Tomb Raider (1996)

Articulu in nugoresu

Tomb Raider: Featuring Lara Croft est unu videojòcu chi at isvilupàu Core Design e Eidos Interactive at prubicàu: est su primu jocu de su chi at a èsser una sèrie longa. Su jocu fit essìu in su 1996 pro PC, PlayStation e Sega Saturn.

Tomb Raider còntat un'istoria de Lara Croft, un'archeologa inglesa in cherta de tesoros anticos, chi pòdet ammentàre meda Indiana Jones. Su jocu at tèntu unu sutzessu gai mannu, chi non solu est istàu unu faru pro tottus sos atteros jocos de abbentura chi an a sichìre in benidòre, ma su protagonista suo, Lara Croft, ch'est essìu dae su campu de sos videojocos e est bènniu unu fenomenu de massa.

A commo fachet a iscarricare Tomb Raider e Tomb Raider: Chronicles pro PlayStation 3 e PlayStation Portable pro mèdiu de su PlayStation Network; si podet fìntzas colàre pro GOG.com pro si lu comporàre.