Lompat ke isi

Fagosit

Ti Wikipédia Sunda, énsiklopédi bébas


Mikrograf éléktron pindai hiji neutrofil keur 'ngahakan' baksil antrax (oranyeu).

Fagosit (Yun.: phagein, "dahar", jeung -cyte, ahiran anu dina biologi nujul ka "sél"[1]) nyaéta sél getih bodas anu ngajaga awak ku cara ngahakan (fagositosis) partikel asing anu dianggap pibahyaeun, baktéri, jeung sél paéh atawa nu keur sakarat. Ieu sél penting kacida pikeun merangan inféksi katut imunitasna[2] pikeun sakabéh bangsa sato[3] sarta geus mekar pisan dina vertebrata[4]. Saléter getih manusa ngandung nepi ka genep miliar fagosit[5].

Ieu sél munggaran dipikawanoh taun 1882 ku Ilya Ilyich Mechnikov nu keur nalungtik larva béntang laut[6]. Pikeun papanggihanana, anjeunna dileler Hadiah Nobel widang Fisiologi atawa Kedokteran taun 1908[7]. Lian ti bangsa sato, fagosit ogé nyampak dina sababaraha spésiés; amuba ogé aya nu polahna kawas fagosit makrofag, nu nuduhkeun yén sigana fagosit mucunghul dina mangsa awal évolusi mahluk hirup[8].

Fagosit manusa jeung sato lianna disebut "profésional" atawa "teu-profésional" dumasar kana kamatihna nalika fagositosis[9]. Anu profésional di antarana neutrofil, monosit, makrofag, sél déndritik, jeung sél mast[10]. Anu ngabédakeunana nyaéta aya/henteuna molekul anu katelah reséptor dina beungeut sélna anu bisa mikawanoh barang anu pibahyaeun, sarupaning baktéri anu sakuduna euweuh dina awak[11]. Lian ti pikeun merangan inféksi, ieu sél ogé penting pikeun ngajaga sangkan jaringan angger walagri ku cara miceunan sél anu paéh atawa sakarat ku sabab geus waktuna paéh[12].

Nalika inféksi, sinyal kimiawi ngirut fagosit ka tempat anu katarajang kuman/patogén. Sinyal kimiawi éta datangna bisa ti baktéri langsung atawa ti fagosit lianna anu keur merangan kuman. Fagosit ojah ku cara kémotaxis. Mangsa fagosit antel jeung baktéri, reséptor nu aya dina beungeutna bakal nali, anu diteruskeun ku ngasupkeun éta baktéri ka jero awak fagosit[13]. Sababaraha fagosit maéhan kuman nu geus 'diteureuy' maké oxidan jeung oksida nitrat[14]. Sanggeus fagositosis, makrofag jeung sél déndritik bisa aub dina présentasi antigén nalika bahan-bahan anu asalna tina baktéri anu dihakan ditémbongkeun dina beungeut sélna pikeun dipikawanoh ku sél-sél sistem imun lianna. Sababaraha fagosit terus indit ka kelenjar limfe pikeun némbongkeun éta bahan asing ka sél getih bodas anu disebut limfosit anu penting pisan pikeun ngawangun imunitas[15]. Najan kitu, kuman ogé ngalaman évolusi anu bisa nyingkahan atawa ngalawan panarajang fagosit[2].

Rujukan

[édit | édit sumber]
  1. ↑ The Shorter Oxford English Dictionary. Oxford University Press (Guild Publishing). 1983. pp. 1566–67.  |coauthors= requires |author= (bantuan)
  2. ↑ a b Mayer, Gene (2006). "Immunology — Chapter One: Innate (non-specific) Immunity". Microbiology and Immunology On-Line Textbook. USC School of Medicine. Diakses tanggal 12 Nopémber 2008. 
  3. ↑ Delves spk. 2006, p. 250
  4. ↑ .Delves spk. 2006, p. 251
  5. ↑ Hoffbrand, Pettit & Moss 2005, p. 331
  6. ↑ Ilya Mechnikov, disalin 28 Nopémber 2008. Tina Nobel Lectures, Physiology or Medicine 1901–1921, Elsevier Publishing Company, Amsterdam, 1967. Archived 2008-08-22 di Wayback Machine
  7. ↑ Schmalstieg, FC; AS Goldman (2008). "Ilya Ilich Metchnikoff (1845–1915) and Paul Ehrlich (1854–1915): the centennial of the 1908 Nobel Prize in Physiology or Medicine". Journal of medical biography 16 (2): 96–103. doi:10.1258/jmb.2008.008006. PMID 18463079. http://jmb.rsmjournals.com/cgi/content/full/16/2/96. 
  8. ↑ Janeway, Chapter: Evolution of the innate immune system. tempo Bibliografi, dibuka 20 Maret 2009
  9. ↑ Ernst & Stendahl 2006, p. 186
  10. ↑ Robinson & Babcock 1998, p. 187 and Ernst & Stendahl 2006, pp. 7–10
  11. ↑ Ernst & Stendahl 2006, p. 10
  12. ↑ Thompson, CB (1995). "Apoptosis in the pathogenesis and treatment of disease". Science 267 (5203): 1456–62. doi:10.1126/science.7878464. PMID 7878464. 
  13. ↑ Janeway, Chapter: Induced innate responses to infection. tempo Bibliografi, dibuka 20 Maret 2009
  14. ↑ Fang FC (Oktober 2004). "Antimicrobial reactive oxygen and nitrogen species: concepts and controversies". Nat. Rev. Microbiol. 2 (10): 820–32. doi:10.1038/nrmicro1004. PMID 15378046. 
  15. ↑ Janeway, Chapter: Antigen Presentation to T Lymphocytes. tempo Bibliografi, dibuka 20 Maret 2009

Tumbu kaluar

[édit | édit sumber]
Wikimedia Commons logo
Wikimedia Commons logo
Wikimedia Commons mibanda média séjénna ngeunaan


Sistem kardiovaskular - Getih
Sél getih beureum - Sél getih bodas - Platélét - Plasma getih - Sél stém hémopoiétik pluripoténsial
Sél getih bodas
Granulosit (Granulosit Neutrofil, Granulosit éosinofil, Granulosit basofil) - Limfosit - Monosit
Koagulasi
Faktor koagulasi: - Fibrin (I) - (Pro)trombin (II) - FV - FVII - FVIII - FIX - FX - FXI - FXII - FXIII - HMWK - vWF - Faktor jaringan
Inhibitor: Antitrombin - Protéin C - Protéin S - Protéin Z - ZPI - TFPI
Fibrinolisis: Plasmin - tPA/urokinase - PAI-1/2 - α2-AP - TAFI


Sistim imun
Sistim imun humoral - Sistim imun sélular - Sistim limfatik - Limfosit - Antibodi - Antigén (MHC)


Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan.
Dicomot ti "https://su.wikipedia.org/w/index.php?title=Fagosit&oldid=650376"