అనుపమ చోప్రా

వికీపీడియా నుండి
Jump to navigation Jump to search
అనుపమ చోప్రా
అనుపమ చోప్రా (2017)
జననంఅనుపమ చంద్ర
1967, ఫిబ్రవరి 23
(వయస్సు 56)
కలకత్తా, పశ్చిమ బెంగాల్, భారతదేశం
విద్యసెయింట్. జేవియర్స్ కాలేజ్, ముంబై, మెడిల్ స్కూల్ ఆఫ్ జర్నలిజం (నార్త్ వెస్ట్రన్ యూనివర్సిటీ)
వృత్తి
  • రచయిత్రి
  • జర్నలిస్టు
  • సినీ విమర్శకురాలు
భార్య / భర్తవిధు వినోద్ చోప్రా (వి. 1990)
పిల్లలు2 పిల్లలు (జుని చోప్రా, అగ్ని చోప్రా)
బంధువులువిక్రమ్ చంద్ర (సోదరుడు)
తనూజ చంద్ర (సోదరి)
రామానంద్ సాగర్ (బావమరిది)
తల్లికామ్నా చంద్ర

అనుపమ చోప్రా భారతీయ రచయిత్రి, పాత్రికేయురాలు, సినీ విమర్శకురాలు, ఎంఏఎంఐ ముంబై ఫిల్మ్ ఫెస్టివల్ దర్శకురాలు.[1] డిజిటల్ ప్లాట్‌ఫారమ్ ఫిల్మ్ కంపానియన్ వ్యవస్థాపకురాలు, ఎడిటర్ కూడా. అనుపమ భారతీయ సినిమాపై అనేక పుస్తకాలు రాసింది. ఎన్డీటీవి, ఇండియా టుడే,[2]హిందుస్థాన్ టైమ్స్‌ పత్రికలకు సినీ విమర్శకురాలిగా ఉన్నది. స్టార్ వరల్డ్‌లో వారానికోసారి ఫిలిం రివ్యూ షో ది ఫ్రంట్ రో విత్ అనుపమ చోప్రాను కూడా హోస్ట్ చేసింది.[3] తన మొదటి పుస్తకం షోలే: ది మేకింగ్ ఆఫ్ ఎ క్లాసిక్ కోసం సినిమాపై ఉత్తమ పుస్తకంగా 2000 జాతీయ చలనచిత్ర అవార్డును గెలుచుకుంది. ప్రస్తుతం సినిమాలపై విమర్శన వ్యాసాలు రాస్తూ, ఫిల్మ్ కంపానియన్ కోసం సెలబ్రిటీలను ఇంటర్వ్యూ చేస్తుంది. ముంబై అకాడమీ ఆఫ్ ది మూవింగ్ ఇమేజ్‌కి ఫెస్టివల్ డైరెక్టర్ గా కూడా ఉన్నది.[4]

తొలి జీవితం

[మార్చు]

కలకత్తాలో చంద్ర పర్షద్ కుటుంబంలో అనుపమ జన్మించింది. ఉత్తరప్రదేశ్‌లోని బడాయున్‌లో కూడా నివసించింది. ఈమె తండ్రి నవీన్ చంద్ర పూర్వీకులు ఢిల్లీకి చెందినవారు. ఈమె తాత కోల్‌కతాలోని యూనియన్ కార్బైడ్‌లో ఎగ్జిక్యూటివ్‌గా ఉన్నాడు. తల్లి కామ్నా చంద్ర, ప్రేమ్ రోగ్ (1982), చాందిని (1989) వంటి చిత్రాలకు సంభాషణలు రాసింది. చోప్రా ముంబైలో తన సోదరుడు, సోదరితో కలిసి పెరిగింది. అక్కడ ఈమె కుటుంబం నేపియన్ సీ రోడ్‌లో, తరువాత కఫ్ పరేడ్‌లో నివసించింది. ఈమె సోదరి తనూజా చంద్ర, సినిమా దర్శకురాలు, స్క్రీన్ రైటర్. ఈమె సోదరుడు విక్రమ్ చంద్ర, నవలా రచయిత. ఈమె యుక్తవయస్సులో చాలా సంవత్సరాలు హాంకాంగ్‌లో కూడా నివసించింది. 1987లో ముంబైలోని సెయింట్ జేవియర్స్ కళాశాల నుండి ఆంగ్ల సాహిత్యంలో బిఏ పట్టభద్రురాలైంది.

తరువాత చోప్రా నార్త్ వెస్ట్రన్ యూనివర్సిటీ మెడిల్ స్కూల్ ఆఫ్ జర్నలిజం నుండి జర్నలిజంలో ఎంఏ సంపాదించింది. మెడిల్‌లో ఉన్నప్పుడు "అకడమిక్ ఎక్సలెన్స్, మ్యాగజైన్ జర్నలిజం రంగంలో విజయం కోసం వాగ్దానం" కోసం హారింగ్‌టన్ అవార్డును గెలుచుకుంది.

కెరీర్

[మార్చు]

తన విద్యాభ్యాసం తర్వాత, చోప్రా ఫిల్మ్ జర్నలిస్టుగానూ, విమర్శకురాలిగానూ తన వృత్తిని ప్రారంభించింది. సంవత్సరాలుగా అనేక చిత్రాల పుస్తకాలు, ముఖ్యంగా హిందీ సినిమాలను రాసింది. 1993 నుండి హిందీ చలనచిత్ర పరిశ్రమ గురించి రాసింది. ప్రింట్, టెలివిజన్, డిజిటల్ అనే అనేక మాధ్యమాలలో సినిమాల గురించి రాసింది. మొదటి పుస్తకం షోలే: ది మేకింగ్ ఆఫ్ ఎ క్లాసిక్ (2000) 2001లో సినిమాపై ఉత్తమ పుస్తకంగా జాతీయ చలనచిత్ర అవార్డును గెలుచుకుంది.[5] దిల్‌వాలే దుల్హనియా లే జాయేంగే (ది బ్రేవ్‌హార్టెడ్ విల్ టేక్ ది బ్రైడ్) (2002)ని బ్రిటిష్ ఫిల్మ్ ఇన్‌స్టిట్యూట్ వారి మోడరన్ క్లాసిక్స్ సిరీస్‌లో భాగంగా ప్రచురించింది. కింగ్ ఆఫ్ బాలీవుడ్: షారుఖ్ ఖాన్ అండ్ ది సెడక్టివ్ వరల్డ్ ఆఫ్ ఇండియన్ సినిమా, న్యూయార్క్ టైమ్స్ బుక్ రివ్యూ యొక్క వార్షిక "ఎడిటర్స్ ఛాయిస్" జాబితాలో ప్రదర్శించబడింది. ఇది జర్మన్, ఇండోనేషియన్, పోలిష్ భాషలలోకి కూడా అనువదించబడింది.

చోప్రా రెండు దశాబ్దాలుగా హిందీ సినిమాపై రాసిన వ్యాసాలతో 2011లో పెంగ్విన్ ఇండియాఫస్ట్ డే ఫస్ట్ షో: రైటింగ్స్ ఫ్రమ్ ది బాలీవుడ్ ట్రెంచ్స్ అనే పుస్తకాన్ని ప్రచురించింది.[6]

చోప్రా రచనలు అతిపెద్ద ఆంగ్ల-భాషా పత్రిక ఇండియా టుడేలో ప్రచురించబడ్డాయి. ఆమె ది న్యూయార్క్ టైమ్స్, లాస్ ఏంజిల్స్ టైమ్స్, వెరైటీ, సైట్; సౌండ్ వంటి అనేక అంతర్జాతీయ ప్రచురణల కోసం హిందీ చిత్రాల గురించి కూడా రాసింది. ప్రస్తుతం వోగ్ ఇండియాకు సంపాదకురాలిగా ఉన్నది.

2012లో తన పుస్తక ఆవిష్కరణలో చోప్రా

ఎన్డీటీవీ 24X7 న్యూస్ ఛానెల్‌లో పిక్చర్ దిస్ అనే ఫిల్మ్ రివ్యూ షోను చోప్రా హోస్ట్ చేసింది.[7] 2012లో, స్టార్ వరల్డ్‌లో అనుపమ చోప్రాతో కలిసి ది ఫ్రంట్ రో అనే తన వారపు సమీక్ష కార్యక్రమాన్ని ప్రారంభించింది, ఇది జూన్ 2014 వరకు కొనసాగింది.[7][8][9] 2013లో, టీవీ షోలో ఫిల్మ్ మేకర్స్, నటీనటులతో ఇంటర్వ్యూల ఆధారంగా ఫ్రీజ్ ఫ్రేమ్ అనే రెండు పుస్తకాలను విడుదల చేసింది.[10] వారపు సినిమా కాలమ్‌ల ఆధారంగా 100 ఫిల్మ్స్ టు సీ బిఫోర్ యు డై పుస్తకం రాసింది.[11] 2014లో స్టార్ ప్లస్‌లో 'స్టార్ వెర్డిక్ట్' అనే హిందీ షో కూడా చేసింది. ప్రస్తుతం యూట్యూబ్‌లో ఫిల్మ్ కంపానియన్‌ను హోస్ట్ చేస్తోంది, ఇది "ది ఫ్రంట్ రో విత్ అనుపమ చోప్రా" స్థానంలో హిందీ చలనచిత్రాలపై విశ్లేషణ చేస్తోంది.[12] సినిమాపై అనేక పుస్తకాలు రాసింది. అనుపమ తాజా పుస్తకం, భారతీయ చలనచిత్ర, హాలీవుడ్ ప్రముఖులతో టెలివిజన్ చేసిన ఇంటర్వ్యూల సమాహారంతో హార్పర్‌కాలిన్స్ ప్రచురణలో ది ఫ్రంట్ రో: సినిమాపై సంభాషణలు అనే పుస్తకం వచ్చింది. భారతదేశంలో జరిగే ఫిల్మ్ ఫెస్టివల్స్‌కు సంబంధించిన పనులలో కూడా చురుకుగా పాల్గొంటుంది.

2014 నవంబరులో, ముంబై అకాడమీ ఆఫ్ మూవింగ్ ఇమేజ్ నిర్వహించిన ముంబై ఫిల్మ్ ఫెస్టివల్ చైర్‌పర్సన్‌గా చోప్రా శ్యామ్ బెనెగల్ స్థానంలో ఉన్నారు.[13][14]

సినిమా కంపానియన్

[మార్చు]

2014 జూలైలో, చోప్రా ఎంటర్‌టైన్‌మెంట్ జర్నలిజం కోసం పాన్-ఇండియా వేదికగా ఫిల్మ్ కంపానియన్ వెబ్‌సైట్‌ను స్థాపించింది. ప్రస్తుతం ప్లాట్‌ఫారమ్ సినిమా, టెలివిజన్, వెబ్ సిరీస్‌ల చుట్టూ సమీక్షలు, ఇంటర్వ్యూలు, ఫీచర్లు, మాస్టర్‌క్లాస్‌లను కలిగి ఉంది. చోప్రా, రాహుల్ దేశాయ్, సుచరిత త్యాగి, ప్రతాయుష్ పరశురామన్ దీనికి కంటెంట్ రాస్తారు.[15][16][17][18] బరద్వాజ్ రంగన్ కూడా 2022, మార్చి 15కి ముందు చాలా సంవత్సరాలు రాశాడు.[19]

అవార్డులు

[మార్చు]

జాతీయ ఉత్తమ సినిమా పుస్తకం అవార్డు

  • 2000: ది మేకింగ్ ఆఫ్ ఎ క్లాసిక్[5]

వ్యక్తిగత జీవితం

[మార్చు]

చోప్రా హిందీ సినిమా నిర్మాత, దర్శకుడు విధు వినోద్ చోప్రాతో అనుపమ వివాహం జరిగింది.[20] వీరి కుమార్తె జుని చోప్రా రచయిత్రి కాగా,[21] కుమారుడు అగ్ని దేవ్ చోప్రా ఔత్సాహిక క్రికెటర్ గా ఉన్నాడు.[22]

మూలాలు

[మార్చు]
  1. ↑ "Mumbai Academy of Moving Image - Site". mumbaifilmfestival.com.
  2. ↑ Anupama Chopra, Consulting Editor, Films, NDTV Archived 3 మే 2010 at the Wayback Machine NDTV website.
  3. ↑ Chopra, Anupama (2 March 2012). "Anupama Chopra's review: Paan Singh Tomar". Hindustan Times. Archived from the original on 3 March 2012. Retrieved 6 March 2012. Starting today, Anupama Chopra becomes Hindustan Times' film critic.
  4. ↑ "Mumbai Academy of Moving Image - Trustees Site". www.mumbaifilmfestival.com.
  5. ↑ 5.0 5.1 "48th National Film Awards" (PDF). Directorate of Film Festivals.
  6. ↑ Results for 'au:Anupama Chopra' books WorldCat.org.
  7. ↑ 7.0 7.1 Rajyasree Sen (30 April 2012). "The Front Row with Anupama Chopra is the reel thing". Firstpost. Retrieved 27 July 2014.
  8. ↑ "The Front Row with Anupama Chopra". STAR World. Archived from the original on 14 March 2014. Retrieved 27 July 2014.
  9. ↑ "The Front Row with Anupama Chopra". STAR Tv India. Archived from the original on 27 July 2014. Retrieved 27 July 2014.
  10. ↑ "A look at what's on celebs' minds". 26 January 2014. Retrieved 27 July 2014.
  11. ↑ ""I am not a film snob" – Anupama Chopra". August 2013. Archived from the original on 10 August 2014. Retrieved 27 July 2014.
  12. ↑ "Film Companion in Anupama (Land)". Book My Show. August 2014. Retrieved 1 January 2016.
  13. ↑ "MAMI has a new chairperson". The Times of India. Retrieved 19 December 2016.
  14. ↑ "Anupama Chopra on Balancing Life as a Critic and Festival Director". The Quint. Retrieved 19 December 2016.
  15. ↑ "Film Companion brings together experts and enters the education industry". Indian Television Dot Com (in ఇంగ్లీష్). 18 June 2020. Retrieved 23 November 2020.
  16. ↑ Maneck, Ankita (5 October 2016). "Jio Mami Mumbai Film Festival: Anupama Chopra on what to expect from its 18th edition". Firstpost. Archived from the original on 28 August 2020. Retrieved 7 November 2021.
  17. ↑ "Jio MAMI 19th Mumbai Film Festival with Star". Koimoi. 14 April 2017. Archived from the original on 19 July 2017. Retrieved 20 July 2017.
  18. ↑ "MAMI With PVR Cinemas Hosted FELICITE's Premiere". Koimoi. 27 April 2017. Archived from the original on 16 May 2017. Retrieved 20 July 2017.
  19. ↑ Baradwaj Rangan [@baradwajrangan] (15 March 2022). "Goodbye, @fcompanionsouth !" (Tweet). Retrieved 18 March 2022 – via Twitter.
  20. ↑ "Sleeping with the Enemy". OPEN. 8 May 2010. Retrieved 27 July 2014.
  21. ↑ Krithika, R. (2017-02-06). "Fifteen-year-old Zuni Chopra talks about her debut novel, The House That Talks". The Hindu (in Indian English). ISSN 0971-751X. Retrieved 2024-01-20.
  22. ↑ "Agni Chopra, Son Of '12th Fail' Director, Slams 258 Runs On Ranji Trophy Debut". English Jagran (in ఇంగ్లీష్). 2024-01-10. Retrieved 2024-01-20.

బాహ్య లింకులు

[మార్చు]
"https://te.wikipedia.org/w/index.php?title=అనుపమ_చోప్రా&oldid=4201080" నుండి వెలికితీశారు