Tom Van Grieken
Tom Jozef Irène Van Grieken (Antwerpn, 7 oktober 1986) es nen Antwerpschn Vlams-nationalistieschn polletieker van't Vlaams Belang.
Biogroafie
[bewerkn | brontekst bewerken]Van Grieken weundigde tout an zyn tien joar in Antwerpn, derachter veruusde ie noa Mortsel. In 2018 besliste ie em van te veruuzn noa Schootn. Ne studeerde communikoasje-management an de Plantyn Ôogeschoole en 'n eit e tydje gewerkt by e reklamme-bureau.
Ton da 't em nog in't middelboar zat, eit ie 't Nationalistisch JongStudentenVerbond (NJSV) nen nieuwn oasem gegeevn en bouwde ie en werkienge uut in hil Vloandern. Ôok bist zyn voddere studies bleeft 'm polletiek actief en wostie van 2009 tout 2011 nationoal vôorzittre van de Nationalistische Studentenvereniging (NSV!). Ounder zyn leydienge geraktn teffrente ofdêeliengn dervan erkend an olle grôote universiteytn van Vloandern.[1][2]
Tom Van Grieken wierd in 2003 lid van't Vlaams Blok, wa 't joar derachter veranderde noa 't Vlaams Belang. In 2006 wierd ie by de gemêenteroadsverkiezingn vanip de vuuftiende plekke ip de liste verkooz'n tout gemeenteroadslid in Mortsel. In 2012 wierd ie doar van ip de latste plekke van de liste erkooz'n. By de gemeenteroadsverkieziengn van 2018 wos Van Grieken lysttrekker in Schootn en ne wierd doa ôok verkoozn.
Ip 25 moarte 2012 wierd ie ounder et motto "De winter es verby" verkoozn tout nationoal vôorzittre van de Vlaams Belang Jongeren (VBJ).[3] Nen ield die funksje tout 2014, ton em ipgevolgd wierd deur Reccino Van Lommel.
By de kiezinge vo't Vlams Parlement in meie 2014 stound Van Grieken ip de twidde plekke ip de lyste van de kieskring Antwerpen.[4] Ne wierd verkoozen tout Vlams Parlementslid, wad em bleef tout 2019.[5] In september 2014 steldigde ie zyn eign kandidoat vo Gerolf Annemans ip te volgn lyk party-vôorzittre van't Vlaams Belang. Zyn verkiezingsmotto wos "Gin toekomst zounder wortels". Ne wos den êenigstn kandidoat en ne kreeg 93 percent van de stemm'n.[6]
By de verkiezingn van 2019 wostie lysttrekker van de federoale Antwerpsche lyste van't Vlaams Belang. De party wos de grotste winnoare van de kiezienge en Van Grieken wierd verkooz'n in de federoale Koamer. Derachter wierd ie by d'êeste regeeriengsounderandeliengn ountvangn deur keunienk Filip ip't paleys in Brussel; Da wos den êeste kêe in de geschiedenisse datter e polletieker van't Vlaams Belang deur de keunienk wierd ountvangn.
Ip 16 november 2019 wierd Van Grieken mè 97,4 percent van de stemm'n erkoozn lyk Vlaams Belang-vôorzittre, ipnief zounder teegnkandidoatn.[7]
Referensjes
[bewerkn | brontekst bewerken]- ↑ LOKO erkent voor het eerst extreemrechtse NSV; De Morgen, 20 februoari 2010
- ↑ NSV erkend; De Standaard; 27 oktober 2011
- ↑ Tom Van Grieken is nieuwe voorzitter Vlaams Belang Jongeren; Het Laatste Nieuws; 25 maart 2012
- ↑ Vlaams Belang legt lijsttrekkers vast; Het Nieuwsblad; 14 december 2013
- ↑ Antwerpen vandaag 11 juli 2014; ATV; 11 juni 2014
- ↑ Tom Van Grieken nieuwe voorzitter Vlaams Belang; De Standaard; 19 oktober 2014
- ↑ Tom Van Grieken herverkozen als Vlaams Belang-voorzitter met 97,4 procent van stemmen, Het Laatste Nieuws, 16 november 2019.
|
Ofbeeldiengn die ier by passn ku je vien in de categorie Tom Van Grieken van Wikimedia Commons. |