Waya lmawa quyux
Waya lmawa quyux（求雨祭）
[smmalu patas | ida npatas sspgan ka smmalu patas]
Niqan waya lmawa quyux ka Seediq ta cbiyaw, “muda waya mplawa quyux do, enduwa bay qmuyux da” uka ta sow sediq plawa quyux dmi, ana niqan ltlutuc dha wa, ini duwi waya rdrudan dha da, kiya ka, nii ta ini klai mi chngiyun ta ka waya da.
Cuhan, nasi bsiyaq ini quyux mi mdngu karac do, mdngu mhuqil kana ka pnhmaan da, mlih kana ka qsiya yayung da, musa mita sediq mplawa quyux ka qbsuran alang dha rdrudan alang, ppoda waya mplawa quyux. Kiya umau kingal diyax do, kiya han dmurun qbsuran alang kana ka sediq alang ssaun dha poda lmawa quyux.
Diyax cida, madas dha rodux ka qbsuran alang, biqun na sediq mplawa quyux, snul kana ka qbsuran alang, rudan alang mi tnsapah sediq mplawa quyux, musa yayung mita pswaya lmawa quyux. Mhdu do, ini dhuq alang ka sediq mnosa mita pswaya na sa o, kiya miyah qmuyux paru dsa ka kari dha.
Babaw qmnuyux da o, miyah pkan dsediq alang ka sediq mplawa quyux ka da, encung sow ini palix qmuyux duma da.