Whisky
Lu whisky, canusciutu macari cumu whiskey, è na vìppita alcòlica ca si fa ccu la distillazzioni di ciriali, cumu l'orzu, e veni cunsirvata ntî botti di lignu, unni nvècchia.
Storia
[cancia | cancia la surgenti]Nun avimmu fonti sicuri di li zoni d'unni nascìu lu whisky, ma sapimmu ca venni vinnutu ppâ prima volta ntô 1400. Pirò la data ufficiali di la sò nascita è lu 1494, annu in cui lu priparà John Cor e li mònaci di la highlands. N'âutra liggenda ca hammu a tèniri n'consideraziòni dici ca lu whisky venni priparatu da li mugghieri dî curtivatura d'orzu irlandisi, ca distillavanu li ciriali ppî sò mariti.
Ntô 1707 lu whisky addiventa lu sìmmulu dâ libirtà americana ntî cunfrunti di li ngrìsi dopu l'inziu di nu contrabbandu ca durirà ppi 150 anni.
Òi lu whisky è lu distillattu cchiù prodottu e cunsumatu ô munnu; lu sò mircatu è n cuntinua produzioni e produci circa 1.000.000.000 di buttigghi ogni annu.
Priparazioni
[cancia | cancia la surgenti]
Î materii principali su l'acqua, li ciriàli (li cchiù usati su granu, segali, orzu e mais), la torba (ca servi ppi essiccari lu maltu), e lu lievitu. Li prucessi dâ priparazioni su:
- Macirazioni
- Fermentazioni
- Distillazioni
- Maturazioni
- Miscellazioni
- Mbuttigghiamentu
Lu whisky veni fattu maturari ppi na pocu di anni (minimu dui e màssimu 20) ntî botti di ruveri.
