Dadih
Dadih nyaéta produk susu tina prosés ngentelkeun/namperkeun/ngagiblegkeun susu maké rennet atawa asam saperti jus lémon atawa cuka sarta saterusna ngaleungitkeun bagéan éncérna (disebut whey). Kaasam anu ningkat nyababkeun protéin susu (kaséin) jadi padet.
Sababaraha conto produk tahu susu nyaéta kiju lemes (cottage cheese), quark, jeung paneer. Di Asia mah, tahu susu biasana dijieun ku cara férméntasi susu. Di India, susu munding ilahar dipaké sabab kandungan lemakna leuwih loba sarta ngahasilkeun tahu susu anu leuwih kentel. Lian ti produk nu bahan dasarna ukur susu, aya ogé produk-produk séjén nu maké campuran dadih dina prosésna, contona tahu susu nu bahan dasarna kadelé sakumaha ilaharna nyieun tahu, tapi ditambahan susu nu jadi dadih téa. Tahu susu Lémbang contona.