கங்கிரினைட்டு

கங்கிரினைட்டு Cancrinite
கங்கிரினைட்டு
பொதுவானாவை
வகை	ஃபெல்சுபதாய்டல்
வேதி வாய்பாடு	Na6Ca2[(CO3)2|Al6Si6O24]·2H2O
இனங்காணல்
நிறம்	சாம்பல்-பச்சை, வெண்மை, மஞ்சள், நீலம், ஆரஞ்சு, சிவப்பு
படிக இயல்பு	அரிய பட்டக படிகங்கள்
படிக அமைப்பு	அறுகோணம்
இரட்டைப் படிகமுறல்	அரிதானது
பிளப்பு	ஒழுங்கான பிளவு {1010}, குறை பிளவு {0001}
முறிவு	ஒழுங்கற்ற/சமமற்ற
விகுவுத் தன்மை	நொறுங்கும்
மோவின் அளவுகோல் வலிமை	5-6
மிளிர்வு	முத்துப் போன்ற மிளிர்வு
கீற்றுவண்ணம்	வெண்மை
ஒளிஊடுருவும் தன்மை	ஒளி புகும்,ஒளிகசியும்
ஒப்படர்த்தி	2.42 - 2.51
ஒளியியல் பண்புகள்	ஓரச்சு எதிரொளி சுழற்றி
ஒளிவிலகல் எண்	nω = 1.507 - 1.528 nε = 1.495 - 1.503
இரட்டை ஒளிவிலகல்	δ = 0.012 - 0.025
மேற்கோள்கள்

கங்கிரினைட்டு (Cancrinite) என்பது Na6Ca2[(CO3)2|Al6Si6O24]•2H2O என்ற வேதியியல் வாய்பாடு கொண்ட ஃபெல்சுபதாய்டல் தொகுதியைச் சேர்ந்த ஒரு கனிமம் ஆகும். சிலிக்காவின் அளவு குறைந்த கார ஃபெல்சுபாரே, ஃபெல்சுபாதாய்டல் தொகுதியாகும். கூட்டு கார்பனேட்டு , சோடியம் சிலிக்கேட்டு மற்றும் அலுமினியம் ஆகியவை இக்கனிமத்தின் உட்கூறுகள் ஆகும். மஞ்சள் கலந்த பழுப்பு நிறமாகவும், சிவப்பு, பச்சை, வெண்மை மற்றும் நிறமற்றவையாகவும் கங்கிரினைட்டு கனிமம் காணப்படுகிறது. இக்கனிமத்தின் பிளவுகள் முத்துப் போன்ற மிளிர்வைக் கொண்டுள்ளன. குறை சங்கு முறிவு கொண்ட , எளிதில் உருகும் தன்மையுடைய இக்கனிமத்தின் கடினத் தன்மை 5-6 மற்றும் ஒப்படர்த்தி 2.45 ஆகும். சிலிக்கேட்டு வகை கனிமங்களுடன் இது இயல்புக்கு மாறாகச் செயல்படுகிறது. ஐதரோ குளோரிக் அமிலத்தில் கரைந்து பசை போன்ற ஊன் சிவப்பு வீழ்படிவைக் கொடுக்கிறது.

அறுகோண அமைப்புடனும், அரிதான படிகங்களின் படிக அமைப்பும், ஒழுங்கான படிகப் பிளவுடனும் இதன் அமைப்பு காணப்படுகிறது.

பன்னாட்டு கனிமவியல் சங்கம் கங்கிரினைட்டு கனிமத்தை Ccn என்ற குறியீட்டால் அடையாளப்படுத்துகிறது.