ڈیاگو میراڈونا
| ڈیاگو میراڈونا | |
|---|---|
| (ہسپانوی میں: Diego Armando Maradona) | |
 |
|
| معلومات شخصیت | |
| پیدائشی نام | (ہسپانوی میں: Diego Armando Maradona) |
| پیدائش | 30 اکتوبر 1960ء [1][2][3][4] |
| وفات | 25 نومبر 2020ء (60 سال)[5] |
| وجہ وفات | بندش قلب [6] |
| طرز وفات | طبعی موت [6] |
| شہریت |  ارجنٹائن |
| قد | 165 سنٹی میٹر [7] |
| وزن | 70 کلو گرام [7] |
| استعمال ہاتھ | بایاں |
| عملی زندگی | |
| پیشہ | ایسوسی ایشن فٹ بال کھلاڑی [8]، ایسوسی ایشن فٹ بال منیجر [9]، اداکار |
| پیشہ ورانہ زبان | اطالوی ، ہسپانوی [10] |
| شعبۂ عمل | ایسوسی ایشن فٹ بال [11] |
| کھیل | ایسوسی ایشن فٹ بال |
| کھیل کا ملک | ارجنٹائن |
| الزام و سزا | |
| جرم | شوٹنگ [12] |
| اعزازات | |
ورلڈ کپ گولڈن بال (1986)[13] |
|
| دستخط | |
.svg) |
|
 |
IMDB پر صفحات |
درستی - ترمیم  | |
ڈیاگو ارمانڈو میراڈونا (انگریزی: Diego Armando Maradona) (پیدائش: 30 اکتوبر 1960ء، وفات: 25 نومبر 2020ء) ارجنٹائن سے تعلق رکھنے والے ایک سابق فٹ بال کھلاڑی تھے۔ انھیں فٹ بال کی تاریخ کے عظیم اور متنازع ترین کھلاڑیوں میں شمار کیا جاتا ہے۔
آپ ارجنٹائن کے دار الحکومت بیونس آئرس کے نواحی قصبے ویلا فیوریتو کے ایک غریب گھرانے سے تعلق رکھتے تھے۔ آپ نے اپنے پیشہ ورانہ دور میں بوکا جونیئرز، ایف سی بارسلونا اور ایس ایس سی ناپولی کے لیے مختلف اعزازات حاصل کیے۔ اپنے بین الاقوامی دور میں آپ نے 91 مقابلوں میں شرکت کی اور 34 گول کیے۔ میراڈونا نے 1982ء، 1986ء، 1990ء اور 1994ء کے فٹ بال عالمی کپ مقابلوں میں شرکت کی۔
1986ء کا عالمی کپ
[ترمیم]1986ء میں ارجنٹائن نے آپ کی قیادت میں عالمی کپ میں شرکت کی اور حتمی مقابلے میں مغربی جرمنی کو شکست دے کر عالمی چیمپیئن بنا۔ میراڈونا نے ٹورنامنٹ کے بہترین کھلاڑی کا اعزاز حاصل کیا۔
کوارٹر فائنل میں انگلستان کے دو گول نے آپ کو ایک افسانوی حیثیت دے دی۔ ٹیلی وژن ری پلے نے ثابت کیا کہ آپ نے پہلا گول اپنے ہاتھ سے کیا تھا۔ بعد ازاں آپ نے کہا کہ "تھوڑا سا میراڈونا کا سر اور تھوڑا سا خدا کا ہاتھ"۔ اس طرح یہ گول "خدائی ہاتھ" (Hand of God) کے نام سے دنیا بھر میں مشہور ہوا۔ مقابلے کے بعد آپ نے صحافیوں سے گفتگو کرتے ہوئے کہا کہ
| ” | اگر اس میں ہاتھ شامل بھی تھا، تو وہ ضرور خدا کا ہاتھ تھا۔ | “ |
انگلستان کے خلاف اس یادگار مقابلے میں اس پہلے متنازع گول کے بعد آپ نے جو دوسرا گول بنایا وہ ان کی صلاحیتوں کا عکاس تھا۔ آپ نے میدان کے وسط سے گیند کو لیا اور انگلستان کے پانچ کھلاڑیوں اور گول کیپر کو غچہ دیتے ہوئے گیند کو جال کی راہ دکھائی۔ اسے 2002ء میں فٹ بال کی عالمی تنظیم فیفا کی جانب سے کیے گئے ایک آن لائن پول میں صدی کا بہترین گول قرار دیا گیا۔ اس مقابلے میں ارجنٹائن نے 2-1 سے فتح حاصل کی اور انگلستان کو ٹورنامنٹ سے باہر کر دیا۔ ان دونوں گولوں کو برطانیہ کے چینل 4 ٹیلی وژن کی جانب سے 2002ء میں کھیلوں کے 100 بہترین لمحات میں چھٹا نمبر دیا۔
سیمی فائنل میں بیلجیم کے خلاف آپ نے دو گول داغے اور ٹیم کو حتمی مقابلے میں لے آئے، جہاں مغربی جرمنی نے آپ کی کڑی نگرانی کی لیکن اس کے باوجود آپ کی مدد سے ارجنٹائن فاتحانہ گول کرنے میں کامیاب ہوا اور یوں فتح 3-2 سے ارجنٹائن کے حصے میں آئی۔ آپ کو بہترین کھلاڑی کا گولڈن بال ایوارڈ دیا گیا۔
اوجِ ثریا سے تحت الثریٰ
[ترمیم]1990ء کے عالمی کپ میں ٹخنے کے زخم نے آپ کی کارکردگی کو متاثر کیا اس کے باوجود ارجنٹائن کی ٹیم حتمی مقابلے تک پہنچی جہاں مغربی جرمنی نے ایک متنازع پنالٹی ملنے کے سبب 1-0 سے کامیابی حاصل کی۔ یوں ارجنٹائن اپنے اعزاز کا دفاع کرنے میں کامیاب نہ ہو سکا۔
1991ء میں اٹلی میں کوکین کے لیے ایک ڈوپنگ ٹیسٹ میں ناکام ہونے کے بعد آپ کو 15 ماہ کی پابندی کا سامنا کرنا پڑا جبکہ فیفا عالمی کپ 1994ء کے دوران بھی آپ منشیات کے استعمال کے باعث پابندی کا شکار بنے۔ یوں شدید تنازعات کی لپیٹ میں آنے کے بعد بالآخر آپ نے 30 اکتوبر 1997ء کو فٹ بال سے سبکدوشی کا اعلان کر دیا۔
بعد ازاں آپ صحت کی خرابی اور وزن میں بے پناہ اضافے کے باعث مسائل کا شکار رہے۔ تاہم ایک جراحی کے نتیجے میں وزن میں اضافے پر قابو پا لیا گیا۔ کوکین کے نشے سے چھٹکارہ پانے میں بھی آپ نے کامیابی حاصل کر لی ہے۔
2000ء میں آپ کی سوانح حیات "میں ڈیاگو ہوں" (Yo Soy El Diego) شایع ہوئی جو ارجنٹائن میں فروخت ہونے والی بہترین کتاب بنی۔
صدی کا بہترین کھلاڑی
[ترمیم]فیفا کے "صدی کے بہترین کھلاڑی" کے لیے کرائے گئے پول میں آپ 53.6 فیصد ووٹوں کے ساتھ پہلے نمبر پر رہے۔ برازیل کے اعتراضات کے بعد فیفا نے فٹ بال ماہرین کی ایک کمیٹی مقرر کر دی جس نے پیلے کو صدی کا بہترین کھلاڑی قرار دیا۔ میراڈونا نے اس فیصلے کے خلاف احتجاجاً فیفا کی تقریب میں شرکت نہ کرنے کی دھمکی دی۔ بالآخر فیفا نے دو اعزازات دیے، میراڈونا اپنا انعام لے کر چل دیے اور پیلے کو اعزاز سے نوازنے کا انتظار نہ کیا۔
وفات
[ترمیم]ماراڈونا کو 2 نومبر 2020ء کو نفسیاتی وجوہات کی وجہ سے لا پلاتا کے ایک اسپتال میں داخل کرایا گیا تھا۔ ان کے ایک نمائندے نے کہا کہ ان کی حالت سنگین نہیں ہے۔[14] ایک دن بعد، ماراڈونا نے سبدرل ہیماتوما(subdural hematoma) کے علاج کے لیے دماغی سرجری کرایا۔[15] کامیاب سرجری کے بعد ماراڈونا کو 12 نومبر کو اسپتال سے چھٹتی دی گئی۔[16][17] 25 نومبر 2020ء کو، 60 سال کی عمر میں، ماراڈونا کا انتقال دل کے دورے سے انتقال ہوا، وہ اپنے گھر ٹگرے میں تھے جو ارجنٹائن کے بیونس آئرس میں واقع ہے۔[18]
حوالہ جات
[ترمیم]- ↑ Transfermarkt player ID: https://www.transfermarkt.com/-/profil/spieler/8024 — بنام: Diego Maradona — اخذ شدہ بتاریخ: 9 اکتوبر 2017
- ↑ FBref player ID: https://fbref.com/en/players/a2270ea2/ — بنام: Diego Maradona
- ↑ BDFA player ID: https://bdfa.com.ar/jugador.asp?codigo=1191 — بنام: DIEGO ARMANDO MARADONA
- ↑ Babelio author ID: https://www.babelio.com/auteur/wd/168498 — بنام: Diego Maradona
- ↑ https://autority.snk.sk/cgi-bin/koha/opac-authoritiesdetail.pl?marc=1&authid=200320
- ^ ا ب https://www.rtl.be/info/monde/international/un-media-argentin-annonce-la-mort-de-diego-maradona-1261292.aspx
- ^ ا ب WorldFootball.net person ID: https://www.worldfootball.net/player_summary/diego-maradona/
- ↑ BDFA player ID: https://bdfa.com.ar/jugador.asp?codigo=1191 — اخذ شدہ بتاریخ: 4 اپریل 2022
- ↑ Transfermarkt manager ID: https://www.transfermarkt.com/-/profil/trainer/8111 — اخذ شدہ بتاریخ: 4 اپریل 2022
- ↑ کونر آئی ڈی: https://plus.cobiss.net/cobiss/si/sl/conor/89581667
- ↑ این کے سی آر - اے یو ٹی شناخت کنندہ: https://aleph.nkp.cz/F/?func=find-c&local_base=aut&ccl_term=ica=xx0001556 — اخذ شدہ بتاریخ: 7 نومبر 2022
- ↑ http://news.bbc.co.uk/2/hi/sport/football/112074.stm
- ↑ http://de.fifa.com/worldcup/awards/golden-ball/intro.html — اخذ شدہ بتاریخ: 14 جولائی 2014
- ↑ Deborah Rey، Kirsten McStay (3 November 2020)۔ "Football legend Diego Maradona admitted to hospital with signs of depression"۔ Daily Record (بزبان انگریزی)۔ اخذ شدہ بتاریخ 03 نومبر 2020
- ↑ "Argentina great Maradona to have emergency brain surgery"۔ ESPN۔ 3 November 2020۔ اخذ شدہ بتاریخ 03 نومبر 2020
- ↑ Tatiana Arias and Hugo Correa CNN۔ "Diego Maradona discharged from clinic following successful brain surgery"۔ CNN۔ اخذ شدہ بتاریخ 12 نومبر 2020
- ↑ "Diego Maradona dies aged 60"۔ The Independent (بزبان انگریزی)۔ 2020-11-25۔ اخذ شدہ بتاریخ 25 نومبر 2020
- ↑ "Diego Maradona: Argentina legend dies aged 60"۔ BBC News۔ اخذ شدہ بتاریخ 25 نومبر 2020
- 1960ء کی پیدائشیں
- 30 اکتوبر کی پیدائشیں
- 2020ء کی وفیات
- 25 نومبر کی وفیات
- ڈیاگو میراڈونا
- 1982ء فیفا عالمی کپ کے کھلاڑی
- 1986ء فیفا عالمی کپ کے کھلاڑی
- 1990ء فیفا عالمی کپ کے کھلاڑی
- 1994ء فیفا عالمی کپ کے کھلاڑی
- ارجنٹائن بین الاقوامی فٹبالر
- ارجنٹائن قومی فٹ بال ٹیم منیجر
- ارجنٹائنی رومن کیتھولک
- ارجنٹائنی فٹبالر
- ایسوسی ایشن فٹ بال میں ڈوپنگ کیس
- ایف سی بارسلونا کھلاڑی
- اطالوی نژاد ارجنٹائنی شخصیات
- فیفا 100
- فیفا عالمی کپ-فاتحین کپتان
- فیفا عالمی کپ-فاتحین کھلاڑی
- فٹ بالر
- لا لیگا فٹ بالر
- متحدہ عرب امارات میں غیر ملکی فٹ بال مینیجر
- میکسیکو میں غیر ملکی فٹ بال مینیجر
- ڈوپنگ کیس میں ارجنٹائنی کھلاڑی
- ارجنٹائن میں خواتین کے خلاف تشدد
- ارجنٹائنی کمیونسٹ
- ارجنٹائنی قوم پرست
- فارورڈ کھلاڑی (ایسوسی ایشن فٹ بال)
- امریکیت مخالف
- ارجنٹائن پرائمرا ڈویژن کے کھلاڑی
- سیری اے کے کھلاڑی