Honfleur
 Honfleur | |
|---|---|
.svg)
| |
 Koarte van Honfleur en d' omliggende gemêentes | |
| Geografie | |
| Regio | Normandië |
| Departement | Calvados |
| Arroundissement | Lisieux |
| Kanton | Honfleur-Deauville |
| Coördinoatn | 49°25′NB 0°13′OL |
| Ippervlak | 13,67 km² |
| Inweuners | |
| Inweuners | 7.454 (2015) 545 inw./km² |
| Andere | |
| Burgemêester | Michel Lamarre |
| Postcode | 14600 |
| Webadres | Site van Honfleur |
Honfleur is e Fransche gemêente in 't departement Calvados in de regio Normandië. De plekke ligt an de zuudelikn oever van de moendienge van de Seine teegnover Le Havre. D' inweuners wordn Honfleurais genoemd.
Beziensweirdigheedn
[bewerkn | brontekst bewerken]- Le vieux bassin, d' oude hoavekomme met de Quai Sainte-Cathérine in 't westen en de Quai Saint-Étienne in 't ôostn. Langst de koaie Sainte-Cathérine stoan hoge, smalle huuzn uut de 17e en 18e êeuwe. Vele façades zyn bedekt mè leistêen. Langst de koaie Saint-Étienne stoan der e stik of tien gebouwn, woaroender 't gemêenthuus en de kerke Saint-Étienne, nu e museum van de marine.
- Kerke Sainte-Cathérine, achter de koaie Sainte-Cathérine. De kerke is gebouwd in de 15e, 16e êeuwe hêlegans in hout. 't Bestoat uut twêe dêeln: de kerke zelve en de klokketorre (Clocher Ste-Cathérine).
- Kerke Saint-Étienne, gebouwd in de 14e êeuwe en d' oudste kerke van de stad
- Kerke Saint-Léonard in 't zuudôostn van Honfleur. De façade is in flamboyante gotische styl. 't Grotste dêel van de kerke is verwoest gewist deur de Hugenootn in de 16e êeuwe binst de godsdienstoorloogn en in de 17e, 18e êeuwe herbouwd met e koepelvormige klokketorre.
- Lieutenance, 't huus van de luutenant van de keunienk, de gouverneur van Honfleur, gebouwd ip de funderiengn van 't oud kastêel van Honfleur
- Greniers à sel, twêe overbluuvnde zoutzolders die vroeger zout bevattn vo vis te pekeln. Ze wierdn in de 17e êeuwe gebouwd mè restantn van d' oude vestiengmeurn. Ze worden nu gebruukt vo seminoaries, concerts en exposiesjes.
- Visschersbôot Sainte-Bernadette, de latste geirnoarvanger die nog assan voart. 't Is e monument historique sedert 1992 en wordt oenderhoudn deur de verênigienge La Chaloupe d'Honfleur.
- Pont de Normandie, brugge dichte by Honfleur, mêer noa 't ôostn, die de zuudelikn oever van de moendienge verbiendt mè Le Havre
De gemêente telt 57 monuments historiques, woaroender de kerkn Sainte-Cathérine, Saint-Étienne en Saint-Léonard, twêe zoutzolders (greniers à sel), de Lieutenance en de mêeste huuzn van de koaie Sainte-Cathérine.
-
Kerke Sainte-Cathérine, achter de koaie Sainte-Cathérine -
Kerke Saint-Étienne, langst de koaie Saint-Étienne -
Lieutenance
|
Ofbeeldiengn die ier by passn ku je vien in de categorie Honfleur van Wikimedia Commons. |