ضلع ایبٹ آباد

District Abbottabad
ضلع ایبٹ آباد
سرکاری نام
صوبہ خیبر پختونخوا میں ضلع ایبٹ آباد کا محل وقوع
ملک	پاکستان
صوبہ	خیبر پختونخوا
مرکزی شہر	ایبٹ آباد
تشکیل	1853 (1853)
انتظامی تقسیم	۴ ایبٹ آباد تحصیل حویلیاں تحصیل لورہ تحصیل زیریں تناول تحصیل
حکومت
• قسم	قصبہ بلدیاتی تنظیم
• قائم مقام منتظم (ڈپٹی کمشنر)	خالد اقبال
• انتخابی حلقے	این اے-16 (ایبٹ آباد-1) این اے-17 (ایبٹ آباد-2)
رقبہ
• کل	1,967 کلومیٹر2 (759 میل مربع)
بلندی	1,363 میل (4,472 فٹ)
بلند ترین  پیمائش	2,924 میل (9,593 فٹ)
پست ترین  پیمائش	554 میل (1,818 فٹ)
آبادی (مردم شماری پاکستان ۲۰۲۳ء)
• کل	1,397,587
نام آبادی	ہزارے وال
منطقۂ وقت	پاکستان کا معیاری وقت (UTC+05:00)
• گرما (گرمائی وقت)	مشاہدہ نہیں کیا جاتا (UTC)
رمزیہ ڈاک	22020
ٹیلی فون کوڈ	0992
آیزو 3166 رمز	PK-KP

ضلع ایبٹ آباد پاکستان کے صوبہ خیبر پختونخوا کا ایک ضلع ہے جو 1853ء میں قائم ہوا۔ مردم شماری پاکستان ۲۰۲۳ء کے مطابق ضلع ایبٹ آباد کی آبادی 1,397,587 افراد پر مشتمل ہے۔

علم آبادیات

زبانیں

ضلع ایبٹ آباد کی زبانیں (مردم شماری پاکستان ۲۰۲۳ء کے مطابق)

  ہندکو (87.43%)

  پشتو (5.84%)

  اردو (3.05%)

  کوہستانی (0.84%)

  پنجابی (0.74%)

  دیگر (2.07%)

مردم شماری پاکستان ۲۰۲۳ء کے مطابق ضلع ایبٹ آباد کی آبادی تیرہ لاکھ ستانوے ہزار 1,397,587 افراد پر مشتمل ہے جن میں سے بارہ لاکھ اکیس ہزار 1,221,957 افراد ہندکو زبان بولتے ہیں۔ دوسری زبان پشتو بولنے والے افراد اکیاسی ہزار 81,731 ہیں، اسکے علاوہ اردو 42,734، کوہستانی 11,744، پنجابی 10,401، شینا 1,971، سرائیکی 1,722، کشمیری 1,080، سندھی 730، براہوی 521، بلوچی 269، بلتی 160، میواتی 14، کلاشہ 8، اور 22,545 افراد دیگر زبانیں بولتے ہیں۔

تعلیمی ادارے

ایبٹ آباد میں کئی مشہور اسکول اور تعلیمی ادارے ہیں۔ برطانوی دور حکومت میں قائم شدہ آرمی برن ہال کالج اور پاکستان ملٹری اکیڈمی کاکول ان میں اہم تعلیمی ادارے ہیں جو فوجی اور سول تعلیم کے لیے پاکستان میں شہرت رکھتے ہیں۔ پاكستان كے شہر كراچی كو جس طرح روشنيون كا شہر كہا جاتا ہے اسي طرح ايبٹ آباد كو بھی سكولون كا شہر كہا جاتاہے۔ تعليمي سرگرميون مين ہميشہ پيش پيش رہا۔ صوبہ خیبر پختونخوا كے ہر علاقے سے ہر سال سيكڑون بچے پڑھنے آتے ہیں۔

سیر و تفریح

ایبٹ آباد اپنے پرفضا مقامات کی وجہ سے پورے پاکستان میں مشہور ہے۔ مشہور قراقرم ہائی وے ایبٹ آباد ضلع کے مقام ہری پور سے شروع ہوتی ہے۔ سر سبز مقامات سے گھرے ہونے کی وجہ سے گرمیوں میں بھی موسم خوشگوار ہوتا ہے۔ ہنزہ، گلگت، سکردو جانے کے لیے ایبٹ آباد ایک جنکشن کا کام دیتا ہے۔ اہم تفریحی مقامات میں ایوبیہ شامل ہے۔ یہ علاقہ چار چھوٹی پہاڑیوں پر مشتمل ہے اور سابق صدر پاکستان جناب ایوب خان کے نام پر اس علاقے کانام ایوبیہ رکھا گیا۔ یہ علاقہ 26 کلومیٹر پر مشتمل ہے اور علاقے کی سیت کے لیے چیر لفٹ ہے جس سے علاقے کا نظارہ کیاجا سکتا ہے۔ ڈھنڈیانی، جس کا مطلب مقامی زبان میں سرد ہے ایک اہم تفریحی مقام ہے۔ پائن درختوں کے جھنڈ میں یہ ایک سطح مرتفع پر مشتمل پرفضا مقام ہے۔ سطح سمندر سے اس کی بلندی 2700 میٹر ہے۔ ایبٹ آباد شہر سے اس کی دوری 31 کلومیٹر ہے اور ایبٹ آباد سے آسانی کے ساتھ وہاں پہنچا جا سکتا ہے۔ شام کے وقت ایبٹ آباد شہر کی روشنیاں وہاں سے صاف دکھائی دیتی ہیں۔ مشرق کی طرف دریائے کنہار کے پرے کشمیر کی برفیلی پہاڑیاں نظر آتی ہیں۔ ايبٹ آباد شہر كے علاوہ اس كے گاؤن بھی صاف اور پرفضاء ہيں .ايبٹ آباد كے مشہور گاؤں ميں مالسہ جو ایک وادی نما خطہ ہے بہت خوبصورت ہے۔ ايك ستوڑہ گاؤں ہے ستوڑہ میں زیادہ تر کڑلال آباد ہیں۔ ایک گاؤں کنتھیالی ہے جو ایبٹ آباد سے تقریبًا 25 کلومیٹر کے فاصلے پر ہے اور یہاں ننانوے پرسنٹ لوگ قریشی ہیں۔ میرانجانی]] ضلع کا سب سے اونچا مقام ہے-

مشاہیر

• عبد الرؤف ہزاروی
• اخوانزادہ قاضی عصمت اللہ ہزاروی
• اخوانزادہ قاضی عبد الرحمن ہزاروی
• نسیم حسن اعوان

تحصیلیں

• تحصیل ایبٹ آباد
• تحصیل حویلیاں
• تحصیل شیروان

مزید دیکھیے

• رچھ بہن