Medin'
Lidnanznam | |
Valdkund | Venäma |
Eläjiden lugu (2018) | 8,109 ristitud |
Pind | 15 km² |
Pämez' | Eduard Kiričenko (reduku 2015—) |
Telefonkod | +7−48 433-xx-xxx |
Avtokod | 40 |
Aigvö | UTC+3 (MSK+0) |
Medin' (ven.: Меды́нь) om Venäman lidn da lidnankund Kalugan agjan pohjoižes. Se om Medinin rajonan administrativine keskuz.
Istorii
[vajehta | vajehtada lähtetekst]Eländpunkt mainitase ezmäižen kerdan voziden vn 1386 dokumentoiš Medinin udes alištuses Moskvan ruhtinasen tobmudele Smolenskan sijas. Nimitihe meden tehmižen mödhe vai jogen mödhe, goläd'-heimon sanoišpäi (nüg. litv.: medė «mec», medynas «mecakišt»). 17. voz'sadan augotišes Medin' oli pandud mantazole i kadoti lidnan statusad, vodele 1660 žilo jäi eläjita mustmoran jäl'ghe. Medin' sai makundan lidnan oficiališt statusad vl 1777. Šingoti virifabrikoil 20. voz'sadan augotišes. Toižen mail'man sodan aigan lidn oli okkupiruidud nacistoil (12. reduku 1941 — 14. viluku 1942).
Medin' šingotase mecan ümbriradmižel, meblinfabrikal i sömtegimištol (maidtegim, jähižen edheotand). Meden tehmižen keskuz voz'sadoiš. Universaližen (Venän) toran mail'man čempionatan kaikenaigaine sija vspäi 2012. Znamasine rajonan kul'turkeskuz[1].
Geografijan andmused
[vajehta | vajehtada lähtetekst]Lidn sijadase rajonan suves, Medink-jogen hural randal tobjimalaz (ven.: Медынка 51 km pitte, Okan hurapol'ne bassein), 200 m ü.m.t. keskmäižel korktusel. Matkad Kalughasai om 57 km suvipäivnouzmha-suvhe orhal vai 63 km avtotel. Lähembaižed lidnad oma Kondrovo (raudtestancii) 19 km suvhe orhal vai 23 km avtotedme, i Malojaroslavec (raudtestancii) 39 km päivnouzmha orhal vai avtotedme. «Moskv — Roslavl'»-avtote (A-130) läbitab lidnan keskuzpalad.
Medin' om lidnankundan üks'jäižeks eländpunktaks.
Eläjad
[vajehta | vajehtada lähtetekst]Vl 1939 lidnan ristitišt oli 5 829 eläjad. Vn 2010 Venäman rahvahanlugemižen mödhe lidnan eläjiden lugu oli 8 300 ristitud, rajonan kaks' koumandest. Kaikiš suremb lidnan ristitišt om läz vai enamba kahesad tuhad eläjid vspäi 1970 (8 872 rist. vl 1979).
Rahvahad (2010): venälaižed — 88,9 %, armenijalaižed — 2,9 %, vaugedvenälaižed — 1,8 %, ukrainalaižed — 1,3 %, uzbekad — 1,2 %, toižed rahvahad — 3,9 %.
Ortodoksižen hristanuskondan kaks' pühäpertid om olmas lidnas, sen ližaks phh. Šol'oin i Konstantinan päjumalanpert' (1777) om muretud i ei ole väges.
Professionaližen opendusen aluzkund om Federaližen aznoičendsisteman radnikoičendan profškol nomer 56.
Galerei
[vajehta | vajehtada lähtetekst]-
Sijaližen tobmuden pert' (2012)
-
Kazanin Jumalanmaman jumalanpert' (1836), vn 2012 nägu
-
Medink-jogi
-
Avtobusstancii
Homaičendad
[vajehta | vajehtada lähtetekst]Irdkosketused
[vajehta | vajehtada lähtetekst]Medin' Vikiaitas |
Kalugan agjan lidnad | ||
Balabanovo | Belousovo | Borovsk | Jermolino | Juhnov | Kalug | Kirov | Kondrovo | Kozel'sk | Kremönki | Lüdinovo | Malojaroslavec | Medin' | Meščovsk | Mosal'sk | Obninsk | Sosenskii | Spas-Demensk | Suhiniči | Žizdr | Žukov | Tarus | ||