Erika er eit kvinnenamn som er avleidd av mannsnamnet Erik.
I nyare tid kan også blomenamnet erika ligge til grunn for kvinnenamnet Erika (latin erice, gresk ereike som tyder ‘røsslyng’). Her kan Erika sjåast på som ein tydingsparallell til det engelske kvinnenamnet Heather som har opphav ordet heather som tyder ‘røsslyng’.
Namnet har fleire variantar: Erica, Erika, Erikka, Erikke.
Namnedag er 18. mai. Eirik og Erik har også namnedag denne dagen.
Eit utval personar med namnet Erika, og som er omtalt i Store norske leksikon:
I 2022 var det 1 579 kvinner i Noreg som hadde Erika som det einaste førenamnet eller som det fyrste av fleire. I 2022 var det 19 jenter som fekk namnet Erika.
Kvinnenamn med tre stavingar og endinga -a var lite brukte på 1800-talet og fram til midten av 1900-talet. Frå då av – eller litt seinare – byrja dei å bli populære. Erika og Celina har vore mest brukte på 2000-talet.
Erika var mest brukt i Møre og Romsdal.
Erika var mest brukt i Møre og Romsdal. (I talgrunnlaget for søylene inngår det også ein eller fleire stavevariantar, til dømes Erica.)
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.