Bnyamin Frankliyn
Bnyamin Frankliyn (ilul ɣ 17 Ynnayr 1706, immut ɣ 17 Bril 1790) iga yan urgaz n tsrtit Amrikaniy, ig daɣ arṣṣam, ig ula amassan d yan umsnuflu.[1]
Tudrt nns
[ssnfl | Snfl asagm]ilul ɣ Busṭun ɣ yat twmat n 17 n tarwa, lliɣ dars tlla 12 n usggʷas ifta ad iswuri dar gʷmas ɣ yan uḥanu n usiggz, macc ur as sul iffuɣ ɣayann acku ikka tt inn ar bdda ittẓi d gʷmas f tid mẓẓiynin,[1] ilmma irwl s yat tmdint yaḍni ad tt igan d Fladilfya, ukan lliɣ iqqn 24 n usggʷas iskr taḥanut nns n usiggz iẓlin.[1]
Frankliyn issnti yan jjurnal, yara akkʷ yan udlis ig as s ism "Poor Richard's Almanac" awa iskr sis yan umurs nit icwan s uswir nns yattuyn [1]ula tawssna tkka tt inn tumẓ yat taɣamt ɣ tudrt nns,[1] is akkʷ ilkm ad issnflul yan "mssanfusman", yan wannid da issanfn usman f tgmma.[1] Frankliyn ikka sul aɣaras n yigr n tsrtit d tnbaḍt, ukan lliɣ tnkr tgrawla Tamrikant (1775-1783) issiws ɣ tirra n tutra n tdrfit da ittinin is d tasga tamrikant nna illan ha nn tla azrf ad tnbḍ agayyu nns, Frankliyn iga yan ssɣ ɣwilli rcmnin ɣ tutra-ad.[1] F ɣik ad ikka dar Fransa afad ad as taws s isrdasn ɣ tgrawla ad nnsn, fadd daɣ yiwrri s tmazirt n Filadilfya ɣilli ɣ rad ircm ɣ ddustur n USA lli iɣaman ar ɣass-ad nit sul.[1]
