Buah kiwi
- Pikeun kagunaan séjén, tempo Kiwi.
| Kiwi | |
|---|---|
_2_Luc_Viatour.jpg)
| |
| Buah kiwi | |
| Klasifikasi ilmiah | |
| Karajaan: | |
| Divisi: | |
| Kelas: | |
| Ordo: | |
| Kulawarga: | |
| Génus: | |
| Spésiés: | A. deliciosa
|
| Ngaran binomial | |
| Actinidia deliciosa C.F.Liang.& A.R.Ferguson.
| |
Buah kiwi (Actinidia deliciosa) nyaéta buah anu asalna tina kulawarga actinidiaceae kulit buahna buluan.[1] Buah kiwi loba dihasilkeun ku nagara-nagara: Selandia Anyar, Amerika, Itali, Jepang, Prancis, Australi jeung Cili.[1] Buah kiwi téh asalna ti nagara Cina, disebutna buah yang tao kalawan geus dimangpaatkeun rébuan taun anu kaliwat.[1] Tangkal kiwi mibanda kembang jalu jeung kembang bikang bijil tina tangkalna anu béda atawa papisah, tangkal kiwi jaluna sanajan kembangan ogé tetep moal ngahasilkeun buah.[1]
Sanajan tacan pati dipiwanoh saperti buah lokal séjéna, hiji buah kiwi téh mibanda kandungan vitamin C anu cukup pikeun minuhan kabutuhan sapoé vitamin C jalma déwasa.[2] Kandungan vitamin C dina buah kiwi, bisa nyingkahan karuksakan Kolagén anu ngabalukarkeun kulit kerejut (paréot).[1] Ongkohan buah kiwi mah kaitung mahal, ku kituna pamangpaatanna tacan pati loba saperti bahan campuran pikeun rupa-rupa olahan kuéh.[2] Buah kiwi loba dijual di toko buah, supermarket, atawa hipermarket.[2] Buah kiwi anu loba kapanggih di toko aya dua rupa, kiwi anu kulitna héjo rasana leuwih haseum, jeung kiwi anu kulitna semu coklat (kawas sawo) sok disebut ogé gold rasana rada amis meueusan.[2]
Cara ngabedakeun buah kiwi anu masih kénéh seger jeung nu geus layu carana gampang, mangsa dipencét palebah cupatna buah anu masih seger mah eunggal/semu ngenyod, béda jeung anu layu dipencét téh buahna emoy/lembek.[2] Buah kiwi bisa langsung dikonsumsi kawas apel atawa jambu, nga cangkangna kudu dipesék heula atawa dibeulah dua sangkan katempo dagingna.[2] Kelir buah kiwi rupa-rupa gumantung kana varietas, anu mindeng katempo mah héjo jeung coklat sanajan aya ogé buah kiwi anu kelirna konéng, ngan jarang katempo dijual di toko buah.[1] Buah kiwi gedéna kurang leuwih sagedé endog meri, kulitna buluan, dagingna kandel tur kelirna héjo, sikina laleutik kawas selasih, ngupul ngurilingan puhu buahna.[1]
-
Buah kiwi dipaké mapaésan kuéh -
Meuhpeuy buahna -
Tangkal kiwi sumedeng ligar kembang -
Buah kiwi coklat jeung héjo
Dicutat tina
[édit | édit sumber]
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |