Ложбан
| |
| Аслаз нимыз | la lojban. яке lo jbobau |
| Кылдытӥсь | Logical Language Group |
| Дата | 1987 |
| Алфавитэз | Латиница но мукетъёсыз |
| Кыллэн кодэз | |
| ISO 639-1 | — |
| ISO 639-2 | jbo |
| ISO 639-3 | jbo |
Ложбан (ложб. la lojban. пӧрмемын logji bangu — «логической кыл» кылъёслэсь) — лэсьтэм кыл. Со Логланлэсь выжызэ уте.
Логической Кыл Огазеяськон (англ. The Logical Language Group, ложб. la lojbangirz.) Ложбанэз лэсьтон бордын ужзэ мытӥз 1987-тӥ аре. ЛКО утчаз Логлан проектлэсь мугъёссэ зэматыны, кылэз умоятонэз азьланьтыны.
Ложбан пӧртэм кылъёсын вераськись адямиос куспын но компьютерен герӟаськонлы ӵектэмын. Со понна кыл тодмо верантодосэн, куараослэн сӧзнэтэн, капчи катэсъёсын кылдытэмын вал.[1]
Алфавитэз
[Тупатыны | бамлэсь кодзэ тупатоно]| ' | , | . | a | b | c | d | e | f | g |
| i | j | k | l | m | n | o | p | r | s |
| t | u | v | x | y | z |
Ложбанлэн куарапуслыкез гожтонэзлэн но чузъянэзлэн огкадь луэмзы понна лэсьтэмын вал. Соин ик стандарт орфографиысьтыз ваньмыз куарапусъёс висъямон куара чурен герӟаськемын. Пунктуаци пусъёсыз ӧвӧл, соослэн пуштроссы cmavo кылъёслэн вань. Бадӟым пусъёс юнверанэз возьмато. Сотэк берпуметӥ ёз азьын огез юн чузъяське.[2]
Кылрадъянэз
[Тупатыны | бамлэсь кодзэ тупатоно]Ложбанлэн куинь вераськон люкетэз вань:
- brivla — предикат кылъёс. Соос макенимъёсты, каронкылъёсты, тодмоскылъёсты огазеяло.
- cmavo — служебной кылъёс. Кылсярысь, xu — зэмлык юан кыл, .i — веран висъян кыл, .ui шумпотон возьматэ но о. а.
- cmevla — аснимъёс.
Валэктонъёс
[Тупатыны | бамлэсь кодзэ тупатоно]Чӧлсконъёс
[Тупатыны | бамлэсь кодзэ тупатоно]
