Prezon

La prexon l'è el posto n'do i giudexi i fa serar i birbanti che i xe stadi condanai o se no cuei che i sarà procesadi par robe gravi perché no i scampa prima del proces opura ghe se' pericol che i faga oncora le stese birbantade opura che i xerca de mis-ciar le prove prima del proces.

A Venesia la preson l'era na olta tacada al palas del doxe, ma ades l'è a santa Maria.

Le regole dele prexon i Taliani i le ciama "Ordinamento Penitenziario".

Storia

Le prexon le ghe sempre stade fin dai antichi, sol che na olta le gera un posto in do i custodiva i briganti o i prexoneri de guera un tanto che se dexideva cosa farne, invese nei ultimi dosento ani l'è deventà anca un posto un do se paga il fio o el castigo de le birbantade. Se vol dir che sin a dosento ani fa el castigo el gera o eser copadi un te na maniera pu o men cativa opura, se se tratava de un zoven robusto, mandà a remar sule galee par diese ani (ma l'era un gran difizile che un l'arivase a durar un solo ano), opura, se nol gera robe tanto gravi, pagar na bona multa o eser mandà via dala zona un do se steva o ciapar un poche de bastonade se no se gaveva i soldi par la multa. Ghe gera anco i capitani da mar che quando i dropava s-ciavi par le galee da guera i ghe diseva ai giudizi a moverse co le condane perché i dropava remadori e de no torturarli masa perché se i ghe slogava le spale cola corda dopo no i remava pu tanto ben. 'N te la preson se tegniva anca i s-ciavi da remo quando la galea la gera a Venesia. Tanti remadori i capitani da mar i gera nadi a ciaparli su par le coste della Sciavonia par procurarsene de pu e i li ciamava sciavoni ('nvezi che sciavi) perché i li xercava beli grandi e grosi che i remasa co pu forza. I remadori i se comprava anca dal vesco de Trent che el gaveva qualche brigante bel robusto, ma no el gaveva galee un do meterlo al remo.