نوبل انعام یافتگان برائے کیمیا کی فہرست

کیمیا میں نوبل انعام رائل سویڈش اکیڈمی آف سائنسز کی جانب سے کیمیا کے مختلف شعبوں میں سائنس دانوں کو ان کی نمایاں خدمات کے لیے دیا جانے والا ایک سالانہ ایوارڈ ہے۔ یہ ان پانچ انعامات میں سے ایک ہے جو الفریڈ نوبل کی وفات سے ایک سال قبل 1895ء میں^[1] ان کی وصیت کے مطابق نوبل فاؤنڈیشن کے زیر انتظام اور رائل سویڈش اکیڈمی آف سائنسز کی طرف سے منتخب کردہ پانچ اراکین کی کمیٹی کے ذریعے دیا جاتا ہے۔ ^[2] اسے 10 دسمبر جو اس ایوارڈ کے بانی الفریڈ نوبل کی برسی ہے، کو سویڈن کے دار الحکومت اسٹاک ہوم میں ہر سال منعقد ہونے والی ایک تقریب میں اس کے نامزد کردہ افراد کے حوالے کیا جاتا ہے۔ یہ ایوارڈ سونے کے تمغے پر مشتمل ہوتا ہے جس میں نوبل کی تصویر، ایک نوبل ڈپلوما سرٹیفکیٹ اور مالی انعام جس کی رقم ہر سال نوبل فاؤنڈیشن کی طرف سے طے کی جاتی ہے۔ ہر سال رائل سویڈش اکیڈمی آف سائنس، سویڈیش اکیڈمی، کارولینسکا انسٹی ٹیوٹ اور نارویجین نوبل کمیٹی نوبل انعام حاصل کرنے والوں کا اعلان کرتی ہے۔ یہ انعام ایسے اداروں یا شخصیات کو دیا جاتا ہے جنھوں نے کیمیا، طبیعیات، ادب، امن، حیاتی فعلیات یا طب کے میدان میں نمایاں ترین کام انجام دیا ہو۔^[3]

نامیاتی کیمیا نے کم از کم 25 ایوارڈز حاصل کیے ہیں، جو کسی بھی دوسرے کیمیائی شعبے سے زیادہ ہیں۔^[4] کیمسٹری میں دو نوبل انعام یافتہ جرمن رچرڈ کوہن ( 1938ء ) اور ایڈولف بوٹیننٹ (1939ء) کو ان کی حکومت نے ایوارڈ قبول کرنے کی اجازت نہیں دی تھی۔ انھوں نے میڈل اور ڈپلوما حاصل کیا، لیکن رقم سے محروم رہے۔ فریڈرک سنگر 1958ء اور 1980ء میں اسی مضمون میں تین ڈبل نوبل انعام یافتہ افراد میں سے ایک ہیں۔ جان باردین نے 1956ء اور 1972ء میں نوبل انعام برائے طبیعیات بھی جیتا تھا۔ بیری شارپلس نے 2001ء اور 2022ء کے لیے کیمسٹری میں نوبل انعام جیتا۔ دوسرے دو نے دو بار نوبل انعام جیتا، ایک کیمیا میں اور ایک دوسرے مضمون میں جن میں میری کیوری نے ( 1903ء میں فزکس اور 1911ء میں کیمسٹری) اور لینس پالنگ نے ( 1954ء میں کیمسٹری اور 1962ء میں امن) کا انعام جیتا۔ ^[5] 2018ء تک یہ انعام 180 افراد کو دیا گیا ہے، جن میں سات خواتین شامل ہیں جن میں میری کیوری ( 1911ء )، آئرین جولیوٹ کیوری ( 1935ء )، ڈوروتھی ہودگکنگ ( 1964ء )، عادا یونات ( 2009ء )، فرانسس آرنلڈ ( 2018ء، ایمانویل شارپونٹیے اور جینیفر ڈانا ( 2020ء ) شامل ہیں۔ ^[6]^[7] کیمسٹری کا نوبل انعام آٹھ سال تک نہیں دیا گیا۔