ANZAC Day

ANZAC Day is e vryen dag met e grôte importensje in Australië en Nieuw-Zêeland. E volt op 25 april. ANZAC is d'ofkortieng vo Australian and New Zealand Army Corps.

Geschiedenisse

Op 25 april 1915 vochtn d'Australiërs en de Nieuw-Zeelanders teegn de Turkn in 'n Êestn Weireldôorlog, by Gallipoli (Turks: Gelibolu). De Turkn dein mei met de Duutschers. De Geallieerdn wilnde deurebreekn na Constantinopel (da nu Istanbul noemt) en azo Turkeye rap uut 'n ôorlog krygn. Moa 't plan mislukte: in acht moandn tyd goengn d'r 8.000 Australische soldoatn dôod.

Vandoage

Ouk ol en ze verlôorn, d'Australiërs zyn preus op de soldoatn die by Gallipoli evochtn en. Moar op ANZAC Day peizn ze ouk an ol nunder soldoatn die in d'ôorlogn esneuveld zyn: z'oudn overol te lande 1 of 2 menuutn stilte, ze leggn bloemn by de groavn, en ze speeln 'n Last Post.

Externe koppelienge

• Website van d'Australische regerienge
• Tekste van And the Band played Waltzing Matilda, e numer van Eric Bogle over oundermeer ANZAC Day.

Mêer ofbeeldiengn die ier by passn ku je vien ip Category:Anzac Day ip Wikimedia Commons.

Dat artikel es geschreevn in 't Poperiengs.

---