Ozon

Ozon (O₃) mangrupa hiji alotrop oksigén, molekul nu diwangun ku tilu atom oksigén, molekul triatomik, nu leuwih teu stabil batan O₂ nu diatomik.

Ozon mangrupa gas nu warnana bulao dina suhu jeung tekenan baku. Dina suhu handapeun -112 °C, ozon jadi cairan kelir bulao kolot, sarta bakal beku dina suhu -193 °C. Ozon mangrupa bahan pangoksidasi nu kuat; sipatna teu stabil sarta bakal robah jadi oksigén biasa dina réaksi:

2O₃ → 3O₂. Réaksi ieu lumangsung leuwih gancang mun suhuna leuwih panas sarta tekenan leuwih leuwik.

Dina atmosfir Bumi, kadar ozon téh leutik: ozon di sabudeureun urang dianggap polutan, sabab bisa ngaruksak bayah, tapi pancénna di awang-awang penting pisan pikeun niungan beungeut Bumi tina cahya ultrabungur. Ozon bisa dihasilkeun tina O₂ nalika aya gelap.

Sababaraha alat listrik bisa ngahasilkeun ozon, misalna telepisi, printer laser, jeung mesin potokopi nu maké tegangan badag.

Lapisan ozon

.

Lapisan atmospir nu panglobana ngandung ozon nyaéta stratospir, dina wewengkon nu disebut ogé lapisan ozon. Lapisan ieu nyaring cahya ultrabungur (270-400 nm) nu kurang ti 320 nm ti Panonpoé nu bisa nyilakakeun kahirupan di Bumi. Najan kitu, panjang gelombang éta ogé penting pikeun ngahasilkeun vitamin D, nu penting pisan pikeun kaséhatan manusa. Ukuran baku pikeun kandungan ozon dina atmospir ngagunakeun unit Dobson. Ozon nu dipaké di industri diukur dina ppm jeung persén massa atawa beurat.

Papanggihan ozon

Ozon mimiti dikenalkeun ku Christian Friedrich Schönbein taun 1840, diturunkeun tina basa Yunani nu hartina 'bau' (ozein), sabab ozon nu dihasilkeun tina gelap bisa dicirikeun ku bauna [1] Archived 2006-05-09 di Wayback Machine. Bau tina gelap téh asalna tina éléktron nu dibébaskeun nalika aya parobahan kimia, lain ozonna sorangan [2] Archived 2006-06-01 di Wayback Machine. Dina kadar 0,015 ppm, bau ozon bisa kaangseu, sedengkeun mun kadarna 1 ppm mah bauna kawas walirang.

Mangpaat lianna

Ozon sok dipaké di spa atawa solobong panas (batan klorin atawa bromin) pikeun maéhan jaram (baktéri) dina cai. Di nu kitu, ozonna dihasilkeun tina lampu ultrabungur atawa corona discharge chip nu lajeng disuntikkeun kana pipa saluran.

Baca ogé

• déplési ozon, kaasup nu kawentar Liang Ozon.
• lapisan ozon
• ozon Troposfir

Tumbu kaluar

• NASA's Earth Observatory article on Ozone Archived 2008-10-02 di Wayback Machine
• International Day for the Preservation of the Ozone Layer Archived 2006-06-29 di Wayback Machine
• International Chemical Safety Card 0068
• NIOSH Pocket Guide to Chemical Hazards
• National Institute of Environmental Health Sciences Ozone Alerts Archived 2007-08-08 di Wayback Machine
• WHO-Europe reports: Health Aspects of Air Pollution (2003) Archived 2003-05-09 di Wayback Machine (PDF) jeung "Answer to follow-up questions from CAFE (2004) Archived 2004-06-26 di Wayback Machine (PDF)
• Ground-level Ozone Air Pollution

Rujukan

• ^ Ibanez, Jorge G., Rodrigo Mayen-Mondragon, & M. T. Moran-Moran. 2005. Laboratory Experiments on the Electrochemical Remediation of the Environment. Part 7: Microscale Production of Ozone. J. Chem. Ed. 82:1546 Abstract
• Seinfeld, John H.; Pandis, Spyros N. 1998. Atmospheric Chemistry and Physics - From Air Pollution to Climate Change. John Wiley and Sons, Inc. ISBN 0-471-17816-0

Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan.