Liber Floridus
Liber Floridus (Blommeboek) is e middelêeuwschn encyclopedie geschreevn tusschn 1090 en 1120 deur Lambert, kanunnik van Sint-Omoars. Den tekst bestoat uut uuttreksels van omtrent 192 verschillige werkn. 't Goat over Bybelsche, historische, astronomische, geogroafische, theologische, filosofische, en nateurkundige oenderwerpn.
Lambert schrêef Liber Floridus ôorsproenkelyk in 't Latyn en loater wierd 't in 't Frãns vertoald ols Le Livre fleurissant en fleurs. E gedetailleerde beschryvienge is te viendn in 't Historia comitum Normannorum, comitum Flandriae.
't Originêel manuscript, ofgewerkt in 1120 en ipgedreegn an d'n heilign Audomarus (Sint Omer) deur Lambertus, is bewoard gebleevn in Gent in d'universiteitsbibliotheke. Neffest 't originêel zyn der neegn kopies bekend, dateernd van de twoalfste toet de zestienste êeuwe, allemolle gemakt in Vloandern en Henegouwn. Sedert de 10e moarte 2008 stoat 't ip de lyste van roerend culturêel erfgoed van de Vlamsche Gemêenschap. De kopies wordn bewoard in Chantilly, Den Haag, Dowoai, Genua, Leiden, Wolfenbüttel en Parys.
-
De bêeste van den apocalyps -
De zeevnkoppige droake uut d' Oopnboarienge van Johannes -
Ende van de weireld -
Verschillige plantn
|
Ofbeeldiengn die ier by passn ku je vien in de categorie Liber Floridus van Wikimedia Commons. |