1152 – Frederick I Barbarossa kapilih jadi Raja Jérman.
1238 – Patempuran Leuwi Sit lumangsung di béh kalér wilayah nu kiwari nelah ku Propinsi Yaroslavl, Rusia, antara gorombolan Batu KhanMongol jeung urang Rusia pingpinan Yuri II ti Vladimir-Suzdal, wanci Mongol nyerang ka Rusia.
1519 – Hernán Cortés nepi ka Méksiko dina raraga neangan paradaban Azték katut pakayana.
1797 – John Adams dilantik minangka présidén ka-2 Amérika Sarikat.
1814 – Amérika ngéléhkeun Inggris dina Patempuran Longwoods antara London, Ontario jeung Thamesville, deukeut daérah nu kiwari nelah ku Wardsville, Ontario.
1890 – Jambatan pangpanjangna di Britania Raya, Jambatan Kaopat di Skotlandia, ukuran pangjangna 1.710 kaki (530 m), dibuka ku Pangéran Wales pibakaleun raja, Edward VII.
1899 – Angin puyuh Mahina narajang kaléreun Cooktown, Queensland, ngakibatkeun ombak nu jangkungna 12 méter (39k) nu asup ka darat sapanjang 5 km (3,1 mil), nelasan leuwih ti 300 urang.
1913 – Perang Balkan Kahiji: Tentara Yunani patelak jeung urang Turki di Bizani, pamustunganna Yunani meunang dua poé ti harita.
1943 – Perang Dunia II: Patempuran Fardykambos, salah sahiji patempuran utama antara Pajoang Yunani ngalawan panyerang ti Tentara Italia dimimitian. Réngsé dina tanggal 6 Maret ku nyarerahna sakabéh batalion Italia sarta bébasna Kota Grevena.
1944 – Perang Dunia II: Sabada hasil dina Minggu Gedé (the Big Week), USAAF ngamimitian serangan bom pabeubeurang ka Bérlin.
1957 – Bursa saham S&P 500 dikenalkeun, ngagantikeun S&P 90.
1960 – Pasawat tempur Perancis La Coubre ngabeledug di Havana, Kuba, nelasan 100 jalma.
1962 – Pasawat Maskapai Kalédonia, Douglas DC-7, ragrag saharita sabada leupas landas ti Kamerun, nelasan 111 jalma, minangka kacilakaan DC-7 pangparahna.
1966 – Pasawat Maskapai Pasifik Kanada. DC-8-43 ngabeledug nalika ngadarat di Bandara Internasional Tokyo, nelasan 64 jalma.
1970 – Kapal selam Perancis Eurydice ngabeledug sajeroeun cai, ngakibatkeun maotna 57 kru kapal.
1974 – Majalah People dipedalkeun pikeun kali kahijina di Amérika Sarikat, minangka majalah mingguan.
1977 – Lini Vrancea narajang béh wétan jeung kidul Éropa, nelasan leuwih ti 1.500 jalma, lolobana di Bucharest, Romania.
1980 – Pamingpin Nasionalis Robert Mugabe meunangkeun pamilu sarta jadi perdana menteri Zimbabwé munggaran ti urang kulit hideung.
1985 – Administrasi Dahareun jeung Obat-Obatan AS nyatujuan tés inféksi AIDS, pikeun geutih donor di AS.
2001 – Pangeboman BBC: Hiji bom mobil tohaga ngabeledug di hareupeun Kantor Pusat Télévisi BBC di London, nyideraan semet ka parna saurang jalma; panyerangan éta diteumbleuhkeun ka Real IRA.
2002 – Afghanistan: Tujuh soldadu Pasukan Operasi Husus Amérika sarta 200 urang pajoang Al Qaeda nemasing pati nalika pasukan Amérika nyoba pikeun asup ka Landeuh Shah-i-Kot make hélikopter nu ngapung handap-handap dina misi paniténan.
2009 – Pangadilan Kriminal Internasional (singk. Inggris ICC) ngaluarkeun surat paréntah panahanan pikeun Présidén Sudan Omar Hassan al Bashir pikeun kajahatan perang sarta kajahatan ngalawan kamanusaan di Darfur. Al Bashir mangrupa kapala nagara nu munggaran nu dijadikeun kasangka kriminal ti saprak ngadegna ICC di taun 2002.
2012 – Sarangkéyan beledugan kabéjakeun di pamiceunan limbah amunisi di Brazzaville, puseur nagri Républik Kongo, nelasan saheunteuna 250 jalma.
2015 – Saheunteuna 34 panambang maraot dina naon nu diperkirakeun ku alatan beledugan gas di tambang batu bara Zasyadko di wilayah nu dikawasa ku pangbarontak di Donetsk, Ukraina.
2018 – Manten mata-mata M16, Sergei Skripal katut budak awéwéna dibaruang ku gas sarap Novichok di Salisbury, Inggris, ngabalukarkeun kaharénghéngan diplomatik sarta silih tarikna diplomat ti unggal nagri nu kabaud.
