Airbus

Airbus 380 ni ndege kubwa ya abiria duniani na ilianza kutumiwa na Singapore Airlines

A 330-200 Air Seychelles 2013

Airbus SAS ni kampuni kubwa ya kutengeneza eropleni katika Ulaya na moja ya makampuni makubwa duniani katika fani hii.

Kwa jumla imeajiri watu 50,000 katika nchi mbalimbali na hasa katika viwanda vyake huko Ufaransa, Ujerumani, Uingereza na Hispania.

Tangu mwaka 2001 Airbus imekuwa kampuni inayotengeneza ndege za kusafirisha abiria nyingi duniani. Ni hasa aina mbalimbali kama vile Airbus A300, Airbus A310 au Airbus A320. Tangu mwaka 2007 Airbus A380 ni ndege kubwa kabisa ya kubeba abiria duniani.

Historia

Kampuni ya Airbus ni tokeo la harakati la kuunganisha makampuni madogo zaidi katika Ulaya kwa shabaha ya kuweza kushindana na makampuni makubwa ya kutengeneza ndege ya Marekani kama vile Boeing na McDonnell Douglas.

Chanzo cha Airbus kilikuwa maungano ya makampuni ya Kijerumani kwa upande mmoja na shirikisho la makampuni ya Kifaransa. Makampuni mengine kutoka Hispania na Uingereza yalijiunga nao na mwanzoni serikali za nchi hizi zilishika asilimia kubwa ya hisa isipokuwa Ujerumani ambako kampuni la Daimler ilishika hisa za taifa hili. Hadi mwaka 2001 Wajerumani na Wafaransa walishika kila asilimia 37.9 za hisa zote, Waingereza asiilimia 20 na Wahispania 4.2.

Baadaye washiriki wote waliungana kwa kuunda kampuni la EADS (European Aeronautic Defence and Space Company) ambayo sasa ni kampuni mama ya Airbus.

Airbus 320 ni modeli iliyotengenezwa mara nyingi na kampuni hii kuna ndege 2700 za aina hii zinazofanya kazi

Aina za ndege

Modeli za kiraia za Airbus

Aina za ndege za Airbus (kufuatana na takwimu za kampuni yenyewe)

Ndege	Tabia	Abiria kwa kawaida	Idadi juu ya abiria	Imeruka mara ya kwanza	Mwisho wa utengenezaji
A300	injini 2, safu 3 za viti	228–254	361	1972-10-28	2007-03-27 (jumla ndege 561)
A310	injini 2, safu 3 za viti, badiliko la A300	187	279	1982-04-03	2007-03-27 (jumla ndege 255)
A318	injini 2, safu 2 za viti, ilifupishwa 6.17 m kutoka A320	107	117	2002-01-15
A319	injini 2, safu 2 za viti, ilifupishwa 3.77 m kutoka A320	124	156	1995-08-25
A320	injini 2, safu 2 za viti	150	180	1987-02-22
A321	injini 2, safu 2 za viti, ilirefushwa 6.94 m kutoka A320	185	220	1993-03-11
A330	injini 2, safu 3 za viti	253–295	406–440	1992-11-02
A340	injini 4, safu 3 za viti	239–380	420–440	1991-10-25	2008-09 (A340-200) 2011-11-10 (modeli zote jumla ndege 375)
A350	injini 2, safu 3 za viti	270–350	550	2014 (imepangwa)
A380	injini 4, ghorofa 2, safu 3 za viti	555	853	2005-04-27

Airbus 400 ni ndege ya usafiri wa kijeshi yenye maagizo 200 kwa nchi mbalimbali

Modeli za kijeshi

Airbus inatengeneza pia modeli mbalimbali za ndege za usafiri wa kijeshi. Sehemu ya hizi zinafanana na modeli za kiraia zilizibadilishwa kwa mahitaji ya kijeshi lanini nyingine zimetengenezwa hasa kwa makusudi ya kijeshi. Airbus haijengi ndege za kutuopa mabomu au ya kushambulia ndege nyingine.