Nederlands

Nederlands

Toalgebied	Holland, Vloandern, Frans-Vloandern, Surinoame, Hollandsche Antill'n, Indonesië
Sprekers	23 miljoen
Toalfamilie	Indo-Europees Germoans West-Germoans Nederfrankisch

Stoatus

Officieel in	Holland, Vloandern, Surinoame, Hollandsche Antill'n
Toalorganisoatie	Nederlandse Taalunie

Daterienge

Periode	sins 1500
Voorloper	Middelnederlands

Toalcodes

ISO 639-1	nl
ISO 639-2	dut/nld
ISO 639-3	nld

Nederlands is e West-Germoansche toale die geklapt wordt deur de mêeste inweuners van Holland, Vloandern en Surinoame, de drie leedn van de Nederlandse Taalunie, 'n internationale instellienge die ounder andere de regels vo 't Standaardnederlands vastelegt. In d' Europeesche Unie klapp'n der e stik of 23 miljoen menschn Nederlands vor êeste toale en nog e ki vuuf miljoen os twidde toale. Nederlands is ook 'n officiële toale van de Caraïbische eilandn Aruba, Curaçao en Sint-Maarten, binst dat er ook nog minderheedn bestoan in Vrankryk, Duutsland en in mindere moate Indonesië, de Verênigde Stoatn, Canada en Australië. De Koap-Hollandsche dialectn van Zuud-Afrika en Namibië wierdn gestandaardiseerd tout Afrikoans, e dochtertoale van 't Nederlands.

Karakter

Nederlands is nauwe verwant an Iengels en Duuts. 't Is wel azo da Nederlands de Hoogduutsche klankverschuvienge nie het oundergoan en 't verschilt verder ook van 't Duuts deur de sterke reduucsje van de noamvall'n en e mêer regelmoatige morfologie.