᱟ,^[᱖] ᱟᱨ ᱥᱮᱪᱮᱫ ᱫᱚᱨ ᱫᱚ ᱗᱘.᱒᱙% ᱢᱮᱱᱟᱜᱼᱟ ᱾^[᱖]

ᱥᱤᱧᱚᱛ ᱨᱮᱱᱟᱜ ᱒᱐᱑᱑ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱚᱠᱛᱚ, ᱦᱚᱱᱚᱛ ᱨᱮᱱᱟᱜ ᱗᱑.᱔᱒% ᱦᱚᱲ ᱮᱞ ᱫᱚ ᱦᱤᱱᱫᱤ, ᱑᱖.᱔᱑% ᱢᱚᱨᱟᱴᱷᱤ ᱟᱨ ᱑᱐.᱕᱕% ᱜᱚᱸᱰᱤ ᱫᱚ ᱤᱧᱟᱜ ᱢᱟᱬᱟᱝ ᱯᱟᱹᱨᱥᱤ ᱞᱟᱹᱭᱟ ᱾^[᱙]

᱒᱐᱐᱑ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ, ᱦᱚᱱᱚᱛ ᱨᱤᱱ ᱜᱩᱴ ᱦᱚᱲ ᱮᱞ ᱑᱔,᱙᱗,᱙᱖᱘ ᱦᱚᱲ ᱢᱮᱱᱟᱜ ᱠᱚᱣᱟ, ᱚᱠᱟᱨᱮ ᱑᱒,᱓᱖,᱐᱘᱓ ᱫᱮᱦᱟᱛ ᱦᱚᱲ ᱮᱞ ᱟᱨ ᱑᱒᱙,᱗᱘᱗ ᱥᱚᱦᱨᱤ ᱦᱚᱲ ᱮᱞ ᱢᱮᱱᱟᱜ ᱠᱚᱣᱟ ᱾ ᱜᱩᱴ ᱦᱚᱲ ᱮᱞ ᱠᱷᱚᱱ ᱫᱚ, ᱑᱑᱓,᱑᱐᱕ ᱟᱱᱩᱥᱩᱪᱤᱛ ᱡᱟᱹᱛᱤ ᱢᱮᱱᱟᱜ ᱠᱚᱣᱟ ᱟᱨ ᱒᱙᱘,᱖᱖᱕ ᱟᱹᱫᱤᱵᱟᱹᱥᱤ ᱢᱮᱱᱟᱜ ᱠᱚᱣᱟ ᱾ ᱠᱚᱲᱟ ᱟᱜ ᱮᱞ ᱖᱘᱒,᱒᱖᱐ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ ᱾ ᱛᱤᱨᱞᱟᱹ ᱟᱜ ᱮᱞ ᱖᱘᱓,᱒᱖᱐ ᱜᱟᱱ ᱠᱚ ᱛᱟᱦᱮᱸ ᱠᱟᱱᱟ ᱾ ᱦᱚᱱᱚᱛ ᱣᱮᱵᱥᱟᱭᱤᱴ ᱞᱮᱠᱟᱛᱮ ᱦᱚᱱᱚᱛ ᱨᱮᱱᱟᱜ ᱜᱩᱴ ᱚᱥᱟᱨ ᱵᱤᱥᱟᱨ ᱙᱒᱔᱕ ᱜᱟᱺᱴ ᱠᱤᱞᱚᱢᱤᱴᱚᱨ ᱢᱮᱱᱟᱜᱼᱟ, ᱡᱟᱦᱟᱸ ᱠᱷᱚᱱ ᱦᱚᱲ ᱮᱞ ᱰᱮᱱᱥᱤᱴᱤ ᱑᱖᱒ ᱦᱚᱲ ᱜᱚᱴᱟ ᱠᱤᱞᱚᱢᱤᱴᱚᱨ ᱦᱩᱭ ᱟ ᱾^{[ᱥᱟᱹᱠᱭᱟᱹᱛ ᱞᱟᱹᱠᱛᱤ ᱠᱟᱱᱟ]}

᱑᱙᱙᱑ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱨᱮ, ᱦᱚᱱᱚᱛ ᱨᱮᱱᱟᱜ ᱜᱩᱴ ᱦᱚᱲ ᱮᱞ ᱑᱓,᱖᱕,᱘᱗᱐ ᱜᱟᱱ ᱠᱚ ᱛᱟᱦᱮᱸ ᱠᱟᱱᱟ ᱾^{[ᱥᱟᱹᱠᱭᱟᱹᱛ ᱞᱟᱹᱠᱛᱤ ᱠᱟᱱᱟ]}

ᱵᱟᱦᱨᱮ ᱡᱚᱱᱚᱲ

ᱥᱟᱹᱠᱷᱭᱟᱹᱛ

Hunter, William Wilson (Sir); et al. (1908). Imperial Gazetteer of India. Vol. 6. 1908-1931. Oxford: Clarendon Press. pp. ??. {{cite book}}: Invalid |ref=harv (help)

Attribution

ᱪᱷᱟᱸᱪ:EB1911

Coordinates: 21°58′N 80°20′E / 21.967°N 80.333°E / 21.967; 80.333

↑ Decadal Variation In Population Since 1901
↑ ^᱒.᱐ ^᱒.᱑ ^᱒.᱒ ^᱒.᱓ Hunter 1908, ᱪᱷᱟᱸᱪ:Page needed.
↑ Chisholm 1911.
↑ Bhargava, Archana. "Resources and planning for economic development". p. 19. Google books. Retrieved 2010-07-11.
↑ ^᱕.᱐ ^᱕.᱑ Ministry of Panchayati Raj (September 8, 2009). "A Note on the Backward Regions Grant Fund Programme" (PDF). National Institute of Rural Development. Archived from the original (PDF) on April 5, 2012. Retrieved September 27, 2011.
↑ ^᱖.᱐ ^᱖.᱑ ^᱖.᱒ ^᱖.᱓ ^᱖.᱔ ^᱖.᱕ "District Census 2011". Census2011.co.in. 2011. Retrieved 2011-09-30.
↑ US Directorate of Intelligence. "Country Comparison:Population". Archived from the original on 2007-06-13. Retrieved 2011-10-01. Gambia, The 1,797,860 July 2011 est.
↑ "2010 Resident Population Data". U. S. Census Bureau. Archived from the original on 2013-10-19. Retrieved 2011-09-30. Nebraska 1,826,341
↑ 2011 Census of India, Population By Mother Tongue

[1] Decadal Variation In Population Since 1901

[FOOTNOTEHunter1908[[:ᱪᱷᱟᱸᱪ:Page_needed]]-2] ᱒.᱐ ^᱒.᱑ ^᱒.᱒ ^᱒.᱓ Hunter 1908, ᱪᱷᱟᱸᱪ:Page needed.

[FOOTNOTEChisholm1911-3] Chisholm 1911.

[4] Bhargava, Archana. "Resources and planning for economic development". p. 19. Google books. Retrieved 2010-07-11.

[brgf-5] ᱕.᱐ ^᱕.᱑ Ministry of Panchayati Raj (September 8, 2009). "A Note on the Backward Regions Grant Fund Programme" (PDF). National Institute of Rural Development. Archived from the original (PDF) on April 5, 2012. Retrieved September 27, 2011.

[districtcensus-6] ᱖.᱐ ^᱖.᱑ ^᱖.᱒ ^᱖.᱓ ^᱖.᱔ ^᱖.᱕ "District Census 2011". Census2011.co.in. 2011. Retrieved 2011-09-30.

[cia-7] US Directorate of Intelligence. "Country Comparison:Population". Archived from the original on 2007-06-13. Retrieved 2011-10-01. Gambia, The 1,797,860 July 2011 est.

[8] "2010 Resident Population Data". U. S. Census Bureau. Archived from the original on 2013-10-19. Retrieved 2011-09-30. Nebraska 1,826,341

[9] 2011 Census of India, Population By Mother Tongue

[᱑]

[᱒]

[᱓]

[᱔]

[᱕]

[᱖]

[᱗]

[᱘]

[᱙]

	ᱢᱟᱸᱰᱞᱟ ᱦᱚᱱᱚᱛ	ᱠᱟᱵᱤᱨᱫᱷᱟᱢ ᱦᱚᱱᱚᱛ, ᱪᱷᱚᱛᱤᱥᱜᱚᱰ
ᱥᱤᱵᱷᱱᱤ ᱦᱚᱱᱚᱛ		ᱨᱟᱡᱽᱱᱟᱱᱜᱟᱸᱣ ᱦᱚᱱᱚᱛ, ᱪᱷᱚᱛᱤᱥᱜᱚᱰ
	ᱵᱟᱞᱟᱜᱷᱟᱴ ᱦᱚᱱᱚᱛ

ᱱᱟᱜᱽᱯᱩᱨ ᱦᱚᱱᱚᱛ, ᱢᱚᱦᱟᱨᱟᱥᱴᱨᱚ	ᱵᱷᱟᱱᱫᱟᱨᱟ ᱦᱚᱱᱚᱛ, ᱢᱚᱦᱟᱨᱟᱥᱴᱨᱚ	ᱜᱚᱱᱫᱤᱭᱟ ᱦᱚᱱᱚᱛ, ᱢᱚᱦᱟᱨᱟᱥᱴᱨᱚ