Ўзбекистон ДХХ футбол кубоги
 | |
| Давлат |
 Ўзбекистон |
|---|---|
| Ўтказувчи ташкилот |
Давлат хавфсизлик хизмати Спорт вазирлиги Футбол ассоциацияси Профессионал футбол лигаси |
| Футбол тузилмасидаги ўрни | 3 |
| Ташкил этилган | 2021-йил |
| Жамоалар сони | 12 |
| Амалдаги чемпион |
Ўғил болалар ўртасида: "Янги авлод" (Қашқадарё вилояти) Қиз болалар ўртасида: 1-ўрин. „Қарши“ (Қашқадарё вилояти) |
| Тўпурарлар |
Абдурашид Қахаров (Наманган вилояти) Диёра Маҳмудова (Тошкент вилояти)[1] |
| ТВ ҳамкорлар | Узрепорт ТВ |
| Жорий мавсум: 2024 | |
Футбол бўйича Ўзбекистон Республикаси Давлат хавфсизлик хизмати раиси кубоги – Ўзбекистон Республикаси ҳудудида маҳаллалар, туманлар, вилоятлар босқичида ўтказиладиган анъанавий футбол ва мини-футбол мусобақаси. Моҳияти жиҳатидан стрит-футболга яқин. Ўзбекистон Республикаси Давлат хавфсизлик хизмати ва Ўзбекистон футбол ассоциацияси раҳбари Абдусалом Азизов ташаббуси билан 2021-йилда ташкил этилган.
Мавсумлари
[edit | edit source]2021
[edit | edit source]2021-йил 30-март куни илк марта Ўзбекистоннинг туман, шаҳар, вилоятлари кесимида уюшмаган, ишсиз ва кам таъминланган ёшлар ўртасида спортнинг мини-футбол тури бўйича Давлат хавфсизлик хизмати раиси кубоги мусобақалари ташкил этилган. Унда 18-30 ёш оралиғидаги ёшлардан 7779 таси қатнашган. Туман, шаҳар ва вилоят босқичларида ғолибликни қўлга киритган энг кучли 14та жамоа 12-15-июн кунлари Тошкент шаҳридаги Бунёдкор стадионида бўлиб ўтган финал босқичида қатнашди. 1-ўринни Қашқадарё вилояти Қамаши тумани „Самарқанд“ маҳалласи жамоаси, 2-поғонани Сирдарё вилояти Гулистон шаҳри „Тараққиёт“ маҳалласи жамоаси, 3-ўринни Жиззах вилояти Зомин тумани „Ғофур Ғулом“ маҳалласи жамоаси қўлга киритди[2].
Мусобақа жуда юқори савияда ташкил этилди. Ўзбекистонда 16-30 ёшлар оралиғидаги ёшларни ўзида қамраб олган бу каби кенг кўламли мусобақалар кам. Ҳар бир маҳалла ўз ша'нини ҳимоя қилгани, кейинроқ эса туман ва республика босқичи билан турнир давом эттирилгани, 60мингдан зиёд ёшларнинг бир чемпионат йўлида курашга киришгани жуда хурсанд қилди. Ташкилий масалада қийинчиликлар бўлди. Лекин иштирокчиларнинг кўзларидаги миннатдорлик ҳислари барча чарчоқларимизни чиқариб юборади
2022
[edit | edit source]2022-йилдан бошлаб, Қорақалпоғистон, вилоятлар ва Тошкент шаҳрида футбол ва мини-футбол бўйича кубок мусобақалари уч босқичда ўтказиб келинмоқда.
- Ёшлар ўртасида туман/шаҳар мусобақалари. Улар апрел-май ойларида ўтказилди.
- Туман/шаҳар ғолиблари ўртасида Давлат хавфсизлик хизмати Қорақалпоғистон, вилоятлар ва Тошкент шаҳри бўйича бошқармалари бошлиғи кубоги мусобақалари. Улар июн-июл ойларида ўтказилади.
- Вилоят ғолиблари ўртасида Давлат хавфсизлик хизмати кубоги учун республика босқичи мусобақалари. Улар август ойида ўтказилди[3].
21-август куни қур’а ташлаш маросими бўлди[4].
Республика босқичи ўйинлари – футбол бўйича гуруҳ, мини-футбол бўйича гуруҳ ва финал учрашувлари „Бунёдкор“ футбол академиясига қарашли сунъий қопламали майдонларда, футболнинг финал учрашуви Тошкент шаҳридаги "Жар" стадионида ўтказилди. 28-август кунги финал ўйинида футбол ва мини-футбол бўйича ғолиблар аниқланди. Мини-футбол бўйича ғолиблик Андижон вилояти Балиқчи туманидаги „Кўл“ жамоаси ёшларига насиб этган бўлса, Тошкент шаҳрининг Олмазор тумани „Пахта“ жамоаси иккинчи, Фарғона вилояти Фарғона тумани „Оқтепа“ жамоаси эса учинчи ўринни эгаллади.
Футбол бўйича ўтказилган беллашувларда Тошкент вилояти Бўка тумани „Дўстлик“ жамоаси биринчи, Сирдарё вилояти Мирзаобод тумани „Боғистон“ жамоаси иккинчи ўринни эгаллади. Учинчи ўрин Жиззах вилояти Жиззах шаҳри „Турон“ жамоасига насиб этди[5].
2023
[edit | edit source]2023-йилдан бошлаб аёллар ўртасида ҳам мусобақалар ўтказила бошланди. Қизлар ўртасида мини-футбол бўйича ДХХ кубоги мусобақалари уч босқичда ўтказилди. Биринчи босқич – туман ва шаҳарлар кесимида апрел-май ойларида, иккинчи босқич – Қорақалпоғистон Республикаси, вилоятлар ва Тошкент шаҳри миқёсида июн-июл ойларида ўтказилди. Мусобақалар республика бўйича 250 минг нафардан ортиқ ёшларни қамраб олди. Иккинчи босқич якуни бўйича 365 нафар ёшлар аниқланиб, маҳаллий футбол клубларга жалб қилинди[6].
Республика босқичи 21—25-август кунлари „Бунёдкор“ футбол академиясида бўлиб ўтди[7]. 21-август куни қур’а ташлаш маросими бўлди[8]. Республика босқичида ўғил болалар ўртасида футбол ва мини-футбол бўйича ғолиб бўлган жамоалар маҳалласига мини-футбол майдони, 2-ўринни эгаллаган жамоалар учун баскетбол ва волейбол ўйинлари учун мўлжалланган универсал спорт майдони, 3-ўринни эгаллаган жамоалар маҳалласига бир саватли кўча баскетболи спорт майдони қуриб берилиши белгиланди.
Қизлар ўртасидаги мусобақада ғолиб ва совриндор бўлган жамоалар пул мукофотлари билан тақдирланди. Уларга диплом, медал, велосипед ва телевизорлар берилди. Финал ўйини 26-август куни „Жар“ стадионида ўтказилди. Унда 42 та жамоа ғолиблик учун курашди. Ўғил болалар ўртасида Қашқадарё вилоятининг „Қамаши“ жамоаси, қиз болалар ўртасида Самарқанд вилоятининг „Нафис“ жамоаси ғолиб бўлди[9].
2024
[edit | edit source]6-апрел куни футбол ва мини футбол бўйича ДХХ кубогининг Тошкент шаҳар босқичига старт берилди[10][11].
19-август куни Республика босқичига қуръа ташланди[12]. 22-августда чорак финал, 23-августда ярим финал, 24-августда эса 3-ўрин учун баҳс ва финал мусобақаси бўлиб ўтди[13].
Финалда ўғил болалар ўртасида мини-футбол бўйича 1-ўринни Қашқадарё вилоятининг „Янги авлод“, 2-ўринни Наманган вилоятининг „Дамбоғ“, 3-ўринни Бухоро вилоятининг „Жўрабод“ жамоалари олди. Қиз болалар ўртасида мини-футбол бўйича 1-ўринни Қашқадарё вилоятининг „Қарши“, 2-ўринни Тошкент вилоятининг „Чиноз“, 3-ўринни Жиззах вилоятининг „Арнасой-W“ жамоалари олди. Ўғил болалар ўртасида футбол бўйича 1-ўринни Қашқадарё вилоятининг „Арабхона“, 2-ўринни Тошкент вилоятининг „Оқ овул“, 3-ўринни Андижон вилоятининг „Полосон“ жамоалари олди. Мини-футбол бўйича „энг яхши ўйинчи“ – Маъруф Турниёзов, „энг яхши тўпурар“ – Абдурашид Қахаров, „энг яхши дарвозабон“ – Беҳрузжон Рашидов бўлди. Қизлар ўртасида мини-футбол бўйича „энг яхши ўйинчи“ – Сабрина Анарбоева, „энг яхши тўпурар“ – Диёра Маҳмудова, „энг яхши дарвозабон“ – Сарвиноз Эргашева бўди. Ўғил болалар ўртасида футбол бўйича „энг яхши ўйинчи“ – Қаҳрамон Шоҳназаров, „энг яхши тўпурар“ – Ҳикматилла Ҳабибуллаев, „энг яхши дарвозабон“ – Шаҳзод Мадаминов деб топилди.
Манбалар
[edit | edit source]- ↑ „ДХХ кубоги якунланди. Ғолиб ва совриндорлар тақдирланди - фотожамланма“.
- ↑ 2,0 2,1 „ДХХ раиси кубогининг тантанали тақдирлаш маросими бўлиб ўтди“.
- ↑ Футбол бўйича ДХХ кубогининг саралаш босқичига старт берилди
- ↑ „Дхх кубоги республика босқичига қур’а ташланди — видео“. 2022-йил 7-октябрда асл нусхадан архивланган. Қаралди: 2022-йил 7-октябр.
- ↑ „ДХХ Кубоги-2022 якунланди. Футболда Тошкент вилояти, мини-футболда Андижон тенгсиз (фоторепортаж)“.
- ↑ „Қизлар о'ртасида ДХХ кубоги г'олиби аниқланди“.
- ↑ „ДХХ кубогининг финал баҳслари старт олди“.
- ↑ „ДХХ кубоги – 2023. Финал босқичига қуръа ташланди“.
- ↑ „ДХХ кубоги-2023. Ғолиблар аниқланди ва тақдирланди“.
- ↑ „Тошкентда футбол ва мини футбол бўйича ДХХ кубоги старт олди“.
- ↑ „ДХХ кубогининг Тошкент шаҳар босқичига старт берилди“.
- ↑ „ДХХ кубоги Республика босқичига қуръа ташланди“. Ўзбекистон футбол ассоциацияси.
- ↑ „ДХХ кубоги – 2024: мусобақанинг ғолиб ва совриндорлари тақдирланди“.